Dielulula 34:3 - MUKANDA WA MYIDI MUKULU

³ buloba bua kuinshi mu ditunga, ne tshibandabanda tshia Yardene, ditunga dia Yeriko (tshimenga tshia mabue a ngaji) ne ku Soware.

Mukanda wa Nzambi Dihungila Dikulukulu ne Dihungila Dihia-dihia 2003

³ ne buloba bua ku Sude, ne mpata wa mu tshibanda tshia Yeleko, musoko wa mabue, tô ne ku Soâ.

Dielulula 34:3 교차 참조

Genese 13:10

Lote ukenzakana, kumona muvua mpata ya Yardene mimpe mitambe, bualu ivua ne mayi. Maweja-Nangila kavua muanji kubutula Sodome ne Ngomore to. Nanku mpata ayi too ne ku Soware ivua bu lupangu lua Paradizu, mifuanangane ne tshibanda tshia Nile.

Genese 14:2

kuluishabu bakalenga bakuabu batanu: ke Bera, mukalenga wa bena Sodome, Birsha, mukalenga wa bena Ngomore, Shinabe, mukalenga wa bena Adma, Shemebere, mukalenga wa bena Siboyime ne mukalenga wa bena Bela (badibu babikila ne bena Soware).

Genese 14:8

Nanku, bakalenga ba bena Sodome ne ba bena Ngomore, ba bena Adma, ba bena Seboyime ne ba bena Bela (badibu babikila kabidi ne bena Soware), kudilongolola bua kuluangana mvita mu tshibandabanda tshia Sidime.

Genese 19:22

Kadi nyema, kolesha ubutame mu kasoku aka. Tshiena mua kuenza bualu, wewe kuyi muanji kufikamu. (Ke padibu binyika kasoku aka ne: Soware.)

2 Kulondolola 28:15

Bantu ba wabu bateke bua kuenza mudimu awu, kusamba bena lukanu. Kuangatabu bilamba ne bisabata bivuabu bapete mu mvita, kutapeshabu bena lukanu bavua kabayi nabi. Kubapeshabu biakudia ne mayi a kunua. Bavua bondapa mputa ya bavua batapike. Bantu bonsu bavua bapete njiwu mu mvita kabayi ne mushindu wa kuenda, bavua babambula pa nyama ya mpunde. Kuyabu ne bantu bonsu abu muaba uvua bana babu mu Yeriko, tshimenga tshia Mabue a ngaji. Pashishe, kupinganabu mu Samariya.

Dibadika 34:3

“Kuinshi kua ditunga, mukalu wenu newikale tshipela tshia Tsine, ne ditunga dia bena Edome. Ku luseke ludi diba dipatukila mukalu wenu neubange kuinshi menemene kua Mayi manene a luepu.

Balombodi 1:16

Bena Kayine, ndelanganyi ya tatuende muenu wa Moshe, kumuka mu tshimenga tshia Yeriko, tshiyuabu binyika tshia Mabue a ngaji. Kuyabu pamue ne bena Yuda. Kuasabu mu tshitupa tshia kuinshi tshia buloba bua bena Yuda, kuinshi kua tshimenga tshia Arade. Kusombabu munkatshi mua bena Amaleke.

Balombodi 3:13

Mukalenga Eglone kumyuangana ne bena Amone, kabidi ne bena Amaleke. Kuluishabu bena Izrayele, kukuata tshimenga tshia Yeriko.