Dielulula 4:22 - MUKANDA WA MYIDI MUKULU

²² Nanku meme nemfuile mu ditunga ditudi edi. Tshiakusabuka musulu wa Yardene to. Anu nuenu nenusabuke musulu ewu, bua kukuata ditunga dimpe, didi dishiya dia musulu ewu.

Mukanda wa Nzambi Dihungila Dikulukulu ne Dihungila Dihia-dihia 2003

²² kadi bûdi nʼabu mbua kufuila mu buloba ebu, kuena mua kusabuka Yadene; kadi nuenu nenusabuke, nenuhiane buloba abu buimpe.

Dielulula 4:22 교차 참조

Amosa 3:2

“Ku bisamba bionsu bidi pa buloba, ndi munusungule amu nuenu. Ke mundi nnulumbuluisha, nnunyoka, bua malu mabi onsu anuvua benze.”

Dibadika 27:13

Pawabandila ditunga adi, neufue, mufuile mukuluebe Arone, ulonda bankambua bebe.

Dibadika 27:14

Bualu nuenu nuvua babenge diyi dianyi mu tshipela tshia Tsine, pavua bena Izrayele bantombokela. Mvua mukutume bua kupatula mayi mu lubuebue, pavuabu baalomba, bua bonsu bamone mundi wa tshijila. Kadi nuenu kubenga. Mayi aa ke mayi a Meriba, mmumue ne mayi a matandu, a mu Kadeshe, mu tshipela tshia Tsine.

Dibadika 31:2

— Uye kunyoka bena Madiyane bua kusombuela bena Izrayele badibu benzele bibi. Pashishe neushiye buloba.

Dielulula 1:37

Bua bubi buenu ebu, Maweja-Nangila mmumfikile kabidi ne meme munda, unkandika ne: “Nansha wewe mene Moshe kuena ufika mu ditunga dia Kenaane to.

Dielulula 3:25

Anyisha, nsabuke musulu wa Yardene, bua meme kumonaku ditunga dimpe dialabale dia mikuna, didi dishiya dia musulu, kabidi ne mikuna ya Lebanone.”

Dielulula 3:27

Banda ku lusongu lua mukuna wa Pisga, ukenzakane nseke yonsu: ku mutu kua ditunga, kuinshi kuadi, luseke ludi diba dipatukila, ne ludidi dibuelela. Kadi ujadike, umanye ne: kuena usabuka musulu wa Yardene to.

Dielulula 31:14

Maweja-Nangila kuambila Moshe ne: — Ukadi pa kufua. Bikila Yoshuwa. Nufike nende kumpala kua ntenta wa kusambakena, bua mmumanyishe mikenji yanyi. Moshe ne Yoshuwa kuya ku ntenta wa kusambakena.