Dielulula 22:21 - MUKANDA WA MYIDI MUKULU

²¹ bakulu ba mu tshimenga nebimanyike mukaji ewu mu mushiku wa mbelu wa nzubu wa tatuende. Bantu balume ba mu tshimenga nebamuase mabue, bamushipe. Bualu mmuenze bualu bua dikamakama, patshivuaye ku nzubu kua baledi bende. Ke munudi mua kujikija buenzayi bua mushindu ewu munkatshi mua bena Izrayele nanku.

Mukanda wa Nzambi Dihungila Dikulukulu ne Dihungila Dihia-dihia 2003

²¹ hashishe nebalue ne mushikankunde eu ku tshibi tshia nsubu wa tatu wandi, ne balume ba mu musoko nebamukume ne mabue tô ne hafileye, bualu bua yeye wakuenza bualu bua tshikama mu Isalele, wakuenza bu mukashi wa masandi mu nsubu wa tatu wandi: nunku nenûmushe malu mabi munkatshi muenu.

Dielulula 22:21 교차 참조

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Genese 34:7

Bana ba Yakobe balume mu mpata, kubambilabu bionsu bivua bienzeka abi. Bavua bumvue bibi, bafike kabidi munda bikole, bualu Shekeme uvua muenze bualu bubi bua dikamakama, mubuelele muana wa bende wa Yakobe mu nzubu ku bukole. Tshilema tshia mushindu ewu katshiena ne bua kuenzeka mu Izrayele to.

Balombodi 20:6

Pashishe meme kuambula tshitalu tshia muena kuanyi, kutshikosa mu mabulu andi mutumine tshisamba ne tshisamba tshia bena Izrayele. Bualu bantu aba mbenze bualu bubi budi bufuisha tshisamba tshia bena Izrayele bundu.

Balombodi 20:10

netusungule muntu umue ku bantu dikumi ba mu tshisamba tshionsu tshia bena Izrayele, bua bikale ne mudimu wa kuambula biakudia bia bena mvita badi baya kuluisha bena Ngibeya, bua kubanyoka bua bualu ebu bubi budibu benze mu Izrayele.

Dielulula 21:21

Diba adi, bantu bonsu ba mu tshimenga atshi, nebamuase mabue, bamushipa. Pumvua bena Izrayele binudi bamuenzela, nebatshine. Kabakuenza kabidi buenzayi ebu to. Ke munudi mua kujikija buenzayi munkatshi mua bena Izrayele nanku.

Dielulula 19:19

nebamunyoke amu mushindu uvuaye musue ne banyoke muanabu awu, bua kujikija buenzayi bua nanku munkatshi muenu.

Dielulula 17:7

Bajadiki ba bualu abu ke badi badianjila kumuasa mabue. Pashishe bantu bakuabu nebabambuluishe bua kumushipa. Ke munudi ne bua kumusha bubi munkatshi muenu.

Lewitiki 21:9

“Padi muana wa bakaji wa mutuangaji mushale ndumba, udi ufuisha tatuende bundu. Nenku badi ne bua kuosha muana awu ne muoyi mu kapia.

Dielulula 22:24

nubimanyike bonsu babidi ku tshiibi tshia tshimenga, nubase mabue, nubashipe. Bualu mbenze bualu ebu mu tshimenga, kadi nsongakaji kena muele mbila, kena mubikile bantu. Nsongalume pende mmukuate nsongakaji, mumane kubangila awu, ku bukole, mumubuelele mu nzubu. Ke munudi mua kujikija buenzayi munkatshi muenu nanku.

Dielulula 22:22

Pikalabu bakuate muntu mubuelele mukaji wa bende mu nzubu, babajikile, babashipe bonsu babidi. Ke munudi mua kujikija buenzayi munkatshi mua bena Izrayele nanku.

Dielulula 17:5

muena tshibawu awu, nansha yeye mulume nansha yeye mukaji, nuye nende ku tshibuelelu tshia tshimenga. Numuase mabue, numushipe.

Dielulula 13:10

Muntu yonsu udi unuambila bua kutendelela mvidie, bamushipe. Muntu uvuaye wambila bua kutendelela mvidie, ke udi udianjila kumuasa dibue. Bantu bakuabu, kushisha kumuambuluisha bua kumushipa.

Lewitiki 24:23

Moshe kuambila bena Izrayele mikenji eyi ya Maweja-Nangila. Bena Izrayele kumuka mu mitanda ne muntu uvua usendeka Mvidi Mukulu awu. Kumuasabu mabue, kumushipa, bu muvua Maweja-Nangila muambile Moshe.

Lewitiki 24:16

Muntu yonsu udi usendeka dina dia Maweja-Nangila, bamushipe. Bena Izrayele bonsu bamuase mabue, bamushipe, nansha yeye muenyi, nansha yeye muena Izrayele, bualu mmuse-ndeke Mvidi Mukulu.

1 Korente 5:13

Mvidi Mukulu neabalumbuluishe. Kadi kanuena ne bua kulumbuluisha badi mu tshisumbu tshienu anyi? Nudi amu ne bua kulumbuluisha! Bualu Mukanda wa tshijila udi wamba ne: “Ipatayi muntu mubi munkatshi muenu.”

Lewitiki 19:29

“Kanufuishi nsongakaji yenu bundu, panudi nubasaka ku dienda buendenda mu nzubu ya ditendelela mvidie. Buenzayi bua nanku kabutampakanyi ditunga dijima nansha.

Balombodi 19:23

Mukulumpe awu kupatuka, kuambila bena buenzayi abu ne: — Bana betu, ndi nnusengelela, kanuenji bualu bubi bua mushindu ewu to. Kanuenji bualu ebu to. Bualu muntu ewu mmuenyi wanyi.

Balombodi 20:5

Bena Ngibeya kufika butuku bua kungenzela bibi. Kunyungululabu nzubu umvua awu. Bivua basue kunshipa. Kadi kuangatabu mukajanyi, kushala nende too pakafuaye.

Genese 38:24

Kupita anu ngondu isatu muntu kampande kuambila Yuda ne: — Tamare, mukaji wa muanebe, ukadi mudisombele. Kabidi udi mumane kuimita ne difu. Yuda kutuma diyi ne: — Bamupatule pa mbelu, bamoshe mu kapia, abutuke.

Lewitiki 20:2

umanyishe bena Izrayele mikenji idi ilonda eyi ne: “Padi muena Izrayele, nansha muenyi udi munkatshi mua bena Izrayele, ulambula mvidie wa Moleke muanende, bena ditunga bamuase mabue, bamushipe.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.