Dielulula 3:26 - MUKANDA WA MYIDI MUKULU

²⁶ Kadi Maweja-Nangila kena muitabe dilomba dianyi to. Uvua mumfikile munda bikole bualu buenu, unkandika ne: “Kuajiki! Kundombi bualu ebu kabidi to!

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kadi Yehowa wakadi nʼanyi tshiji bua bualu buenu, yeye kena mungunvuile; Yehowa wakangambila ne, Kuakushika, kungambidi bualu ebu kabidi.

Dielulula 3:26 교차 참조

1 Kulondolola 17:4

— Ndaku kudi Davide, muntu wanyi, umuambile ne: Teleja tshidi Mvidi Mukulu wamba ne: ‘Wewe Davide, kuakungashila nzubu undi mua kusomba to.

Matayi 20:22

Yezu kuandamuna ne: — Kanuena bajingulule tshinudi nulomba nansha. Dikopu dia dikenga dinganua, nudi mua kudinua anyi? Bobu kumuandamuna ne: — Tudi mua kudinua.

Matayi 26:39

Yezu kupengama katantshi, kudiela mpala panshi, utendelela, wamba ne: — Tatu wanyi, pikalabi mua kuenzeka, ungumushile dikopu edi dia dikenga. Kadi bienzeke muudi musue wewe, kabienzeki mundi musue meme.

2 Korente 12:8

Mvua mulombe Mfumu misangu isatu, bua angumushile dikenga edi.

Dielulula 1:37

Bua bubi buenu ebu, Maweja-Nangila mmumfikile kabidi ne meme munda, unkandika ne: “Nansha wewe mene Moshe kuena ufika mu ditunga dia Kenaane to.

Dielulula 31:2

— Mpindiewu mbakumbaji bidimu lukama ne makumi abidi. Tshiena ne bukole bua kunulombola kabidi to. Maweja-Nangila mmumane kungambila ne: tshiakufika dishiya dia Yardene to.

Dielulula 34:4

Ke Maweja-Nangila kuambila Moshe ne: — Tangila ditunga dimvua mulaye Abrahame, Izake ne Yakobe, mubambile ne: “Nempeshe ndelanganyi yenu ditunga edi.” Ndi nkulejiladi anu pa bule, kadi kuena ufikamu to.