Dielulula 6:1 - MUKANDA WA MYIDI MUKULU

¹ Telejayi meyi ne mikenji, bidi Maweja-Nangila Mvidi Mukulu wenu mungambile bua kunulongesha, bua nubikumbaje mu ditunga dinukadi pa kubuela bua kudikuata mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ei mmikenji ne â mmei ne â mmalu wakangambila Yehowa bua kunumanyisha, bua nuenu nubienze mu buloba bunudi nuhiana:

Dielulula 6:1 교차 참조

Ekesode 21:1

— Mikenji mikuabu iudi mua kuambila bena Izrayele idi nunku:

Ekesode 23:13

“Nulame malu andi meme Maweja-Nangila munuambile aa. Kanutendeledi mvidie ya bisamba bikuabu. Kanuyitedi mukana muenu.

Yezekiyele 20:19

Meme ndi Maweja-Nangila Mvidi Mukulu wenu. Nulonde mikenji yanyi. Nukumbaje meyi anyi.

Yezekiyele 37:24

Muntu mufuanangane ne muntu wanyi Davide neikale mukalenga wenu, mulami wenu umuepele. Nenuitabe meyi anyi. Nenukumbaje mikenji yanyi yonsu imvua munupe.

Lewitiki 27:34

Nenku ke mikenji ivua Maweja-Nangila mumanyishe Moshe pa mukuna wa Sinayi, bua ambile bena Izrayele.

Dibadika 36:13

Mikenji eyi, ke ivua Maweja-Nangila muambile Moshe bua kumanyisha bena Izrayele, bavua mu mpata ya Mowabe, dishiya dia musulu wa Yardene, mitangilangane ne Yeriko.

Dielulula 12:1

Meyi ne mikenji binudi ne bua kukumbaja matuku onsu mu ditunga, didi Maweja-Nangila, Mvidi Mukulu wa bankambua benu, munupe bua kusomba kashidi, bidi nunku:

Dielulula 3:18

Diba adi, mvua muambile bisamba bionsu ne: “Maweja-Nangila Mvidi Mukulu wenu mmumane kunupesha ditunga edi. Nanku bonsu banudi nabu, bambule bia mvita, bapite kumpala kua bana benu bena Izrayele bakuabu, bua kusabuka musulu wa Yardene.

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 4:14

Musangu awu, Maweja-Nangila kungambila, bua meme kunulongesha meyi ne mikenji yonsu bua nuenu kubikumbaja, panuakuata ditunga dia Kenaane.

Dielulula 4:45

Kumanyishaye bena Izrayele, bamane kumuka mu Ejipitu, bionsu bivua Maweja-Nangila musue: meyi ne mikandu, kabidi ne mikenji.

Dielulula 4:5

Panuafika mu ditunga dia Kenaane dinukuata, nukumbaje meyi ne mikenji bimvua munulongeshe, bu muvua Maweja-Nangila Mvidi Mukulu wanyi mungambile.

Dielulula 5:31

Kadi wewe Moshe ushale pabuipi nanyi, bua nkuambile meyi ne mikenji bionsu bia kumanyisha bena Izrayele, bua babikumbaje mu ditunga dindi mbapesha.”

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Dielulula 6:2

Nanku nuenu ne ndelanganyi yenu, nenunemeke Maweja-Nangila Mvidi Mukulu wenu, panutshidi ne muoyi. Nenutumikile meyi ne mikenji biende bimvua munumanyishe. Nenushale ne muoyi matuku a bungi panu.