Dielulula 6:23 - MUKANDA WA MYIDI MUKULU

²³ Kutupatulaye mu Ejipitu bua kutufikisha mu ditunga edi, divuaye musue kutupa, bu nuwuaye mulaye bankambua betu.

Mukanda wa Nzambi Dihungila Dikulukulu ne Dihungila Dihia-dihia 2003

²³ yeye wakatuhatulamu, bualu bua kulua nʼetu ne bua kutuha buloba buakalayeye batatu betu.

Dielulula 6:23 교차 참조

Ekesode 13:5

Panuafika mu ditunga dia bena Kenaane, bena Iti, bena Amore, bena Ivi ne bena Yebusa, divua Maweja-Nangila mulaye bankambua benu, ditunga didi ne biakudia bipite bungi, nuikale nuenza tshibilu etshi, ku tshidimu ku tshidimu, mu ngondu wa Abibe.

Dielulula 1:35

“Muntu nansha umue wa ku ndelanganyi eyi mibi, kena mua kufika mu ditunga dimpe, dimvua mulaye bankambua benu to.

Dielulula 1:8

Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Dielulula 6:10

Panuafika mu ditunga, didi Maweja-Nangila Mvidi Mukulu wenu unupesha, nuwuaye mulaye bankambua benu, Abrahame, Izake ne Yakobe, nenusangane bimenga bimpe, binene, binuvua kanuyi bibake to.

Dielulula 6:18

Nusankishe Maweja-Nangila, nuenze bidi bimulengelela. Nanku nenuikale bena diakalenga, nenukuate ditunga dimpe, divua Maweja-Nangila mulaye bankambua benu.

Dielulula 6:22

Tuvua badimuene bishima binene ne bia dikema, bivua Maweja-Nangila mukengeshe nabi mukalenga awu, diku diende ne bantu bende bonsu.

Dielulula 6:24

Ke Maweja-Nangila kutuambila bua tukumbaje meyi ne mikenji biende bionsu. Patudi tumunemeka, netuikale bena diakalenga diba dionsu, netushale ne muoyi, bu mutudi nawu mpindiewu.