Dielulula 4:45 - MUKANDA WA MYIDI MUKULU

⁴⁵ Kumanyishaye bena Izrayele, bamane kumuka mu Ejipitu, bionsu bivua Maweja-Nangila musue: meyi ne mikandu, kabidi ne mikenji.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁵ â mmalu ne â mmei ne ei mmikenji wakambila Mose Bena Isalele, hakaluhukabo mu Ejipitu,

Dielulula 4:45 교차 참조

1 Bakalenga 2:3

Witabe Maweja-Nangila Mvidi Mukulu webe. Matuku onsu wenze amu tshidiye musue. Utumikile meyi ende ne mikenji yende. Ukumbaje bionsu bidiye wamba, ne bidiye ulongesha. Ukumbaje bionsu bidibu bafunde mu mikenji ya Moshe. Nanku, newikale muena diakalenga mu bionsu biudi wenza.

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Misambu 119:14

Kulonda mikenji yebe kudi kunsankisha, bu mudi muntu mupete biuma bia bungi.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Misambu 119:22

Ungumbushile kapeja ne tuseku, bualu ndi ndama mikenji yebe.

Misambu 119:24

Malu audi mungambile adi ansankisha, wowu ke adi ampesha meji makane.

Misambu 119:5

Eyi, nsombelu wanyi ikale muimpe, ndame mikenji yebe muudi musue wewe!

Misambu 119:7

Nenkutumbishe ne muoyi umue, ndonge malu malelela audi mupangadike.

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 4:44

Moshe kuambila bena Izrayele mikenji ya Mvidi Mukulu.

Dielulula 4:46

Bakalua bafika luseke ludi diba dipatukila lua musulu wa Yardene, mu tshibandabanda tshidi tshitangilangana ne tshimenga tshia Bete-Peyore, mu ditunga dia mukalenga Sihone wa bena Amore, wa mu Eshebone, uvuabu batshimune kudi Moshe ne bena Izrayele.

Dielulula 6:17

Nuitabe ku meyi, nukumbaje mikenji yende, bivuaye munuambile.

Dielulula 6:20

Dituku dikuabu, padi bana benu banukonka ne: “Maweja-Nangila, Mvidi Mukulu wetu, mmunuelele meyi ne mikenji ebi bua tshinyi?”