Dielulula 26:5 - MUKANDA WA MYIDI MUKULU

⁵ Pashishe muntu udi ufila bintu abi, neambe kabidi kumpala kua Maweja-Nangila ne: “Nkambua wanyi uvua muena Arame, kayi ne muaba wa kusomba. Kadi uyile kusomba ku Ejipitu ne tshisumbu tshikese tshia bantu bavuaye nabu. Bantu abu kuvulangana, kuenza tshisamba tshinene tshia bantu, tshia bukole kabidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nenuambe ku mesu kua Yehowa, Nzambi wenu, ne, Tatu wetu wakadi Muena Sulia, wakadi wamba kufua; ne yeye wakaya mu Ejipitu, wakashikamamu bantu banya-banya; yeye wakalua tshisamba tshinene tshia bukole ne bantu ba bungi.

Dielulula 26:5 교차 참조

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Genese 24:4

Kadi uditshipe kundi, uye kukebela muananyi Izake mukaji anu kuetu kundela mu ditunga dietu, mu diku dietu.

Genese 25:20

Izake mumane kukumbaja bidimu makumi anayi, kuselaye Rebeka, muana wa Betuyele, muena Arame, mufumine ku tshitupa tshia Mezopotamiya tshia ku mutu kua misulu. Rebeka uvua ne muanabu wa balume, dina diende Labane.

Genese 27:41

Esawu kufika munda bikole bua lupemba luvua Yakobe mumunyenge. Kuambaye ne: “Tatu mumane kufua, tuetu batangalaje madilu ende, nenshipe muakunyanyi Yakobe.”

Genese 28:5

Izake kutuma Yakobe ku tshitupa tshia ku mutu kua misulu tshia Mezopotamiya, kua Labane, muana wa Betuyele, muena Arame. Labane uvua muanabu ne Rebeka, mamuende wa Yakobe ne Esawu.

Genese 31:20

Yakobe kunyema mu musokoku, Labane, muena Arame, kayi mumanye to.

Genese 31:24

Butuku abu Mvidi Mukulu kumuenekela Labane muena Arame mu tshilota, umukandika ne: — Udimuke, kukengeshi Yakobe ku bualu nansha bumue.

Genese 31:40

Mvua nkenga bikole, munya ungosha matuku onsu. Butuku mashika avua ambuela ku muoyi, tshitabela tshingenza.

Genese 43:12

Pashishe, nuangate makuta a kusumba biakudia ne makuta avuabu banupingajile mu bibombi bienu awu, bualu badi mua kuikala batupakane.

Genese 45:11

Kuneku meme nemmudishe bimpe, kayi mua kukenga tshintu, yeye ne bena diende bonsu, kabidi ne bimuna biende. Bualu bidimu bikuabu bia tshiyole bitshidi bishale bitanu.”

Genese 45:7

Mvidi Mukulu ke udi muntume kumpala kuenu mu ditunga edi bua meme kunulamina biakudia, bua kunupandisha nuenu ne ndelanganyi yenu yonsu mushindu ewu wa dikema.

Genese 46:27

Yozefe uvua mulele bana ba balume babidi mu Ejipitu. Nanku ndelanganyi ya Yakobe ivua misombe mu ditunga dia Ejipitu kukumbana bantu makumi muanda mutekete.

Genese 47:27

Bena Izrayele kusomba mu Ejipitu, kuasa mu ditunga dia Ngoshene. Kuvulanganabu bikole, kusumba mpangu.

Genese 47:4

Tudi bafike bua kusomba munemu, bualu ku Kenaane kudi tshiyole tshikole, tshiumisha too ne bisosa bia kudisha bimuna bietu. Nanku, anyisha bua tusombele mu Ngoshene.

Ekesode 1:12

Kadi pa wabu bakengesha bena Izrayele nanku, bavua amu bavulangana mu ditunga dijima. Bena Ejipitu bamona nanku, kutshinabu bena Izrayele bikole.

Ekesode 1:5

Ndelanganyi ya Yakobe yonsu ivua bantu makumi muanda mutekete. Amu Yozefe uvua mumane kudianjila mu Ejipitu.

Ekesode 1:7

Pashishe ndelanganyi ya bena Izrayele kutanta, kuvulangana kupita bungi mu Ejipitu. Kushalabu bantu ba bukole.

Osheya 12:12

Bena Ngilaade, mbena buenzayi ba kalanda-musenga. Nebabutuke bonsu. Muaba wa tshijila wa ku Ngilgale, bavua balambula ngombe milume. Kadi, bilambuilu biabu, nebishale amu mishiki ya mabue mu madimi.

Osheya 12:13

Yakobe kunyema, kuyaye ku Mezopotamiya. Kutuadijaye kuenzela muntu mukuabu mudimu, anu bua kupeta mukaji. Eyowa, Yakobe kudienza mulami wa bimuna, anu bua kupeta mukaji.

Bienzedi 7:15

Nanku Yakobe kupueka mu Ejipitu. Ke muakafuilaye, ne bankambua betu kabidi.

Dielulula 1:10

Maweja-Nangila Mvidi Mukulu wenu mmunuvudije. Mpindiewu nudi bungi bu mitotu ya mulu.

Dielulula 10:22

Pafikile bankambua benu mu Ejipitu, kabavua bapite ku makumi muanda mutekete to. Kadi mpindiewu, Maweja-Nangila Mvidi Mukulu wenu mmunuvudije bu mitotu ya mulu.

Dielulula 26:4

Mutuangaji neangate tshisaka tshia biakudia atshi, atshiteke kumpala kua tshilambuilu tshia Maweja-Nangila Mvidi Mukulu wenu.

Dielulula 7:7

Maweja-Nangila mmununange, munusungule, ki mbua ne: nudi nupita bisamba bionsu ku bungi to. Nudi bakese, bashadile kudi bisamba bikuabu.