Dielulula 4:34 - MUKANDA WA MYIDI MUKULU

³⁴ Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Anyi Nzambi wakamba kuya bua kudisunguila tshisamba munkatshi mua tshisamba tshikuabo, kudi mateta ne kudi bimanyinu ne kudi malu a kukema ne kudi nvita ne ku tshianza tshikole ne diboko diandi diolola ne kudi malu manene adi atshinyisha bantu bu muakanuenzela Yehowa, Nzambi wenu, mu Ejipitu ku mesu kuenu, anyi?

Dielulula 4:34 교차 참조

Misambu 136:12

Kulejaye bukole buende, bualu dinanga diende ndia kashidi.

Misambu 24:8

— Mukalenga munene ewu nnganyi? — Ke Maweja-Nangila, tshilobu tshia makanda; Maweja-Nangila, tshilobu, kanyemi baluishi!

Misambu 78:12

Uvua muenze malu a kukema ku mesu a batatuabu, mu ditunga dia Ejipitu ne mu buloba bua Sowane.

Ekesode 1:9

Mukalenga kuambila bantu bende ne: — Bena Izrayele aba mbapite bungi, kabidi mbantu ba bukole.

Ekesode 10:21

Maweja-Nangila kuambila Moshe ne: — Olola tshianza mulu, midima yenzeke mu ditunga dia Ejipitu, midima mikole mipite idi bantu bafuane kukuata mu bianza!

Ekesode 10:7

Balombodi ba mu bukalenga kukonka mukalenga wa bena Ejipitu ne: — Muntu ewu neanyange ditunga dietu too ne ku diba kayi? Lekela bena Izrayele, baye kutendelela Maweja-Nangila Mvidi Mukulu wabu, bualu ditunga dia Ejipitu didi mua kubutuka!

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 14:30

Dituku adi ke divua Maweja-Nangila musungidile bena Izrayele ku bianza bia bena Ejipitu. Bena Izrayele kumona bitalu bia bena Ejipitu ku muelelu wa mayi.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Ekesode 19:4

“Nudi badimuene mundi muenzele bena Ejipitu. Meme kunuambula mudi nyunyi wa tshiminyi wambula bana bende pa mapuapua, kunufikisha kundi meme.

Ekesode 3:10

Nanku ndi nkutuma kudi mukalenga wa bena Ejipitu, bua uye kupatula bantu banyi bena Izrayele badi mukalenga awu mukuate ku bupika.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Ekesode 7:3

Kadi meme nempeshe mukalenga wa bena Ejipitu muoyi wa tshitunu. Nengenze malu a dikema mavule mu ditunga diende.

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?

Yirmeya 21:5

Meme nkayanyi nennuluishe mvita. Bu mundi ne tshiji tshikole, nennuleje mundi ne bukole, mumanye mvita.

Yirmeya 32:21

Udi muleje bukole buebe ne meji ebe, paudi muenze malu a dikema adi akuatshisha bowa, paudi mupatule bantu bebe bena Izrayele mu Ejipitu.

Dibadika 20:16

Pashishe tuetu kutendelela Maweja-Nangila. Kututelejaye, kututuminaye mutumibue wende bua kutupatula mu Ejipitu. Mpindiewu tudi mu Kadeshe, tshimenga tshidi ku mikalu ya ditunga diebe.

Dielulula 1:30

Maweja-Nangila Mvidi Mukulu wenu udi wenda kumpala kuenu. Neanutshimuine mvita eyi. Nudi bamanye nuwuaye muenze mu Ejipitu,

Dielulula 10:21

Numutumbishe, bualu yeye nkayende ke Mvidi Mukulu wenu. Udi munuenzele malu manene a kukema, adi akuatshisha bowa, anudi bamone.

Dielulula 11:2

Mpindiewu, ndi nnuambila nuenu mikenji eyi. Tshiena ngambila bana benu to. Bualu bobu kabena bamona, kabena bamanya bionsu bidi Maweja-Nangila munuenzele bua kunuleja bukole buende. Anu nuenu ke badi bamanya butumbi ne bukole buende.

Dielulula 26:8

Maweja-Nangila kuenza bishima bishilangane bivua bikuatshisha bantu bowa. Kutupatulaye mu Ejipitu ku bukole.

Dielulula 29:3

Kadi too ne mpindiewu, Maweja-Nangila kena muanji kunupesha lungenyi lua kujingulula bionsu bivua bienzeka ebi to. Bualu mesu enu kaena manji kumona mene, matshi enu kaena manji kumvua.

Dielulula 33:29

“Nuenu bena Izrayele, nudi bena diakalenga, bualu Maweja-Nangila mmunupandishe amu nuenu nkayenu! Maweja-Nangila udi ngabu wenu, unulama. Udi muele wa mvita, unuambuluisha bua kutshimuna. Baluishi benu nebanulombe luse, nenudiate ditambisha diabu mu makasa.”

Dielulula 34:12

Moshe uvua muenze malu a dikema ne bukole bua bungi, bena Izrayele bonsu batangile.

Dielulula 5:15

Nuenu bena Izrayele mwuluke ne: nuvua ku bupika mu ditunga dia Ejipitu. Meme Maweja-Nangila Mvidi Mukulu wenu kunupatula ku bukole buanyi. Ke pandi nnukandika, bua kanuenji midimu dituku dia Dikisha.

Dielulula 6:21

Nenubandamune ne: “Tuvua ku bupika kua mukalenga wa bena Ejipitu. Maweja-Nangila kutupatula mu ditunga adi ku bukole buende.

Dielulula 7:19

Nuvua badimuene muvua Maweja-Nangila mukengeshe bena Ejipitu, nuwuaye muenze malu a kukema, muleje bukole buende bua kunupatula mu ditunga adi. Numanye ne: Maweja-Nangila Mvidi Mukulu wenu, neakengeshe bisamba bionsu binudi nutshina ebi anu mushindu awu.

Dielulula 9:29

Maweja-Nangila, bena Izrayele aba mbantu bebe, baudi mudisunguile, bauvua mupikule, mupatule mu Ejipitu ku bukole ne ku makanda ebe mapite.”

Yoshua 24:7

Bankambua benu kumbikila bua meme kubambuluisha. Meme kuteka divuba dia muinshi pankatshi pa tshisamba tshia bena Izrayele, ne tshia bena Ejipitu. Pashishe meme kubutula bena Ejipitu bonsu, mayi manene kubabuikilawu. Nuenu nudi bamanye mumvua mukengeshe bena Ejipitu! Malu onsu awu mamane kujika, tshisamba tshienu tshia bena Izrayele kushala mu tshipela matuku mapite bungi.

1 Petro 5:6

Nanku nudipuekeshe mu tshianza tshia bukole tshia Mvidi Mukulu, bua anubandishe tshikondu tshidiye musue.