Dielulula 4:6 - MUKANDA WA MYIDI MUKULU

⁶ Nuenu bakumbaje mikenji eyi bimpe, bantu ba bisamba bikuabu pamanyabu mikenji eyi, nebajadike ne: nuenu nudi bantu ba lungenyi ne meji. Nebakeme, bamba ne: “Bena tshisamba tshinene etshi badi ne bantu ba lungenyi ne meji.”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nubivuluke, nubienze; bualu ebu budi lungenyi luenu ne budimu buenu ku mesu kua bantu badi bunvua mikenji ei yonso, badi bamba ne, Bulelela, bantu aba banene badi ne lungenyi ne budimu.

Dielulula 4:6 교차 참조

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Misambu 111:10

Kutshina kua Maweja-Nangila ntshibangidilu tshia meji. Bantu bonsu badi balonda mikenji, badi bajingulula malu. Butumbi bua Maweja-Nangila mbua tshiendelele.

Misambu 19:7

Didi dibanda ku ntuadijilu wa buloba, dibuela ku ndekelu wabu, nkenke yadi itua miaba yonsu.

Misambu 19:8

Mikenji ya Maweja-Nangila kayena bubi. Idi ifila bukole, ipetesha muoyi. Mibelu ya Maweja-Nangila idi mimpe, ikebela bena lungenyi lutekete meji.

Nsumuinu 1:4

Nsumuinu idi ileja bantu badi kabayi banji kumona malu panu njila udibu mua kulonda; idi ilongesha bansongalume malu adibu ne bua kuelangana meji.

Nsumuinu 1:5

Nansha bena meji batshidi amu mua kulonga malu makuabu padibu babala nsumuinu eyi. Badi ne lungenyi nebapetelemu njila wa kulonda.

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

Nsumuinu 14:34

Kuenza malu makane nkuyisha ditunga kumpala. Kadi malu mabi adi akuatshisha ditunga bundu.

Nsumuinu 14:8

Muntu mudimuke udi mumanye tshidiye ne bua kuenza, bualu udi muena meji. Batshimbakane badi bapambuke bua bupale buabu.

Yeshaya 42:21

Maweja-Nangila uvua musue kupandisha bantu bende. Ke pavuaye ubalongesha mikenji yende minene mimpe.

Yirmeya 8:9

Bena meji nebafue bundu, nebapampakane padibu babakuata, baya nabu mu bupika. Bu mudibu kabayi bitabe miaku ya Maweja-Nangila. Meji abu neabambuluishe ku tshinyi?

Yezekiyele 5:5

Meme Maweja-Nangila Mvidi Mukulu ndi ngamba ne: “Ke muenzelabu Yerushalayime, tshimenga tshindi muteke munkatshi mua bisamba, tshinyungulula kudi matunga a bantu benyi.

Danyele 1:20

Pa malu onsu avua mukalenga ubakonka, avua atangila meji ne lungenyi, uvua ubasangana bapite misangu dikumi bena majimbu ne bena mbuku ba mu bukalenga buende.

Danyele 4:9

Uvua ne mabeji mimpe matambe, ukuama bimuma bipite bungi, bua bonsu bamone mua kubidia, kuukuta. Nyama ya mu mpata ivua ikisha mu dileji dia mutshi awu. Nyunyi ivua ibaka masua ayi mu matamba awu. Tshifukibua tshionsu tshidi ne muoyi tshiwa tshipetelaku tshiakudia tshiatshi.

Osheya 8:12

Nansha meme mubafundile mikenji binunu ne binunu, kabena bayangata ne mushinga to.

Malaki 3:12

Bisamba bikuabu bionsu nebinuambe ne: nudi bena diakalenga, bualu nudi nusomba mu ditunga dimpe ditambe. Maweja-Nangila wa bukole buonsu, ndi njadika nanku.’ ”

Dielulula 29:9

Nuenu bena Izrayele, lelu nudi bimane bonsu kumpala kua Maweja-Nangila Mvidi Mukulu wenu, pamue ne bamfumu ba midimu mishilangane, bakulu ba ditunga,

Dielulula 32:46

kubabelaye ne: — Mikenji yonsu indi nnuambila lelu eyi, nuyikumbaje. Nuyilongeshe ndelanganyi yenu, bua ikumbaje tshidi Mvidi Mukulu musue.

Dielulula 32:47

Mikenji eyi kayena anu meyi patupu, kadi idi inupetesha muoyi. Nuenu bayikumbaje, nenushale ne muoyi matuku a bungi mu ditunga dinuyaya kubuela dishiya dia Yardene.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

Yakobe 3:13

Munkatshi muenu mudi muntu wa meji ne wa lungenyi anyi? Abileje ku malu mimpe adiye wenza, ku butalale bua malu, ne ku meji adiye ufila.