Dielulula 29:16 - MUKANDA WA MYIDI MUKULU

¹⁶ Nuenu kunudimuena bintu bibi bia tshianana bivua bantu batendelela: mpingu ya mvidie ya mabue, ya mitshi misonga, ya tshiamu tshia mpawungi, nansha ya tshiamu tshitoke tshia mushinga mukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bualu bua nudi bamanye bu mutuakashikama mu buloba bua Ejipitu, ne mutuakahita munkatshi mua bisamba biakadi mu nshila;

Dielulula 29:16 교차 참조

Yezekiyele 20:7

Meme kubela mikenji ne: muntu yonsu wa kunudi abenge mvidie ya dishima inudi nutendelela, bua kanupi mikiya pa kukukuila mvidie ya bena Ejipitu. Meme ndi Maweja-Nangila Mvidi Mukulu wenu.

Dielulula 2:19

Nenufike pabuipi ne ditunga dia bena Amone. Kadi kanubedi diyi, kanubabundi to, bualu bobu kabidi nndelanganyi ya Lote. Tshiakunupesha kantu nansha kamue ka mu ditunga diabu. Ndi mumane kubapesha ditunga edi.”

Dielulula 2:24

Ke Maweja-Nangila kutuambila ne: “Mpindiewu bangayi luendu. Sabukayi musulu wa Amone. Nennupe Sihone, muena Amore, mukalenga wa mu Eshebone, ne ditunga diende. Mubundayi, nukuate ditunga diende!

Dielulula 2:4

Maweja-Nangila kuntuma bua kunumanyisha ne: “Nupitshile ku mikuna ya Seyire, muaba udibu basombe kudi bana benu, ndelanganyi ya Esawu. Nebanutshine. Kadi nuikale badimuke.

Dielulula 2:9

Maweja-Nangila kunkandika ne: “Kanubundi bena Mowabe, kanuluanganyi nabu to. Tshiakunupesha kantu nansha kamue ka mu ditunga edi to. Bualu ditunga edi dia Are, ndi mumane kudipesha ndelanganyi ya Lote.”

Dielulula 29:15

Nudi bamanye mushindu utuvua mu Ejipitu, ne mushindu utuvua bapitshile mu matunga a bisamba bionsu bivua mu njila.

Dielulula 29:17

Nanku muntu nansha umue wa kunudi, ne mulume ne mukaji, tshisamba nansha tshimue, diku nansha dimue, kanuena mua kubenga Maweja-Nangila Mvidi Mukulu wetu bua kutendelela mvidie ya bisamba ebi to. Bualu muntu udi wenza nanku, udi bu mutshi wa lulengu munkatshi mua bantu.