Dielulula 20:11 - MUKANDA WA MYIDI MUKULU

¹¹ Pikala bena tshimenga atshi bitabe, banunzuluile biibi bia tshimenga, nebanukuatshile mudimu. Nenubenzeje midimu ku bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne bikalabo banukudimune mei makane, bianunzuluilabo bibi, hashishe bantu bonso badimu nebanulambule milambu, nebanukuatshile mudimu.

Dielulula 20:11 교차 참조

1 Bakalenga 5:1

Bualu mukalenga Shelomu uvua ukokesha makalenga makese onsu, biangatshile ku musulu munene wa Perate ne ku ditunga dia bena Peleshete, too ne ku mukalu wa ditunga dia bena Ejipitu mene. Bakalenga bonsu bavua mu matunga aa bavua amu ku bumfumu bua mukalenga Shelomu. Bavua bamulambula milambu, bamuenzela mudimu matuku onsu avuaye ne muoyi.

2 Bakalenga 6:22

Muambi Elisha kuandamuna ne: — Nansha, kuena mua kubashipa to. Bantu badi bantu bebe bakuata mu mvita, utu ubashipesha anyi? Nanku bantu aba, ubapeshe biakudia ne bia kunua. Pashishe, ubalekele, bapingane kudi mukalenga wabu.

Misambu 120:7

Pandi ngakula bua bupole, bobu badi bakeba mvita.

Luke 19:14

Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”

Dielulula 20:10

Bua kuluisha tshimenga kampande, nudianjile kulomba bena tshimenga atshi bua kubuelamu tshianana, kakuyi mvita to.

Dielulula 20:12

Kadi pikalabu basue mvita, babenge bua nuenu kubuela mu tshimenga tshiabu, nuele tshimenga munkatshi ne tshiluilu.

Yoshua 16:10

Bena Efrayime kabavua bipata bena Kenaane bavua mu Ngezere to. Bobu aba batshidi basomba too ne lelu munkatshi mua bena Efrayime. Kadi bena Efrayime bavua benzeja bena Kenaane aba midimu mishilangane.

Yoshua 9:27

kupesha bena Ngibone mudimu wa kukosa nkunyi, kusunyina bena Izrayele mayi, ne kusuna mayi bua tshilambuilu tshia Maweja-Nangila, muaba wikale Maweja-Nangila usungula. Nanku ndelanganyi ya bena Ngibone itshidi ikuata midimu eyi too ne ku lelu.

Yoshua 9:8

Bena Ngibone kujadikila Yoshuwa ne: — Tudi bamane kudilongolola bua kuikala nansha bapika bebe. Kadi Yoshuwa kubebeja ne: — Nuenu nudi banganyi? Nudi mifuma penyi?

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.

Balombodi 1:28

Nansha diba divua bena Izrayele bamane kupeta buloba bua bungi, kupangilabu mua kuipata bena mu bimenga ebi. Kadi bena Izrayele bavua babenzeja midimu mishilangane.