Dielulula 7:21 - MUKANDA WA MYIDI MUKULU

²¹ Kanutshinyi bisamba ebi to. Maweja-Nangila Mvidi Mukulu wenu udi nenu. Kakuena muntu udi mua kuambangana nende to.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Kanutshinyi ku mesu kuabo, bualu bua Yehowa, Nzambi wenu, udi munkatshi muenu, udi Nzambi munene udi uvuisha ditshina dikole.

Dielulula 7:21 교차 참조

2 Kulondolola 32:8

Yeye udi ne bantu badi bamuambuluisha bua kuluangana. Kadi tuetu tudi ne Maweja-Nangila Mvidi Mukulu wetu, udi utuambuluisha, utuluila mvita. Mukalenga Izkiya wamba miaku ayi, bantu bonsu ba mu tshimenga kupeta dikima.

Nehemya 1:5

kumuambila ne: — Ndi nkusengelela Maweja-Nangila Mvidi Mukulu wa mu diulu, Mvidi Mukulu munene wa kutshina! Wewe udi ukumbaja ndondu webe ne bantu badi batumikila mikenji yebe. Kabidi bantu bonsu badi bakunanga, kuena ubalekela to.

Nehemya 4:14

Kadi muaba onsu unudi nuenza mudimu, panudi numvua mpungi, nudisangishe bonsu, nufike muaba undi. Nanku, Mvidi Mukulu wetu atuluile mvita!

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Misambu 46:5

Musulu udi upitshila mu tshimenga tshia Mvidi Mukulu, ufila mayi matalale, usankisha bantu. Mu tshimenga atshi ke mudi nzubu wa tshijila wa Mvidi Mukulu, Muena kulu.

Misambu 46:6

Mvidi Mukulu udi mu tshimenga etshi. Nanku kabena mua kutshibutula. Butuku kabuyi buanji kutshia, ukadi uvua kutshiambuluisha.

Misambu 46:7

Padi Mvidi Mukulu wakula, bisamba bidi bizakala, makalenga atutakana, buloba bunyungakana.

Misambu 47:2

Bisamba bionsu, tutayi nkashi. Nutumbishe Mvidi Mukulu ne mbila ya disanka.

Misambu 68:35

Ambilayi bantu bonsu ne: Mvidi Mukulu udi ne bukole, udi Mukalenga munene mu Izrayele, butumbi buende mbutue mulu, mbutue panshi!

Misambu 89:8

Mvidi Mukulu, badi bakutshina mu tshipangu, tshia batumibue ba Mvidi Mukulu, badi bapita kukutshina kudi badi bannyungulukila.

Misambu 95:3

Bualu Maweja-Nangila, udi Mvidi Mukulu munene. mMukalenga munene udi upita mvidie yonsu.

Ekesode 29:45

Meme nengikale Mvidi Mukulu wa bena Izrayele musombe munkatshi muabu.

Danyele 9:4

Meme kutendelela Maweja-Nangila, Mvidi Mukulu wanyi, mmutondela mibi yanyi: “Eyi, Maweja-Nangila Mvidi Mukulu munene, udi ukuatshisha bantu bowa, udi ulama ndondu yebe ne bonsu badi batumikila mikenji yebe, udi ne diyi dimue kudi bonsu badi bakunanga.

Dibadika 13:9

Palti, muana wa Rafu, wa mu tshisamba tshia Binyamine.

Dibadika 14:14

Bena Ejipitu mbamane kulondela bena Kenaane malu aa. Nanku bena Kenaane mbamane kumvua muudi wewe Maweja-Nangila wenda ne tshisamba tshiebe tshia bena Izrayele, umonangana nabu mpala ne mpala. Badi bamanye muudi ubalama, bualu mu munya udi wenda kumpala kuabu mu divuba, butuku mu tshimunyi tshia kapia.

Dibadika 14:42

Maweja-Nangila kena nenu to! Nanku kanuyi to! Baluishi benu nebanubutule!

Dibadika 14:9

Kadi, lekelayi kutombokela Maweja-Nangila. Kanutshinyi bena ditunga adi to. Netubabutule! Mvidie yabu ivuabu batekemene kayena kabidi ne bukole bua kubalama to! Kadi Maweja-Nangila udi netu. Nanku kanubatshinyi to.

Dibadika 16:3

Bantu aba bonsu, kutombokela Moshe ne Arone, kubambila ne: — Nudi nukolesha malu! Tuetu bena Izrayele bonsu tudi bantu ba tshijila. Maweja-Nangila udi munkathi muetu bonsu. Munudi nuditemba, nuditeka kumpala kua bantu bakuabu ba Maweja-Nangila mbishi?

Dibadika 21:34

Maweja-Nangila kuambila Moshe ne: — Kutshinyi mukalenga ewu to. Nenkuambuluishe bua umutshimune, umunyenge ditunga edi dijima. Umuenzele muuvua muenzele Sihone, mukalenga wa bena Amore, uvua musombe mu tshimenga tshia Eshebone.

Dibadika 23:21

Maweja-Nangila kena mumone bubi, kena mumone buenzavi kudi bena Izrayele. Udi Mvidi Mukulu wabu, musombe munkatshi muabu. Badi bamutumbisha bualu udi mukalenga wabu.

Dibadika 9:20

Pavua divuba adi dishala dibuikila muaba wa tshijila matuku makese, bena Izrayele bavua bashale muaba awu matuku makese. Nanku bavua bajula mitanda, bayasa tshiakabidi amu ku diyi dia Maweja-Nangila.

1 Korente 14:25

Meji ende masokome neamueneke patoke. Nenku neadiele panshi bua kukukuila Mvidi Mukulu, neambe ne: “Mvidi Mukulu bushuwa udi munkatshi muetu!”

Dielulula 1:21

Tangilayi: Maweja-Nangila Mvidi Mukulu wenu mmunupe ditunga dinudi bamone edi. Nanku koleshayi muoyi, kanutshinyi. Yayi, nukuate ditunga edi, bu muvua Maweja-Nangila, Mvidi Mukulu wa bankambua benu, mumane kuamba.”

Dielulula 10:17

Numanye ne: Maweja-Nangila udi mfumu wa mvidie yonsu, ne mukalenga wa bakalenga. Yeye ke Mvidi Mukulu munene ne wa bukole bonsu, udi bantu bonsu batshina. Kena ne kansungansunga to. Kena witaba mabuejilu to.

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Dielulula 25:8

Nenku bakulu ba mu tshimenga atshi nebabikile mulume awu, bua abajadikile mudiye ubenga kupiana mukaji wa mufue.

Dielulula 31:17

Nanku nembafikile munda, mbalekela, bua babakengeshe bikole kudi bisamba bikuabu. Nebajadike mudi makenga aa abenzekela, bualu meme Mvidi Mukulu tshiena kabidi munkatshi muabu.

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.

Yoshua 8:1

Maweja-Nangila kuambila Yoshuwa ne: — Kutshinyi, kuzakadi. Angata bena mvita bebe bonsu. Nuye kuluisha bena tshimenga tshia Ayi. Meme ndi nkupesha mukalenga wa bena Ayi, bantu bende, tshimenga tshiende, ne ditunga diende dijima.

1 Samuele 4:8

Eyowa tudi bena diakabi! Nganyi udi mua kutusungidila kudi Mvidi Mukulu ewu wa bukole, uvua mukengeshe bena Ejipitu ne bipupu bia mishindu ne mishindu mu tshipela?