Dielulula 20:4 - MUKANDA WA MYIDI MUKULU

⁴ Maweja-Nangila Mvidi Mukulu wenu udi nenu. Neanuluile mvita ayi, bua nuenu kubatshimuna!”

Mukanda wa Nzambi Dihungila Dikulukulu ne Dihungila Dihia-dihia 2003

⁴ bualu bua Yehowa, Nzambi wenu, udi unuluila, bua kuluangana ne badi nʼenu lukuna ne bua kunusungila.

Dielulula 20:4 교차 참조

1 Kulondolola 14:15

Kadi paumvua mikuma ku nsongu ya mitshi, utuadije mvita. Bualu ke diba mene dindi mpita kumpala kuebe bua kukutshimuna mvita ya bena Peleshete.

2 Kulondolola 13:12

Mpindiewu, Maweja-Nangila nkayende ke udi utulombola. Batuangaji bende apa badi bakeba kuela mpungi, bua kuleja tshimanyinu tshia mvita, bua kunuluisha. Nanku, nuenu bena Izrayele, kanuluishi Maweja-Nangila Mvidi Mukulu wa bankambua benu, bualu kanuakutshimuna mvita to.

Ekesode 14:14

Lekelayi kupampakana, bualu Maweja-Nangila nealuangane mvita eyi pa mutu penu.

Rome 8:37

Kadi bionsu abi tudi mua kubitshimuna kashidi ku bukole bua uvua mutuleje mudiye utunanga.

Dielulula 1:30

Maweja-Nangila Mvidi Mukulu wenu udi wenda kumpala kuenu. Neanutshimuine mvita eyi. Nudi bamanye nuwuaye muenze mu Ejipitu,

Dielulula 11:25

Muntu nansha umue kakukandamana to. Bantu bonsu nebanutshine, bakuatshike bowa miaba yonsu inudi nupitshila, bu muvua Maweja-Nangila munulaye.

Dielulula 3:22

Nanku, kanubatshinyi to, bualu Maweja-Nangila Mvidi Mukulu wenu neanuluile mvita ayi.”

Dielulula 31:6

Koleshayi muoyi, kankamanayi, kanutshinyi bena ditunga adi to. Bualu Maweja-Nangila Mvidi Mukulu wenu udi munkatshi muenu. Kakunulekela to.

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.

Yoshua 10:11

Pavua bena Amore banyema bena Izrayele, bapuekela luseke lukuabu lua mukuna wa Bete-Orone, Maweja-Nangila kubatokeshila mvula mukole wa mabue. Mvula awu kukuatshila bena Amore too ne mudibu bafika ku Azeka. Bantu balume bavua bafue ku mabue a mvula awu bavua ba bungi, bapite bavua bena Izrayele bashipe ku miele mu mvita.

Yoshua 10:42

Kukuataye matunga aa. Kutshimunaye bakalenga abu anu musangu umue. Bualu Maweja-Nangila Mvidi Mukulu wa bena Izrayele nkayende ke uvua uluila bena Izrayele mvita.

Yoshua 23:10

Muntu umue wa kunudi, udi mua kutshimuna baluishi tshinunu, bualu Maweja-Nangila Mvidi Mukulu wenu, udi ku luseke luenu, unuluila mvita, bu muvuaye mumane kulaya.

1 Samuele 14:23

Ke muvua Maweja-Nangila muambuluishe bena Izrayele bua kutshimuna bena Peleshete dituku adi nanku. Mvita kutungunuka too ne dishiya dia Bete-Avene.