Dielulula 23:5 - MUKANDA WA MYIDI MUKULU

⁵ Bualu panupatukila mu Ejipitu, bantu aba bavua banupale biakudia ne mayi a kunua mu luendu luenu. Kabidi bavua bafuta Balaame bua kunutshipaye. Balaame ewu, ke muana wa Beyore, uvua mu musoku wa Petore, mu Mezopotamiya.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi Yehowa, Nzambi wenu, kakunyua mei a Belâma; kadi Yehowa, Nzambi wenu, wakakudimuna mulau ulua disanka dienu, bualu bua Yehowa, Nzambi wenu, wakanusua.

Dielulula 23:5 교차 참조

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

Nehemya 13:2

Bualu kale bobu kabavua bakidila bena Izrayele, kabavua babapesha biakudia, nansha biakunua to. Kadi bavua bapesha Balaame mabuejila bua kutshipaye bena Izrayele. Anu Mvidi Mukulu wetu kuandamuna mitshipu ayi kuvuayi disanka.

Misambu 73:1

Musambu wa mu mukanda wa misambu ya Asafe. Ndi mumanye ne: Mvidi Mukulu udi unanga Izrayele, nangananga bantu badi bamuitaba.

Nsumuinu 26:2

Bu mudi mushamusha ne kandindi bipapelela mulu kabiyi bikisha, ke mudi mulawu muela muntu kapayi bualu kauyi umukuata.

Yirmeya 31:3

Bantu banyi bavua bamba ne: “Maweja-Nangila mmutumuenekele mufume kule!” Ke meme kubambila ne: “Ndi mununange tshiendelele. Ke pandi nnulamata kashidi.

Yezekiyele 16:8

Meme kupitshila pabuipi nebe tshiakabidi. Mvua mumone ne: ukavua mukumbaje bidimu bia kukubangila. Nanku, meme kukubikila ne tshinkutu tshianyi bua kujika butaka buebe. Meme kukulaya ne: nenshale webe ne muoyi umue. Meme kutua nebe ndondu. Ke mumua mushale wanyi meme. Meme Maweja-Nangila Mvidi Mukulu, ndi njadika bualu ebu.

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Malaki 1:2

Maweja-Nangila udi wambila bantu bende ne: — Ndi mununange. Kadi bobu badi bamukonka ne: — Tshidi tshijadika ne: udi mutunange ntshinyi? Maweja-Nangila udi wandamuna ne: — Esawu kavua muanabu ne Yakobe anyi? Kadi mvua munange Yakobe,

Dibadika 22:35

Mutumibue kubenga, wamba ne: — Kupinganyi to! Uye anu ne bantu aba. Kadi wambe amu bindi nkuleja. Ke Balaame kuya ne bantu bavua Balake mutume.

Dibadika 22:5

Ke mukalenga Balake kutuma bantu kudi Balaame, muana wa Beyore, uvua musombe ku Petore pabuipi ne musulu wa Perate, mu ditunga dia bena Amavi. Uvua umulomba ne: “Mudi bantu ba bungi bafike munemu, bafume ku Ejipitu. Badi batangalaka pa buloba bujima, base mitanda yabu pabuipi nanyi.

Dibadika 24:9

Bena Izrayele kuzonzama, kulala panshi bu nyama ya ntambue. Udi mua kubajula ku bukole nnganyi? Izrayele, udi ukuela lupemba, bamuele pende! Udi ukutshipa, bamutshipe biende!

Rome 11:28

Patudi lutangila mushindu uvua bena Yuda babenge Lumu lua Disanka, badi baluishi ba Mvidi Mukulu, kadi amu bua nuenu kutuuta dikasa dimpe. Kadi patudi bitangila mushindu uvua Mvidi Mukulu musungule bankambua babu, badi bashala bantu badiye unanga.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Rome 9:13

Ke padi Mukanda wa tshijila wamba ne: “Mvua munange Yakobe, mubenge Esawu.”

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Dielulula 2:29

Ndelanganyi ya Esawu, idi misombe mu mikuna ya Seyire, ne bena Mowabe, badi basombe mu Are, mbamane kuitaba bua tupitshile muabu. Pashishe netusabuke musulu wa Yardene, bua tufike mu ditunga, didibu batupe kudi Maweja-Nangila Mvidi Mukulu wetu.”

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

Dielulula 4:37

Maweja-Nangila uvua wenza bionsu ebi, bualu uvua unanga bankambua benu. Kabidi uvua munusungule nuenu ndelanganyi yabu. Kunupatulaye mu Ejipitu ku bukole buende.

Yoshua 24:10

Kadi meme kubenga kuteleja Balaame. Nanku Balaame kunuela lupemba. Ke meme kunusungidila mu bianza bia Balake.