Dielulula 28:1 - MUKANDA WA MYIDI MUKULU

¹ Nuenu bitabe Maweja-Nangila Mvidi Mukulu wenu, bakumbaje bimpe mikenji yende yonsu indi nnumanyisha lelu eyi, nenuikale bena diakalenga bapite bisamba bionsu bia pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

¹ Binuananukila kutumikila mei a Yehowa, Nzambi wenu, bua kuenza mikenji yandi yonso indi nnuambila lelu, hashishe Yehowa, Nzambi wenu, neanuteke ku mutu kua bisamba bionso bia hanshi ha buloba;

Dielulula 28:1 교차 참조

1 Kulondolola 14:2

Nanku Davide kujadika ne: Maweja-Nangila ke uvua mumupe bukalenga bua bena Izrayele, kabidi ke uvua mubushindike, bualu uvua munange bantu bende bena Izrayele.

Misambu 106:3

Badi bakosa nsambu biakane, ne badi benza malu makane misangu yonsu badi ne disanka.

Misambu 111:10

Kutshina kua Maweja-Nangila ntshibangidilu tshia meji. Bantu bonsu badi balonda mikenji, badi bajingulula malu. Butumbi bua Maweja-Nangila mbua tshiendelele.

Misambu 119:128

Mikenji yebe yonsu ndi nyimona miakane, ndi mubenge malu onsu a dishima.

Misambu 119:6

Nanku tshiakufua bundu pandi ndama meyi ebe.

Misambu 148:14

Kupeshaye tshisa tshiende lumu, kutshizangika. Kutumbishaye bantu badi bamulamata, kutumbisha tshisa tshiende tshijima tshia bena Izrayele. Tumbishayi Maweja-Nangila, Aleluya!

Misambu 91:14

Maweja-Nangila udi wamba ne: “Bu mudiye mundamate, nemmusokoke, nemmulame, bualu mmumanye tshindi.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Ekesode 23:22

Kadi, nuenu bitabe diyi diende, bakumbaje bionsu bindi ngamba, meme Maweja-Nangila nenduishe bantu bonsu badi banuelela meji mabi.

Ekesode 23:25

Nuntendelele anu meme Maweja-Nangila Mvidi Mukulu wenu. Nanku nennuele lupemba, nenupete bia kudia ne mayi a kunua. Nennumbushile masama adi mua kunutatshisha.

Yeshaya 1:19

Eyowa, panuikala bakumbaje mikenji yanyi, panuikala banteleje, nenudie bintu bimpe bia mu ditunga dienu.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Yirmeya 11:4

Mu matuku amvua mupatule bankambua benu mu dikenga dikole mu Ejipitu, meme kutua nabu ndondu. Meme kubambila ne: Nuteleje bionsu bindi nnuambila, nubikumbaje. Nanku, nenuikale bantu banyi, meme nengikale Mvidi Mukulu wenu. Ke mukenji undi nnuelela.

Yirmeya 12:16

Bena mutumba bavua balongesha bantu bua baditshipe mu dina dia mvidie Baale. Kadi pikalabu balonge mua kuenza malu mimpe, adi bantu banyi ne bua kuenza, pikalabu bamanye mua kuditshipa bamba ne: “Ndi nditshipa mu dina dia Maweja-Nangila udi ne muoyi…”, nembape muaba wabu munkatshi mua bantu banyi.

Yirmeya 17:24

“Meme Maweja-Nangila ndi ngamba ne: Nuenu bonsu nunteleje bimpe. Dituku dia Dikisha kanupitshidi ne bujitu ku biibi bia bimenga. Nunemeke dituku edi, dikale dianyi meme. Midimu yonsu ipumbe.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!

Luke 9:48

ubambila ne: — Muntu udi wakidila muana ewu mu dina dianyi, mmungakidile meme mene. Udi ungakidila meme, udi wakidila kabidi uvua muntume. Bualu udi mushadile kunudi nuenu bonsu, ke udi mupite bonsu mene.

Yowanane 15:14

Nudi balunda banyi, panudi nuenza mundi munuelele mukenji.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Ngalate 3:10

Kadi badi bela meji ne: Mvidi Mukulu neatubingishe, bualu tudi tukumbaja mikenji, mbena tshibawu. Bualu mikanda ya tshijila idi yamba ne: “Udi kayi ukumbaja bimpe diba dionsu bionsu bidibu bafunde mu mukanda wa mikenji, mmuena tshibawu.”

Dielulula 11:13

Nuenu bakumbaje bimpe mikenji ya Maweja-Nangila Mvidi Mukulu, indi nnuambila lelu eyi, nuenu bamunange, bamuenzele mudimu ne muoyi wenu mujima ne bukole buenu buonsu,

Dielulula 11:27

Panuikala nukumbaja mikenji ya Maweja-Nangila Mvidi Mukulu wenu, indi nnumanyisha lelu, nenuikale bena diakalenga.

Dielulula 15:5

panuikala bitabe meyi ende, bakumbaje mikenji yende yonsu indi nnuambila lelu eyi.

Dielulula 26:18

Nuenu kabidi nuvua bamulaye bua kuikala tshisamba tshiende, tshia bantu badiye mupite kunanga, badi bakumbaja meyi ende ne mikenji yende.

Dielulula 26:19

Eyowa, ku bisamba bionsu bidi Maweja-Nangila Mvidi Mukulu wenu mufuke, mmusue bua nuenu nuikale babapite ku lumu, ku butumbi ne ku buneme. Mmusue bua nuikale bantu bende, badi bamuenzela mudimu bu muvuaye mumane kunuambila.

Dielulula 28:13

Nanku, nuenu bakumbaje mikenji yonsu ya Maweja-Nangila Mvidi Mukulu wenu, indi nnumanyisha lelu eyi, nenuikale bena diakalenga bapite bisamba bionsu bia pa buloba. Kanuakushadila kudibu to. Nenuikale nubatumina diyi.