Dielulula 23:4 - MUKANDA WA MYIDI MUKULU

⁴ Bena Amone ne bena Mowabe kabena mua kubuela muaba udi bantu ba Maweja-Nangila basangile, nansha ndelanganyi yabu ya musangu wa dikumi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ bualu bua bobo kabakanuha bia kudia ne mai a kunua mu nshila hanuakaluhuka mu Ejipitu; ne bualu bua bobo bakahita Belâma, muana mulume wa Beô ku Petô wa mu Mesopotamia, bua kunueleye mulau.

Dielulula 23:4 교차 참조

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

Ezela 9:1

Malu awu mamane kupita, bamfumu bakuabu ba bena Izrayele kufika, bangambila ne: — Nansha bantu ba patupu, nansha batuangaji ne bena Levi, kabena bashiyangane ne bena ditunga to. Badi batendelela mvidie ya tshianana, badi balonda bibidilu bibi bia bena Kenaane, bena Iti, bena Perizi, bena Yebusa, bena Amone, bena Mowabe, bena Ejipitu ne bena Amore.

Nehemya 13:2

Bualu kale bobu kabavua bakidila bena Izrayele, kabavua babapesha biakudia, nansha biakunua to. Kadi bavua bapesha Balaame mabuejila bua kutshipaye bena Izrayele. Anu Mvidi Mukulu wetu kuandamuna mitshipu ayi kuvuayi disanka.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Yirmeya 49:1

Bua bidi bitangila bena Amone, Maweja-Nangila udi wamba ne: “Mvidie Milkome uvua mukuate, buloba bua Ngade bua tshinyi? Bena Amone badi basomba mu bimenga bia bena Izrayele bua tshinyi? Bena Izrayele kabena ne bana badi mua kupiana buloba buabu anyi?”

Muadi 1:10

Baluishi mbapawule bubanji buende buonsu. Yerushalayime mmudimuene muvua bantu ba bisamba bikuabu babuele mu nzubu wa Mvidi Mukulu wende. Ke bantu bauvua wewe Maweja-Nangila mukandike bua kababuedi muaba webe wa kutendelela.

Yezekiyele 44:9

Meme Maweja-Nangila Mvidi Mukulu ndi ngamba ne: Muntu muenyi nansha umue, udibu kabayi bateka panshi, kabidi udi kayi ungitaba, nansha yeye musombe munkatshi mua bena Izrayele, kena mua kubuela muaba wanyi wa tshijila to.”

Zekâya 2:8

Kuambilaye mutumibue muibidi awu ne: — Uye lubilu kudi nsongalume udi ne nshinga, umuambile ne: kabena mua kunyungulula tshimenga tshia Yerushalayime ne bimana, bualu bantu ne nyama nebikalemu bipite bungi.

Dibadika 22:17

Ufike kuneku, utshipe bantu aba. Nenkusankishe ne tshintu tshionsu tshiwalomba.”

Dibadika 23:7

Balaame kuamba ne: “Balake, mukalenga wa bena Mowabe, mmumbikile, ku mikuna ya Arame ya ku luseke ludi diba dipatukila: ‘Balaame, ufike bua kukanyina, kutshipa mene bena Izrayele, ndelanganyi ya Yakobe!’

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Bienzedi 9:4

Kuponaye panshi. Kumvuaye diyi dimuebeja ne: — Shawule, Shawule, udi unkengeshila tshinyi?

Yoshua 24:9

Balake, muana wa Sipore, uvua mukalenga wa bena Mowabe, kunuluisha kabidi. Uvua mubikidishe Balaame, muana wa Beyore, bua kunutshipaye.

2 Petro 2:15

Badi bantu bapambuke. mBumuke mu njila mululame bua kulonda njila mubi, uvuabu balonda kudi Balaame, muana wa Bozore, uvua munange makuta avuabu ne bua kumufuta bua malu ende mabi.

Yuda 1:11

Bantu abu mbena diakabi. mBabuele mu njila wa Kayine; mbapambuke mu njila, bu Balaame, bua lukuka lua biuma. mBabutuke, bualu bavua batomboka, bu muvua Kora muenze.

1 Samuele 25:11

Meme ndi mua kuangata diampa dianyi, mayi anyi a kunua, ne munyinyi undi mulongoluele bantu badi bakosa miosa ya mikoku yanyi, bua kupesha bantu bandi tshiyi mumanye nansha muaba udibu bafume!