Dielulula 3:8 - MUKANDA WA MYIDI MUKULU

⁸ Ke mutuvua bakuate tshikondu atshi matunga a bakalenga babidi ba bena Amore, bavua base luseke ludi diba dipatukila lua musulu wa Yardene, pankatshi pa musulu wa Amone wa muenji mukole, ne mukuna wa Ermone.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Tuakanyenga buloba mu bianza bia bakelenge babidi bakadi dishiya dia Yadene, ku tshibanda tshia Ânona tô ne ku mukuna wa Hêmona;

Dielulula 3:8 교차 참조

1 Bakalenga 4:19

Ngebere, muana wa Uri, uvua ulombola ditunga dia Ngilaade, ditunga dia Sihone, mukalenga wa bena Amone, ne dia Oje, mukalenga wa Bashane. Ku bamfumu balombodi ba mu bukalenga aba dikumi ne babidi, bavua basakidilaku kabidi mfumu mukuabu, bua kulombolaye ditunga dia bena Yuda.

1 Kulondolola 5:23

Tshia bibidi tshimue tshia tshisamba tshia Menashe tshivua tshiase mu buloba buvua butuadija ku Bashane kuinshi mu ditunga, too ne ku Baale-Ermone, Senire, ne mukuna wa Ermone, ku mutu mu ditunga. Bantu ba tshisamba etshi bavua ba bungi.

Misambu 42:6

Ndi mpita kubungama bua tshinyi? Muoyi wanyi udi upampakana bualu kaayi? Tekemena Mvidi Mukulu, bualu nemmutumbishe tshiakabidi. Yeye ke Mupandishi wanyi, ne Mvidi Mukulu wanyi!

Misambu 42:7

Mvidi Mukulu wanyi, muoyi wanyi udi ne dibungama. Ke pandi nkutendelela, nansha meme musombe mutantshi mule ne nzubu webe, mu mikuna ya Ermone, pabuipi ne Mukuna-Muipi, ku mpokolu ya musulu wa Yardene.

Misambu 89:12

Diulu ndiebe, buloba mbuebe kabidi, wewe ke udi muase buloba bujima, ne bionsu bidipu.

Dielulula 4:47

Bena Izrayele bavua bakuate ditunga dia mukalenga awu, bakuate kabidi ditunga dia mukalenga Oge wa mu Bashane. (Bakalenga aba babidi ba bena Amore, ke bavua ne bumfumu luseke ludi diba dipatukila lua musulu wa Yardene.)

Dielulula 4:48

Ke bena Izrayele kuya kuasa ku ditunga dijima adi, kutuadijila ku tshimenga tshia Aroyere, tshidi ku muelelu wa musulu wa Amone, too ne ku mukuna wa Ermone, udibu babikila kabidi ne: Siyone,

Yoshua 12:1

Bena Izrayele bavua bamane kutshimuna bakalenga babidi bavua luseke ludi diba dipatukila lua musulu wa Yardene. Bobu kukuata matunga a bakalenga abu, awa malabale, biangatshile ku musulu wa Amone too ne ku mukuna wa Ermone. Matunga aa awa mu tshitupa tshia luseke ludi diba dipatukila lua musulu wa Yardene.

Yoshua 13:8

Bisamba bia bena Rubene ne bena Ngade, ne tshia bibidi tshia tshisamba tshia bena Menashe, bivua bimane kupeta maloba awa ku musulu wa Yardene, luseke luawu ludi diba dipatukila. Moshe, muntu wa Maweja-Nangila, uvua mumane kubabanyina maloba awu.