Dielulula 7:2 - MUKANDA WA MYIDI MUKULU

² Neabafile kunudi, bua mbatshimune bonsu, nubabutule. Kanuena mua kutua nabu ndondu, kanuena mua kubafuila luse.

Mukanda wa Nzambi Dihungila Dikulukulu ne Dihungila Dihia-dihia 2003

² habafila Yehowa, Nzambi wenu, mu bianza bienu, nenubashihe; hashishe nenubajimishe ha buloba: kanuhungi nʼabo tshihungidi, kanubaleshi luse,

Dielulula 7:2 교차 참조

Genese 14:20

Mvidi Mukulu muena kulu uvua mukuambuluishe bua wewe kutshimuna baluishi bebe atumbe! Abrame kulambula Melkisedeke tshia dikumi tshia bintu biende bionsu bivuaye munyenge mu mvita.

2 Samuele 21:2

Mukalenga Davide kubikidisha bena Ngibone bua kuyukila nabu. Bena Ngibone kabawa bena Izrayele to. Bavua bena Amone bavua bashala ne muoyi, bualu bena Izrayele bavua babalaya ne: katuena mua kunushipa to. Kadi pavua Shawule ukeba kusankisha bena Izrayele ne bena Yuda, uvua ukeba kubutula bena Ngibone.

1 Bakalenga 20:34

Benadade kuambila Akabe ne: — Nenkupingajile bimenga bivua tatu wanyi munyenge tatuebe. Nanku bintu bia mu ditunga diebe, neuye kubisumbisha mu tshimenga tshia Damase, bu muvua tatu wanyi uya kusumbisha bintu bia mu ditunga dietu mu Samariya. Akabe kumuambila ne: — Meme ndi musue kutua nebe ndondu. Pashishe, nenkulekele bua wewe kuya muebe muudi musue. Akabe mumane kutua ndondu ne Benadade, kumulekelaye.

Ezela 10:3

Bualu netuditshipe kudi Mvidi Mukulu ne: netubenge bakaji benyi bonsu, ne bana badibu balele. Netulonde meyi anudi nufila, wewe Ezra ne bonsu badi bakumbaja biakane mikenji ya Mvidi Mukulu wetu. Netukumbaje bidiye musue.

Misambu 106:34

Kabavua babutule bena Kenaane, bu muvua Maweja-Nangila mubambile.

Ekesode 22:20

“Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Dibadika 21:2

Ke bena Izrayele kuditshipa kudi Maweja-Nangila, bamulaya ne: — Tuetu batshimune bantu aba, netubutule kabidi bimenga biabi bionsu.

Dibadika 31:17

Nanku mpindiewu nushipe bana ba balume bonsu, kabidi ne bakaji bonsu bakadi bamane kumanyangana ne balume.

Dibadika 33:52

nuipate bena ditunga adi bonsu. Nunyange mpingu yonsu, idi ileja mvidie yabu, nansha bayisonge mu mabue, nansha bayifule ne tshiamu. Nunyangakaje kabidi miaba yabu yonsu idibu batendelela.

Dielulula 13:8

Mvidie eyi ke idibu batendelela kudi bantu ba bisamba bikuabu, bidi pabuipi nenu, nansha bidi kule, pa buloba bujima.

Dielulula 13:9

Kanuena mua kuitaba bionsu ebi, nansha kuteleja mene bidibu banuambila to. Muntu udi utendelela mvidie eyi, mmuena tshibawu. Kanuena mua kumufuila luse, kanuena mua kumuakuila.

Dielulula 19:13

Bua nuenu kusomba biakane mu ditunga dienu, ne kujikija buenzayi bua kushipa muntu udi kayi ne bualu, kanuena mua kufuila muena tshibawu luse to, numushipe!

Dielulula 2:33

Maweja-Nangila Mvidi Mukulu wetu kutuambuluisha. Tuetu kutshimuna Sihone, bana bende ba balume, ne tshiluilu tshiende tshionsu.

Dielulula 2:34

Tuetu kushisha kunyenga bimenga biende bionsu, kubibutuilamu, kushipa balume, bakaji ne bana. Katuena bashiye muntu ne muoyi to.

Dielulula 23:14

Muena mvita yonsu ikale ne tshikasu, bua padiye usesuka, ambule buloba, ajibikile bunyawu.

Dielulula 25:12

nukose mukaji awu tshianza, kanumufuidi luse to.

Dielulula 3:3

Nanku Maweja-Nangila, Mvidi Mukulu wetu, kutuambuluisha. Tuetu kutshimuna mukalenga Oge, ne bantu bende bonsu. Tuetu kubashipa, katuyi bashiye muntu nansha umue ne muoyi.

Dielulula 31:5

Neafile bena ditunga adi mu bianza bienu. Nenubenzele bionsu bindi mumane kunuambila.

Dielulula 33:27

Matuku onsu Maweja-Nangila udi unulama, udi ne bukole bunene pa buloba bujima, uvua nabu kale, udi nabu lelu. Udi unuipatshila baluishi benu, nuenu batangile, unuamba bua kubabutula.

Dielulula 7:16

Nanku nenubutule bantu bonsu bikala Maweja-Nangila Mvidi Mukulu wenu munupeshe. Kanubafuidi luse to. Kanutendeledi mvidie yabu, bualu mbuteyi budi mua kunufikisha ku lulu.

Dielulula 9:3

Lelu nenujadike ne: Maweja-Nangila Mvidi Mukulu wenu, udi wenda kumpala kuenu. Yeye udi bu kapia kadi kabutula bintu bionsu. Nanku Maweja-Nangila neabipate. Nenubatshimune lukasa, mubabutule bonsu, mbanyenge bintu biabu, bu muvua Maweja-Nangila mulaye.

Yoshua 10:28

Amu dituku adi, Yoshuwa kukuata tshimenga tshia Makeda, kushipa mukalenga watshi, ne bantu bonsu bavuamu. Kawa mushiye muntu ne muoyi to. Uvua muenzele mukalenga wa mu tshimenga tshia mu Makeda biwaye muenzele mukalenga wa mu tshimenga tshia Yeriko.

Yoshua 10:30

Maweja-Nangila kufila kabidi tshimenga atshi ne mukalenga watshi mu bianza biabu. Kushipabu bantu bonsu, kakuyi wa kushala ne muoyi. Bavua benzela mukalenga wa mu tshimenga atshi, muvuabu benzela mukalenga wa mu tshimenga tshia Yeriko.

Yoshua 10:32

Dituku dibidi divuabu baluangana mvita, Maweja-Nangila kupesha bena Izrayele tshimenga tshia Lakishe. Bobu kushipa bena tshimenga bonsu, kakuyi muntu wa kushala ne muoyi, anu bu muvuabu babutule bena tshimenga tshia Libna.

Yoshua 10:40

Yoshuwa kukuata ditunga dijima. Kutshimunaye bakalenga bavua ku mikuna, bavua mu tshitupa tshia kuinshi mu ditunga, bavua mu mpata nansha ku muelelu wa Mayi manene a pankatshi pa matunga. Kawa mushiye muntu nansha umue ne muoyi to. Yoshuwa kubutula bantu bonsu, muvua Maweja-Nangila Mvidi Mukulu muambe.

Yoshua 10:42

Kukuataye matunga aa. Kutshimunaye bakalenga abu anu musangu umue. Bualu Maweja-Nangila Mvidi Mukulu wa bena Izrayele nkayende ke uvua uluila bena Izrayele mvita.

Yoshua 11:8

Maweja-Nangila kufila baluishi aba mu bianza bia bena Izrayele. Bobu kubalondakaja too ne mu thimenga tshinene tshia Sidone tshidi ku mutu, ne ku Misrefote-Mayime, ne mu tshibandabanda tshia Mispa luseke ludi diba dipatukila. Bena Izrayele kubutula baluishi bonsu. Kabawa bashiye muntu nansha umue ne muoyi.

Yoshua 2:14

Batentekedi abu kumuandamuna ne: — Tudi baditshipa kuudi. Tuetu katuyi bakumbaje bitudi tukulaya, Maweja-Nangila atushipe, kadi amu wewe kuyi muambile muntu tshitudi bavuile munemu. Nanku, padi Maweja-Nangila utupa ditunga edi, netukumbaje tshitudi bakulaye. Netukufuile luse.

Yoshua 21:44

Maweja-Nangila kubapesha ditalala ku mikalu yabu yonsu, bu muvuaye mumane kulaya bankambua babu. Bobu kutshimuna baluishi babu bonsu ku bukole bua Maweja-Nangila. Kakuvua muntu nansha umue uvua mua kupita bena Izrayele ku bukole to.

Yoshua 8:24

Bena Izrayele bavua bashipa baluishi babu munkatshi mua mpata, muaba uvua baluishi abu babalondakaja. Bobu bamane kubutula bena Ayi bonsu, kakuyi kushala muntu nansha umue, kupinganabu kabidi mu tshimenga tshia Ayi. Kubutulabu bantu bonsu bavua bashale ne muoyi.

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.

Yoshua 9:7

Bena Izrayele kubandamuna ne: — Misangu mikuabu nudi bena mutumba. Nanku katuena mua kutua nenu ndondu to.

Balombodi 1:24

Bantu bakuabu batume, kumonabu muntu upatuka mu tshimenga atshi. Kumulombabu ne: — Utuleje muaba wa kubuelela mu tshimenga etshi. Nanku netukuenzele bimpe.

Balombodi 1:4

Kuyabu kuluisha bena Kenaane. Maweja-Nangila kubambuluisha, bua batshimune bena Kenaane ne bena Perizi. Kushipabu bantu balume binunu dikumi mu Bezeke.

Balombodi 2:2

Kadi mvua munukandike bua kanutu ndondu ne bena ditunga edi, munulombe kabidi bua nuupule bilambuilu biabu. Kadi kanuena bangitabe to. Nuvua benze nanku bua tshinyi?