Dielulula 7:19 - MUKANDA WA MYIDI MUKULU

¹⁹ Nuvua badimuene muvua Maweja-Nangila mukengeshe bena Ejipitu, nuwuaye muenze malu a kukema, muleje bukole buende bua kunupatula mu ditunga adi. Numanye ne: Maweja-Nangila Mvidi Mukulu wenu, neakengeshe bisamba bionsu binudi nutshina ebi anu mushindu awu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ mateta makole anuakatangila ku mesu, ne bimanyinu, ne malu a kukema, ne tshianza tshikole ne diboko diolola wakanuhatula nʼabi Yehowa, Nzambi wenu; ne Yehowa, Nzambi wenu, nênzele bantu bonso banudi nutshina nunku.

Dielulula 7:19 교차 참조

Misambu 136:12

Kulejaye bukole buende, bualu dinanga diende ndia kashidi.

Misambu 44:4

Bankambua betu kabavua bakuate ditunga adi, ku muele wabu wa mvita, nansha ku bukole bua diboku diabu, kadi amu ku diambuluisha diebe, ne ku bukole buebe. Uvua nabu diba dionsu, bualu uvua mubanange.

Misambu 77:12

Maweja-Nangila, ndi mvuluka bionsu biuvua muenze. Eyowa, ndi ngela meji ku malu ebe a kukema a kale.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Dielulula 29:3

Kadi too ne mpindiewu, Maweja-Nangila kena muanji kunupesha lungenyi lua kujingulula bionsu bivua bienzeka ebi to. Bualu mesu enu kaena manji kumona mene, matshi enu kaena manji kumvua.

Dielulula 3:21

Meme kuambila Yoshuwa ne: “Wewe nkayebe uvua mudimuene muvua Maweja-Nangila Mvidi Mukulu wenu mutshimune bakalenga babidi ba bena Amore. Ke muatshimunaye kabidi bakalenga bonsu banudi nusangana dishiya dia musulu wa Yardene.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Yoshua 10:25

Yoshuwa kubambila ne: — Kanutshinyi, kanuzakadi! Nuikale ne bukitu, kabidi ne muoyi mukole. Maweja-Nangila neenzele baluishi benu bonsu banudi nuluangana nabu amu nanku.

Yoshua 24:17

Bualu Maweja-Nangila Mvidi Mukulu wetu, ke uvua mutupatule mu bupika mu Ejipitu, ne batatuetu. Kabidi tuvua bamone bishima bionsu bivuaye muenze diba adi. Amu Yeye ke uvua mutalame mu njila, munkatshi mua bisamba bionsu, miaba yonsu ituvua tupitshila.

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.