Dielulula 4:40 - MUKANDA WA MYIDI MUKULU

⁴⁰ Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Nuenu nutumikile mei andi ne mikenji yandi, bu munakunuambila lelu, bua nuenu nuikale ne disanka ne bana benu badi banulonda ku nyima, ne bua nuenu nuvudishangane matuku enu ha buloba budi Yehowa, Nzambi wenu, unuha tshiendelele.

Dielulula 4:40 교차 참조

Misambu 105:45

bua kulondabu mikenji yende, ne kulonda malongesha ende. Tumbishayi Maweja-Nangila, Aleluya!

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

Ekesode 23:26

Mu ditunga dienu kamuakuikala bakaji batula mafu. Meme Maweja-Nangila nennushiye ne muoyi pa buloba matuku a bungi.

Muambi 8:12

Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Yeshaya 65:20

Kabakusangana kabidi muana mutekete ufua ne bidimu bikese, nansha mukulumpe udi kayi ukulakaja uboboka. Bualu wafua mutekete amu udi ufua pa mvula lukama. Wikale kayi mupete bidimu ebi, nebamutangile bu muntu muela mulawu.

Yirmeya 11:4

Mu matuku amvua mupatule bankambua benu mu dikenga dikole mu Ejipitu, meme kutua nabu ndondu. Meme kubambila ne: Nuteleje bionsu bindi nnuambila, nubikumbaje. Nanku, nenuikale bantu banyi, meme nengikale Mvidi Mukulu wenu. Ke mukenji undi nnuelela.

Yirmeya 35:18

Pashishe Yirmeya kuambila bena Rekabe ne: — Telejayi bidi Maweja-Nangila wa bukole buonsu, Mvidi Mukulu wa Izrayele unuambila ne: “Nuvua bitabe mukenji wa kudi Yonadabe nkambua wenu. Nuvua benze ne muoyi umue bionsu bivuaye munutumine diyi.

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Yirmeya 7:7

Nuenu badilengeje nanku, meme Maweja-Nangila nenganyishe bua nuenu kusomba mu ditunga edi, dimvua mumane kupesha bankambua benu kashidi ne kashidi.

Lewitiki 22:31

“Nulame mikenji yanyi bimpe, nuyikumbaje. Bualu meme ndi Maweja-Nangila.

Dibadika 10:29

Moshe kuambila bukonde buende, Obabe, muana wa Reyuwele, muena Madiyane, ne: — Tuetu tudi tuya mu ditunga divua Maweja-Nangila mutulaye. Nanku mbimpe tuye nebe. Tshintu tshionsu tshikale Maweja-Nangila mutupeshe, neupete pebe.

Yowanane 14:15

— Panudi nunnanga, nenutumikile mikenji yanyi.

Efeze 6:3

“Neikale ne diakalenga. Neashale matuku a bungi pa buloba.”

Dielulula 11:9

Nanku nenulale matuku a bungi mu ditunga adi, didi ne biakudia bia bungi, divua Maweja-Nangila mumane kuditshipa bua kupesha bankambua benu, ne ndelanganyi yabu yonsu.

Dielulula 12:25

Nuenu benze nanku, nenuikale bena diakalenga, nuenu pamue ne ndelanganyi yenu, bualu binudi nuenza nebilengelele Maweja-Nangila.

Dielulula 12:28

Nuenu bena Izrayele nuteleje bionsu bindi nnuambila, nubikumbaje. Nanku, misangu yonsu nenuikale bena diakalenga, nuenu ne ndelanganyi yenu. Bualu nenuenze bidi bimpe, bisankisha Maweja-Nangila Mvidi Mukulu wenu.

Dielulula 22:7

Nulekele nyunyi awu aye. Nuambule amu bana bende. Nanku nenuikale bena diakalenga, nushale ne muoyi panu matuku a bungi.

Dielulula 25:15

Nuikale anu ne bipimu bia bujitu biakane, ne bia bule bikumbane, bua nushale ne muoyi matuku mavule mu ditunga diavua Maweja-Nangila Mvidi Mukulu wenu kunupa.

Dielulula 32:47

Mikenji eyi kayena anu meyi patupu, kadi idi inupetesha muoyi. Nuenu bayikumbaje, nenushale ne muoyi matuku a bungi mu ditunga dinuyaya kubuela dishiya dia Yardene.

Dielulula 33:25

Tshiibi tshia mu tshimenga tshia bena Ashere, nebatshikange ne milonda ya tshiamu tshikunze. Bena Ashere badi basombamu bimpe, ne bukolematuku onsu atshidibu ne muoyi panu.”

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 4:2

Kanusakididi bualu bukuabu ku mikenji ya Maweja-Nangila Mvidi Mukulu wenu, indi munulongeshe. Kanumushi bualu nansha bumue. Nuyikumbaje yonsu, bungi buayi.

Dielulula 4:5

Panuafika mu ditunga dia Kenaane dinukuata, nukumbaje meyi ne mikenji bimvua munulongeshe, bu muvua Maweja-Nangila Mvidi Mukulu wanyi mungambile.

Dielulula 4:6

Nuenu bakumbaje mikenji eyi bimpe, bantu ba bisamba bikuabu pamanyabu mikenji eyi, nebajadike ne: nuenu nudi bantu ba lungenyi ne meji. Nebakeme, bamba ne: “Bena tshisamba tshinene etshi badi ne bantu ba lungenyi ne meji.”

Dielulula 5:10

Kadi bantu badi bannanga meme, bitaba meyi anyi, ndi mbafuila luse too ne ku ndelanganyi tshinunu.

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Dielulula 5:29

Kadi bobu balame kashidi muoyi wa kunnemeka, ne wa kukumbaja mikenji yanyi, nebikale bena diakalenga, pamue ne ndelanganyi yabu.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Dielulula 6:18

Nusankishe Maweja-Nangila, nuenze bidi bimulengelela. Nanku nenuikale bena diakalenga, nenukuate ditunga dimpe, divua Maweja-Nangila mulaye bankambua benu.

Dielulula 6:3

Nuenu bena Izrayele, nulame mikenji eyi bimpe, nuyikumbaje. Neyinupeteshe diakalenga. Nenutante mu ditunga didi ne biakudia bia bungi, bu muvua Maweja-Nangila Mvidi Mukulu wa bankambua benu munulaye.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.