Dielulula 30:10 - MUKANDA WA MYIDI MUKULU

¹⁰ Bionsu ebi nebinuenzekele panudi nuitaba Maweja-Nangila, nukumbaja mikenji yende, idi mu mukanda ewu, nupingana kudiye muenu muonsu, kabidi ne muoyi mujima.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ binuatumikila dî dia Yehowa, Nzambi wenu, bua kuenza mikenji yandi ne mei andi bidi bifunda mu mukanda eu wa mikenji: binuakudimuka kudi Yehowa, Nzambi wenu, ne mitshima yenu yonso ne mioyo yenu yonso.

Dielulula 30:10 교차 참조

Nehemya 1:9

Kadi, nuenu bapingane kundi, bakumbaje mikenji yanyi, nansha nuenu mu bupika ku ndekelu kua buloba, meme nennukebe, nnupingaje muaba umvua mumane kusungula bua meme kusomba.’

Yezekiyele 18:21

“Padi muntu mubi ulekela bubi buende, utuadija kulama meyi, ulonda anu njila mululame wa buakane, muntu awu neapete muoyi bulelela, kakufua to.

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Yezekiyele 33:14

Kadi meme mubele muntu mubi ne: udi ufua, padi muntu awu udilengeja, utuadija kuenza malu mimpe, kena ufua to.

Yezekiyele 33:19

Kadi padi muntu mubi ulekela kuenza bibi, utuadija kuenza malu mimpe, neapete muoyi, bualu udi wenza bimpe.

Zekâya 6:15

Bantu badi kule nebafike bua kuambuluisha badi basa nzubu wa Maweja-Nangila. Nanku nenumanye ne: Maweja-Nangila wa bukole buonsu ke uvua muntume kunudi. Malu onsu aa neenzeke panuikala bitabe muenu muonsu Maweja-Nangila Mvidi Mukulu wenu.

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

1 Korente 7:19

Nansha bakuteke panshi, nansha kabayi bakuteke panshi, ki mbualu to. Tshidi ne bualu nkutumikila mikenji ya Mvidi Mukulu.

Dielulula 29:21

Ndelanganyi yenu, ne bantu benyi badi munkatshi muenu bafume ku matunga a kule, pamonabu mushindu udi Maweja-Nangila munukengeshe ne bipupu, nebambe ne:

Dielulula 30:11

Mikenji indi nnumanyisha lelu eyi, kayena minupite lungenyi, kayena kule.

Dielulula 30:2

Nuenu ne ndelanganyi yenu, nenupingane kabidi kudi Maweja-Nangila, bua kukumbaja meyi ende ne mikenji yende, bindi nnumanyisha lelu ebi. Nenubitumikile ne muoyi mujima, ne bukole buenu bonsu.

Dielulula 30:8

Kadi nuenu nenumutumikile tshiakabidi, nukumbaje mikenji yende yonsu indi nnumanyisha lelu eyi mu dina diende.

Dielulula 4:29

Diba adi, mu matunga aa, nenukebe Maweja-Nangila Mvidi Mukulu wenu. Kadi bua nuenu kumupeta, anu nuenu bamukebe ne muoyi mujima ne bukole buenu buonsu.

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.