Dielulula 23:7 - MUKANDA WA MYIDI MUKULU

⁷ Nanku kanuena mua kumvuangana ne bena Amone ne bena Mowabe kashidi tshiendelele. Kanuena mua kubakebela diakalenga too ne kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kanuikadi ne Muena Edome lukuna, bualu bua yeye udi muanʼenu; kanuikadi ne Muena Ejipitu lukuna, bualu bua nuenu nuakadi benyi mu buloba buandi.

Dielulula 23:7 교차 참조

Genese 25:30

Esawu kumulomba ne: — Mpeshaku nsupu wa nkunde mukunze uudi mulamba, ndia, bualu mukana mmungume. (Ke padibu babikila Esawu ne: Edome, mmomumue ne: mukunzubile.)

Genese 46:7

Ke muvua Yakobe muye mu Ejipitu ne bintu biende bionsu, kabidi ne bana bende, ne bikulu bende balume ne bakaji.

Genese 47:12

Yozefe uvua wambuluisha tatuende, bana babu ne bonsu ba mu diku diabu ne biakudia bilondeshile bungi bua bantu.

Genese 47:27

Bena Izrayele kusomba mu Ejipitu, kuasa mu ditunga dia Ngoshene. Kuvulanganabu bikole, kusumba mpangu.

Genese 47:6

Ditunga dia Ejipitu dijima edi ndiebe. Sungula muaba muimpe wa mu ditunga bua basemu. Badi mua kusomba nansha mu Ngoshene. Kadi paudi mumanye ne: munkatshi muabu mudi bantu ba meji, ubateke bikale balama bimuna bianyi.

1 Bakalenga 11:25

Nanku, Rezone uvua muluishi wa bena Izrayele matuku onsu avua Shelomu mushale mu bukalenga. Rezone uvua ukengesha Shelomu, anu muvua Adade uluisha bena Izrayele. Matuku onsu avua Rezone muikale mukalenga wa bena Siriya, kavua munange bena Izrayele to.

Ezela 9:12

Nanku, nsongakaji yenu, kabena mua kuyisela kudi nsongalume ya banb benyi abu to. Kabidi kanuena mua kubangila bana babu ba bakaji bua kubaselabu kudi bana benu ba balume to. Kanuena mua kuvudija diakalenga ne biuma bia bantu benyi aba to. Nanku nenuikale bantu ba bukole. Nenusanke ne bintu bimpe bia mu ditunga amu. Nenubishile ndelanganyi yenu kashidi!’

Misambu 105:23

Pashishe Yakobe kuya mu Ejipitu, Izrayele kusomba mu ditunga dia Kame.

Ekesode 22:21

Kanukengeshi bakaji bakamba nansha bana ba nshiya.

Ekesode 23:9

“Kanukengeshi muenyi, bualu nudi bamanye dikenga diende, bu munuvua penu benyi mu ditunga dia Ejipitu.

Lewitiki 19:34

Kadi, nusombe nende bu muena ditunga. Numunange, munudi nudinanga. Nuvuluke ne: nuvua benyi mu ditunga dia Ejipitu. Meme ndi Maweja-Nangila Mvidi Mukulu wenu.

Malaki 1:2

Maweja-Nangila udi wambila bantu bende ne: — Ndi mununange. Kadi bobu badi bamukonka ne: — Tshidi tshijadika ne: udi mutunange ntshinyi? Maweja-Nangila udi wandamuna ne: — Esawu kavua muanabu ne Yakobe anyi? Kadi mvua munange Yakobe,

Dibadika 20:14

Patshivua Moshe mu Kadeshe, kutuminaye mukalenga wa bena Edome bantu, bamuambila ne: — Tuetu bana benu bena Izrayele, tudi bakenge bikole. Wewe mene udi mumanye!

Dielulula 10:19

Nanku nuenu bena Izrayele, nunange bantu benyi badi munkatshi muenu. Bualu nuvua penu benyi mu ditunga dia Ejipitu.

Dielulula 23:8

Kanupepeji bena Edome, bualu mbana benu. Kanupepeji kabidi bena Ejipitu, bualu nuvua basombe mu ditunga diabu.