Dielulula 26:7 - MUKANDA WA MYIDI MUKULU

⁷ Tuetu kudidila Maweja-Nangila Mvidi Mukulu wa bankambua betu bua atuambuluishe. Kumvuaye miadi yetu. Kumonaye bionsu bivuabu batuenzele, muvuabu batutatshisha, batutuuta, batukengesha.

Mukanda wa Nzambi Dihungila Dikulukulu ne Dihungila Dihia-dihia 2003

⁷ ne tuetu tuakadi la kudi Yehowa, Nzambi wa bankambua betu, ne Yehowa wakulua dî dietu, wakatangila makenga etu ne mudimu wetu ne majitu etu.

Dielulula 26:7 교차 참조

Genese 21:17

Mvidi Mukulu kumvua muadi wa muana. Mutumibue wa Mvidi Mukulu kuela diyi difumine mu diulu, kuebeja Agare ne: — Tshidi tshikutonda nanku ntshinyi? Kutshinyi to. Mvidi Mukulu umvu muadi wa muana.

Genese 29:32

Leya kuimita difu, kulela muana wa balume. Kuinyikaye muana awu ne: Rubene. Kuambaye ne: — Maweja-Nangila uvua mumone dikenga dianyi Mpindiewu bayanyi neanange.

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

Misambu 119:132

Untangile, ungambuluishe, bu muuvua mupangadike bua bonsu badi bakunanga.

Misambu 31:8

Ndi nsanka, ntshionkomoka, bualu uvua mungenzele bimpe, mumone dikenga dianyi, muvuluke dibungama dianyi.

Misambu 50:15

Pakukuata dikenga, umbikile nenkusungidile. Nenku neuntumbishe!

Ekesode 2:23

Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Ekesode 2:25

Kumonaye bena Izrayele, kujadikaye dikenga divuabu nadi.

Ekesode 3:9

Ndi mumvue miadi ya bantu banyi. Kabidi ndi mumone mudibu babakengesha kudi bena Ejipitu.

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Ekesode 6:5

Mpindiewu ndi mumvue miadi ya bena Izrayele badibu bakuate mu bupika kudi bena Ejipitu. Ke pandi muvuluke ndondu umvua mutue nabu.

Yirmeya 33:2

— Meme Maweja-Nangila, mufuki wa buloba, udi mubufumbe, mubulame kabidi, ndi ngamba ne:

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”