Dielulula 5:12 - MUKANDA WA MYIDI MUKULU

¹² “Nuvuluke Dituku dia Dikisha, nudinemeke, bualu ndia tshijila, bu mumvua munuambile.

Mukanda wa Nzambi Dihungila Dikulukulu ne Dihungila Dihia-dihia 2003

¹² Uvuluke dituku dia Lumingu, udijidile, bu muakanuambila Yehowa, Nzambi wenu.

Dielulula 5:12 교차 참조

Nehemya 13:15

Matuku awu, meme kumona mu ditunga dia bena Yuda, bakama tumuma tua mvinyo dituku dia Dikisha. Bakuabu bavua bame pa nyama ya mpunde ntete ya kuenza bukula, maluvu a mvinyo, tumuma tua mvinyo, tumuma tua mfiku, ne bintu bikuabu, bua kuya nabi mu Yerushalayime. Meme kubabela, dituku divuabu bapana bintu biabu.

Ekesode 16:23

Moshe kubandamuna ne: — Maweja-Nangila mmumane kuamba ne: malaba ndituku dia kuikisha, dia tshijila dia Maweja-Nangila. Nanku nulambe biakudia munudi basue. Pikalabi bishale, nubilame bua kudia malaba.

Ekesode 16:30

Nanku bantu bonsu kuikisha dituku dia muanda mutekete.

Ekesode 31:13

Ambila bena Izrayele mikenji eyi ne: — Dituku dia Dikisha dishale tshivulukilu pankatshi petu nenu ne ndelanganyi yenu, bua nuenu kumanya ne: Meme, Maweja-Nangila ke udi munusungule.

Ekesode 31:15

Nuenze mudimu mu matuku asambombu, kadi dituku dia muanda mutekete nuikishe, bualu ndituku dia tshijila dia kunnemeka meme Maweja-Nangila Mvidi Mukulu wenu. Muntu yonsu udi wenza mudimu dituku dia Dikisha, nebamushipe.

Yeshaya 56:6

Maweja-Nangila udi wamba ne: “Bantu benyi badi bandamate, bantumbisha, bannanga, basue kuikala bena mudimu banyi, badi banemeka bimpe dituku dia Dikisha, balama ndondu ituvua batue ne tshisamba tshianyi,

Yeshaya 58:13

Maweja-Nangila udi wamba ne: “Panudi nulekela mudimu dituku dia Dikisha, nulekela kudienzela malu dituku dianyi dia tshijila, panudi nutangila dituku dia Dikisha bu dituku dia disanka, dia kungenzela mudimu, bu dituku dia kunnemeka, panudi nudinemekelamu bushiwa, nulekela mudimu, nubenga kudienzela malu, nubenga kuakula bia tshianana,

Yirmeya 17:22

Dituku adi kanuena mua kupatula bintu mu nzubu yenu. Kanuena mua kuenza mudimu. Bualu dituku adi ndianyi meme, bu mumvua muambile bankambua benu.

Marke 2:27

Yezu kubambila kabidi ne: — Dituku dia Dikisha, ndienzela muntu. Kadi muntu ki mmuenzela dituku dia Dikisha to.

Dielulula 5:13

Nuenze midimu yonsu amu matuku asambombu, nuyijikije.