Dielulula 24:1 - MUKANDA WA MYIDI MUKULU

¹ Pikala muntu musele mukaji, mukaji awu katshiyi umulengelela, mulume umudiwula bua bualu kampande, amufundile mukanda wa dishipa nawu dibaka, amupewu, amuipate.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hangata mulume mukashi bua kumubaka, ne bikala mukashi kayi muimpe ku mesu kuandi bualu bua yeye wakamusangana ne malu adi kayi mimpe, hashishe yeye neamufundile mukanda wa kushiha dibaka, neamuheu mu bianza, neamûmushe mu nsubu wandi.

Dielulula 24:1 교차 참조

Ekesode 21:10

Nansha mfumu awu musela mukaji mukuabu, kena mua kupepeja mukaji wa kumpala awu, nansha ku biakudia, nansha ku bilamba ne ku dimubuelela dia mu nzubu.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yirmeya 3:1

Maweja-Nangila udi ukonka ne: Pikala mulume mubenge mukajende, mumuipate, mukaji awu kumuselabu kudi mulume mukuabu, bayende wa kale udi mua kumuangata kabidi bu mukajende anyi? Nansha kakese! Ditunga didi mua kunyanguka. Kadi, wewe Izrayele, ndi njadika ne: udi mumane kuenda tshiendenda ne balume ba bungi. Muudi musue bua meme kukuangata kabidi bu mukajanyi mbishi?

Yirmeya 3:8

Yuda mmujadike mumvua mupeshe Izrayele muena tshiendenda mukanda wa kushipa nawu dibaka, mumvua mumubenge, mumulekele bua tshiendenda tshiende. Kadi Yuda ntomboji kena utshina to. Kena umona bionsu ebi bu bualu to. Yeye mene ukadi ubanga kuenda tshiendenda.

Malaki 2:16

Maweja-Nangila Mvidi Mukulu wa Izrayele, ne wa bukole buonsu, udi wamba ne: “Ndi ndiwula dishipa dia dibaka. Muntu udi wenza nanku udi amu bu muntu mushipianganyi. Nudimuke bua kanushipi ndondu wenu.”

Dibadika 5:12

bua amanyishe bena Izrayele ne: — Tuambe ne: Mukaji wa bende mmuende tshiendenda.

Dibadika 5:28

Kadi pikalaye kayi mumanye bualu, kayi mudinyange, mayi a bululu aa kaena amuenzela bualu to. Nealele bana.

Matayi 1:19

Yozefe uvua mumubangile, uvua muntu wa nsongu. Kavua musue kumanyisha bantu bualu ebu, bua kafuishi Mariya bundu. Nanku kushindikaye bua kushiyangana nende mu musokoku.

Luke 16:18

Muntu yonsu udi wipata mukajende, usela mukuabu, mmunyange dibaka. Udi usela mukaji uvuabu babenga kudi bayende, udi munyange pende dibaka.

Dielulula 21:15

Pikala muntu musele bakaji babidi, kayi mubanange bonsu mushindu wa momumue, bakaji abu balele bana ba balume, kadi muanabute muikale wa mukaji uvuaye kayi mupite kunanga,

Dielulula 22:13

Pikala muntu mumane kusela mukaji, umubuelela mu nzubu, pashishe umubenga, kumushiminyina ne:

Dielulula 22:19

Pashishe mulume neafute tatuende wa mukaji awu tshibawu tshia nkanu lukama ya tshiamu tshitoke tshia mushinga mukole. Bualu uvua munyange lumu lua nsongakaji wa bena Izrayele. Neashale anu ne mukajende kashidi too ne muafuaye. Matuku ende onsu a panu kena mua kumubenga to.

Dielulula 22:29

mulume neafute tatuende wa nsongakaji tshibawu tshia nkanu makumi atanu ya tshiamu tshitoke tshia mushinga mukole. Pashishe neangate mukaji kashidi, too ne muafuaye, kayi mua kumubenga musangu nansha umue to. Bualu uvua mumubuelele mu nzubu ku bukole.

Dielulula 24:2

Kadi pikala mulume mukuabu musele mukaji awu,

Dielulula 24:3

mulume awu mumubenge kabidi, mumufundile mukanda mukuabu bua kushipa dibaka, mumupeshewu, mumuipate, nansha pikala mulume muibidi awu mufue,