Dielulula 6:9 - MUKANDA WA MYIDI MUKULU

⁹ Nuyifunde kabidi ne ku biibi bia bimenga bienu, ne ku mishiku ya mbelu ya nzubu yenu.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Newafunde ha minoko ya bibi bia nsubu webe, ne ha bibi bia mishiku ya luhangu luebe.

Dielulula 6:9 교차 참조

Ekesode 12:7

Ku nzubu yonsu kudibu badie munyinyi awu, nebalabe mashi ku dibaya didi kulu kua tshiibi ne ku mabaya adi ku nseke yatshi.

Yeshaya 30:8

Maweja-Nangila kuambila Yeshaya ne: “Funda mpindiewu miaku eyi pa dibaya. Uyifunde mu mukanda, bena Yerushalayime batangile. Nanku miaku eyi neyishale kashidi, neijadike bubi bua bantu banyi tshiendelele.”

Yeshaya 57:8

Udi mukudike lupingu lua mvidie webe kunyima kua tshiibi tshiebe tshia ku nzubu. Udi uvula bilamba biebe, meme muikale kule. Udi ubanda pa bulalu buebe, ulongoluelamu muaba munene. Udi usumba balume baudi munange, usanka bua kulala nabu pa bulalu abu, wewe kumona bualu!

Abakuke 2:2

Maweja-Nangila kungandamuna nanku: Funda bindi nkumanyisha, ubifunde bimpe pa mabaya, bua bonsu babibale, kakuyi lutatu.

Dielulula 11:18

Mikenji eyi indi munupeshe, nuyilame mu mioyi yenu ne mu mitshima yenu. Nuyisuike kabidi ku maboku enu, ne pa mpala yenu, bua kanuyipu muoyi to.

Dielulula 11:20

Pashishe nuyifunde ku mishiku ya mbelu ya nzubu yenu, ne ku biibi bia bimenga bienu.