Dielulula 6:11 - MUKANDA WA MYIDI MUKULU

¹¹ Nenusangane kabidi nzubu miuwule tente ne bintu bia bubanji binuvua kanuyi bunguije, biina bia mayi binuvua kanuyi bumbule, mitshi ya mvinyo ne ya olive inuvua kanuyi bakune. Nenuikale ne biakudia bipite bungi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne nsubu miule tente ne bintu bimpe mudi kanuyi bûshe, ne mena a mai akumbulabo, anudi kanuyi bumbule, ne madimi a tumuma tukese ne mitshi ya olive, binudi kanuyi bakune; nuenu nenudie, nenukute mafu tente;

Dielulula 6:11 교차 참조

Nehemya 9:25

Bavua bakuate bimenga bivuabu bakoleshe ne bimana, bakuate madimi mimpe, nzubu miuwule tente ne biuma, bina bia mayi bimana kumbula, madimi a mionji ya mvinyo, ne mitshi ya olive, kabidi ne mitshi mikuabu ya bimuma mipite bungi. Nanku, bu muudi ne muoyi mulenga, bena Izrayele kudia kuukuta, kudiunda, kusanka bua bionsu biuvua mubapeshe.

Misambu 105:44

Pashishe kubapeshaye maloba a bisamba bikuabu, kusankabu ne midimu ivua bantu bakuabu benza,

Dielulula 11:15

Maweja-Nangila neameneshe kabidi bisosa bia nuenu kudisha bimuna bienu. Nanku nenudie nukute.

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.

Dielulula 19:1

Maweja-Nangila Mvidi Mukulu wenu, neashipe bantu ba bisamba bikuabu bua kunupa ditunga diabu. Nenubanyenge bimenga biabu, nusomba mu nzubu yabu.

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Yoshua 24:13

Ndi munupe ditunga dinudi kanuyi batatshile bua kudima, ne bimenga binudi kanuyi base. Nudi basanganemu mionji ya mvinyo, ne mitshi ya olive, binudi kanuyi bakune. Nukadi nudia amu bimuma abi.”

Balombodi 3:7

Bena Izrayele kuenza malu mabi avua Mvidi Mukulu wabu mubenge. Kupuabu Maweja-Nangila muoyi. Kutendelelabu mvidie Baale ne Ashera.