Dielulula 20:16 - MUKANDA WA MYIDI MUKULU

¹⁶ Kadi mu bimenga bia mu ditunga didi Maweja-Nangila Mvidi Mukulu wenu munupe bua nudikuate, nenushipemu bantu bonsu, kanuyi nushiya nansha umue ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi misoko ya bantu aba idi Yehowa, Nzambi wenu, unuhayi bua nuenu kuyihiana, kanusungidi tshintu tshimue tshidi tshieyela muhuya;

Dielulula 20:16 교차 참조

Dibadika 21:35

Bena Izrayele kutshimuna Oge, bana bende, ne tshiluilu tshiende, kushipa bonsu, kubanyenga ditunga.

Dibadika 31:17

Nanku mpindiewu nushipe bana ba balume bonsu, kabidi ne bakaji bonsu bakadi bamane kumanyangana ne balume.

Dibadika 33:52

nuipate bena ditunga adi bonsu. Nunyange mpingu yonsu, idi ileja mvidie yabu, nansha bayisonge mu mabue, nansha bayifule ne tshiamu. Nunyangakaje kabidi miaba yabu yonsu idibu batendelela.

Dielulula 20:15

Ke munudi mua kuenzela bimenga bionsu bidi kule, kabiyi mu ditunga dinuasomba.

Dielulula 20:17

Bena Iti, bena Amore, bena Kenaane, bena Perizi, bena Ivi ne bena Yebusa, nenubashipe bonsu, muvua Maweja-Nangila Mvidi Mukulu wenu muambe.

Dielulula 24:4

mulume wa kumpala kena mua kuangata kabidi mukaji awu to. Bualu mukaji awu kudi mulume ewu udi ne mikiya. Maweja-Nangila Mvidi Mukulu wenu, kena musue bua mulume awu amuangate tshiakabidi. Kanuena mua kunyanga ditunga didiye munupe, ne buenzayi bua mushindu ewu.

Dielulula 31:5

Neafile bena ditunga adi mu bianza bienu. Nenubenzele bionsu bindi mumane kunuambila.

Dielulula 4:21

Kadi Maweja-Nangila mmumfikile meme Moshe munda bualu buenu, muditshipe wamba ne: “Kuena mua kusabuka musulu wa Yardene, kufika mu ditunga edi dimpe, dindi mupeshe bena Izrayele to.”

Dielulula 7:16

Nanku nenubutule bantu bonsu bikala Maweja-Nangila Mvidi Mukulu wenu munupeshe. Kanubafuidi luse to. Kanutendeledi mvidie yabu, bualu mbuteyi budi mua kunufikisha ku lulu.

Yoshua 10:20

Yoshuwa ne bena Izrayele kutshimuna bena Amore menemene, kubabutula bonsu. Amu bantu bakese bavua banyema mvita ke bavua bapande, bapingana mu bimenga biabu, bivuabu bakolesha ne bimana.

Yoshua 10:28

Amu dituku adi, Yoshuwa kukuata tshimenga tshia Makeda, kushipa mukalenga watshi, ne bantu bonsu bavuamu. Kawa mushiye muntu ne muoyi to. Uvua muenzele mukalenga wa mu tshimenga tshia mu Makeda biwaye muenzele mukalenga wa mu tshimenga tshia Yeriko.

Yoshua 10:40

Yoshuwa kukuata ditunga dijima. Kutshimunaye bakalenga bavua ku mikuna, bavua mu tshitupa tshia kuinshi mu ditunga, bavua mu mpata nansha ku muelelu wa Mayi manene a pankatshi pa matunga. Kawa mushiye muntu nansha umue ne muoyi to. Yoshuwa kubutula bantu bonsu, muvua Maweja-Nangila Mvidi Mukulu muambe.

Yoshua 11:14

Bena Izrayele kuangata bimuna ne bintu bivuabu basangana mu bimenga abi. Kadi bavua babutula bantu bonsu. Kabawa bashiye muntu nansha umue ne muoyi to.

Yoshua 6:24

Pashishe bena Izrayele kuosha tshimenga tshia Yeriko ne bionsu bivuamu. Kabawa bosha biamu bitoke bia mushinga mukole, biamu bia mpawungi, biamu bikunze, nansha bikuabu. Bavua babiteka muaba wa tshijila wa Maweja-Nangila, bua bishale biende.

Yoshua 8:25

Dituku adi, bantu ba mu tshimenga tshia Ayi bonsu, balume ne bakaji, bavua bena Izrayele bashipe bavua binunu dikumi ne bibidi.

Yoshua 8:8

Amu nuenu bamane kukuata tshimenga, nutshioshe bilondeshile diyi dia Maweja-Nangila. Nukumbaje menemene bindi nnuambila ebi.

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.

Yoshua 9:27

kupesha bena Ngibone mudimu wa kukosa nkunyi, kusunyina bena Izrayele mayi, ne kusuna mayi bua tshilambuilu tshia Maweja-Nangila, muaba wikale Maweja-Nangila usungula. Nanku ndelanganyi ya bena Ngibone itshidi ikuata midimu eyi too ne ku lelu.

Yoshua 9:7

Bena Izrayele kubandamuna ne: — Misangu mikuabu nudi bena mutumba. Nanku katuena mua kutua nenu ndondu to.

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”