Dielulula 3:18 - MUKANDA WA MYIDI MUKULU

¹⁸ Diba adi, mvua muambile bisamba bionsu ne: “Maweja-Nangila Mvidi Mukulu wenu mmumane kunupesha ditunga edi. Nanku bonsu banudi nabu, bambule bia mvita, bapite kumpala kua bana benu bena Izrayele bakuabu, bua kusabuka musulu wa Yardene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nakanuambila ku tshikondo atshi ne, Yehowa, Nzambi wenu, wakanuha buloba abu bu buhianyi: bena nvita nebasabuke ne bintu bia nvita ku mpala kua bana benu ba Bena Isalele.

Dielulula 3:18 교차 참조

Genese 15:7

Pashishe Maweja-Nangila kuambila Abrame ne: — Meme Maweja-Nangila ke uvua mukupatule mu Ure wa bena Babilone, bua kukupesha ditunga edi, dishale diebe.

Misambu 136:21

Kufilaye buloba buabu ku bumpianyi, bualu dinanga diende ndia kashidi,

Dibadika 33:53

Nukuate ditunga diabu, nusombemu. Ditunga nedishale dienu, bualu ndi mumane kunupeshadi.

Dielulula 12:1

Meyi ne mikenji binudi ne bua kukumbaja matuku onsu mu ditunga, didi Maweja-Nangila, Mvidi Mukulu wa bankambua benu, munupe bua kusomba kashidi, bidi nunku:

Dielulula 15:4

Kadi Maweja-Nangila Mvidi Mukulu wenu, neanuambuluishe, bua nupete bintu bia bungi mu ditunga didiye munupe. Nanku munkatshi muenu kamuakuikala bapele to,

Dielulula 19:14

Panuafika mu ditunga didi Maweja-Nangila Mvidi Mukulu wenu munupe, nuenu bamane kupeta miaba ya kusomba, mikalu ne bena mutumba nenu bavua badianjile kuasa muaba awu, ishale anu mushindu unuvua bayisangane, kanuyi nudiundisha buloba bunuvua bapete.

Dielulula 19:2

Ditunga didi Maweja-Nangila munupe adi, nudikosolole mu bitupa bisatu. Mu tshitupa tshionsu muikale tshimenga tshia kunyemena.

Dielulula 19:7

Ke pandi nnuambila bua nusungule bimenga bisatu bia kunyemena.

Dielulula 21:1

Panuafika mu ditunga dikala Maweja-Nangila Mvidi Mukulu wenu munupe bua kusomba, nuenu basangane tshitalu tshia muntu mu tshisuku, kanuyi bamanye uvua mumushipe,

Dielulula 25:19

Maweja-Nangila Mvidi Mukulu wenu neanufikishe mu ditunga didiye munupe. Neanupandishe ku baluishi bonsu badi nenu mutumba. Diba adi, nenubutule bena Amaleke, kabayi mua kubavuluka kabidi pa buloba to. Kanuena mua kupua bualu ebu muoyi to!

Dielulula 5:31

Kadi wewe Moshe ushale pabuipi nanyi, bua nkuambile meyi ne mikenji bionsu bia kumanyisha bena Izrayele, bua babikumbaje mu ditunga dindi mbapesha.”

Dielulula 6:1

Telejayi meyi ne mikenji, bidi Maweja-Nangila Mvidi Mukulu wenu mungambile bua kunulongesha, bua nubikumbaje mu ditunga dinukadi pa kubuela bua kudikuata mpindiewu.

Dielulula 9:6

Numanye ne: Maweja-Nangila Mvidi Mukulu wenu neanupe ditunga edi dimpe, kadi ki mbua buakane buenu to. Bualu nudi tshisamba tshia bantu badi bamutombokela!

Yoshua 1:11

bua bendakane mu mitanda, bambile bantu bua bakumbaje mikenji itudi tutela eyi: “Nuenu bena Izrayele, nulongolole biakudia. Bualu papita matuku asatu, nenusabuke Yardene bua kuya kukuata ditunga didi Maweja-Nangila Mvidi Mukulu wenu munupeshe bua kusomba.”