Dielulula 4:19 - MUKANDA WA MYIDI MUKULU

¹⁹ Kanutangidi mulu bua kutendelela diba, ngondu, mitotu, nansha bintu bionsu bidi mu tshibuashibuashi. Kanubienzedi mudimu, kanubikukuidi. Maweja-Nangila mmuitabe anu bua bisamba bikuabu bitendelele bintu abi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ bua hanuabandisha mesu enu mulu, ne hanuatangila diba ne ngondo ne mitoto ne bintu bionso bia mu diulu, kanubitendeledi, kanubienzedi mudimu; ebu mbualu buakaha Yehowa, Nzambi wenu, bantu bonso bakuabo badi muinshi mua diulu.

Dielulula 4:19 교차 참조

Genese 1:14

Dituku dinayi Mvidi Mukulu kuamba ne: “Mulu muikale bimunyi bua kuleja dishilangana dia munya ne butuku. Bimunyi abi bikale bimanyinu bia matuku, bidimu ne bikondu bia bibilu,

Genese 2:1

Ke muvua Mvidi Mukulu mujikije diulu, buloba ne bintu bionsu bidipu.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 21:3

Kulongololaye ne miaba ya kutendelela mvidie ivuabu banyangakaje kudi tatuende Izkiya. Kuibakaye mvidie Baale bilambuilu. Kuenzaye dikunji dia kutendelela, bu muvuabu benza kale kudi Akabe, mukalenga wa bena Izrayele. Kabidi kutendelelaye bintu bia mu tshibuashibuashi.

2 Bakalenga 23:11

Kunyangakajaye mpingu ya nyama ya tubalu ivua bakalenga ba bena Yuda bajidila bua kutendelela mvidie Diba. Mpingu ya nyama ya tubalu ayi, ivua ku luseke lua mushiku wa nzubu wa Mvidi Mukulu, mu nzubu ivua milamakaja pabuipi ne tshibambalu tshia Netane-Meleke, mulombodi wa mu nzubu wa bukalenga. Yoshiya kuoshisha matempu a mvidie Diba.

2 Kulondolola 33:3

Menashe kulongolola kabidi miaba ya kutendelela mvidie, Kuabu banyangakaje kudi tatuende Izkiya. Uvua muibakile mvidie Baale bilambuilu. Uvua muenze makunji a kutendelela mvidie. Yeye muine uvua utendelela mabulunge a mulu.

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

Misambu 19:3

Dituku dionsu didi diambila dituku dikuabu, butuku budi bumanyisha butuku bukuabu bia dikema biende.

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

Yirmeya 31:35

Udi ubandisha diba bua munya kutemawu nnganyi? Udi utumina ngondu ne mitotu diyi bua bitokeshe buloba butuku nnganyi? Udi uvuandulula mayi manene bua enze mutoyi nnganyi? Amu Maweja-Nangila wa bukole buonsu, ke dina diende. Yeye mene udi wamba ne:

Yirmeya 33:25

Kadi ndi ngamba ne: “Ndi mutue ndondu ne munya, kabidi ne butuku. Ndi muele meyi ne mikandu bidi bitombola diulu ne buloba.

Yirmeya 8:2

Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Yezekiyele 18:6

Muntu awu kena udia bidibu balambule mvidie pa mikuna. Kena utendelela mvidie mibi ya bena Izrayele. Katshia kena ubuelakana ne mukaji wa bende. Kena ubuelela mukaji mu nzubu, padiye ku tshijila tshia bakaji.

Yezekiyele 8:16

Mvidi Mukulu kungambula, kuya nanyi too ne mu lubanza lua munda mua nzubu wende. Ku tshibuelelu tshia nzubu wa Mvidi Mukulu pankatshi pa lutanda ne tshilambuilu, pavua bantu balume bu makumi abidi ne batanu. Bavua bela nyima ku nzubu wa Mvidi Mukulu, batangile luseke ludi diba dipatukila. Bavua batua binu bua kukukuila diba.

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Matayi 5:45

Nanku nenuikale bana ba Tatu wenu udi mu diulu, bualu Yeye udi ubandishila bantu babi ne bantu bimpe diba diende; kabidi udi utekesha mvula bua bantu bonsu, bua badi benza bimpe, ne bua badi benza bibi.

Bienzedi 7:42

Ke Mvidi Mukulu kubalengulula, kubalekela banemeke mabulunge a mulu. Ke mudibu bafunde mu mukanda wa bambi ne: “Bena Izrayele, bidimu makumi anayi binuvua mu tshipela, nuvua bandambule meme milambu ya nyama, nansha milambu mikuabu anyi?

Rome 1:25

Badi bumusha bulelela budi butangila Mvidi Mukulu, bapingaja dishima. Badi batendelela bintu bidi Mvidi Mukulu mufuke, babikuatshila mudimu, pa mutu pa kutendelela Mubifuki, kumuenzela Yeye nkayende mudimu. Yeye mene atumbe kashidi! Amene.

Dielulula 13:10

Muntu yonsu udi unuambila bua kutendelela mvidie, bamushipe. Muntu uvuaye wambila bua kutendelela mvidie, ke udi udianjila kumuasa dibue. Bantu bakuabu, kushisha kumuambuluisha bua kumushipa.

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Dielulula 17:3

Tshilejilu: muntu udi utendelela mvidie ya bisamba bikuabu, nansha diba, ngondu, nansha bintu bivule bidi mu tshibuashibuashi. — Maweja-Nangila katshia ki mmunuambile bua kuenza nanku! —

Dielulula 4:18

bilandadi, nansha minyinyi ya mu mayi.