Dielulula 2:9 - MUKANDA WA MYIDI MUKULU

⁹ Maweja-Nangila kunkandika ne: “Kanubundi bena Mowabe, kanuluanganyi nabu to. Tshiakunupesha kantu nansha kamue ka mu ditunga edi to. Bualu ditunga edi dia Are, ndi mumane kudipesha ndelanganyi ya Lote.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wakangambila ne, Kanutatshishi Bena Moaba, kanuluanganyi nʼabo nvita; bualu bua tshiena munuhe buloba buabo bu buhianyi buenu; bualu bua nakamana kuha bana ba Lota buloba bua Ala bu buhianyi buabo.

Dielulula 2:9 교차 참조

2 Kulondolola 20:10

Nanku mpindiewu, tangila bena Amone, bena Mowabe, ne bena Edome, badi batuluisha. Pavua bankambua betu bapatuke mu Ejipitu, uvua mubakandike bua kabafiki mu buloba bua bantu aba to. Bankambua betu bayile njila mukuabu. Kabavua bababutula to.

Misambu 83:8

bena Amone ne bena Amaleke, bena Peleshete ne kabidi bena ditunga dia Tire.

Yeshaya 15:1

Badi bamanyisha malu adi atangila bena “Mowabe.” Butuku bumue badi babutula tshimenga tshia Are tshidi mu ditunga dia Mowabe. Bantu badi bapuwa, bibatonda. Butuku bumue badi babutula tshimenga tshia Kire, tshidi mu ditunga dia Mowabe, bantu bapuwa bibatonda.

Dibadika 21:15

ne misapa yende, udi luseke lua Are, uleja mikalu ya ditunga dia bena Mowabe…”

Dibadika 21:28

Tshimenga tshia Eshebone ntshikuate kapia. Ndimi ya kapia mmibande mu tshimenga tshia Sihone. Kapia kabutulu Are mu ditunga dia Mowabe, kabutulu bakalenga bavua ku mikuna ya ku musulu wa Amone.

Dibadika 22:4

Ke bena Mowabe kuambila bakulu ba bena Madiyane ne: — Bantu aba bungi nenku badi mua kutuvinga, bu mudi ngombe idia bisosa bionsu.

Dielulula 2:29

Ndelanganyi ya Esawu, idi misombe mu mikuna ya Seyire, ne bena Mowabe, badi basombe mu Are, mbamane kuitaba bua tupitshile muabu. Pashishe netusabuke musulu wa Yardene, bua tufike mu ditunga, didibu batupe kudi Maweja-Nangila Mvidi Mukulu wetu.”

Dielulula 2:5

Kanubabundi to. Tshiakunupesha kantu ka mu ditunga diabu to, nansha katupa ka buloba kakese. Bualu ndi mumane kupesha ndelanganyi ya Esawu mikuna ya Seyire.

Balombodi 11:15

bua bamuambile ne: — Bena Izrayele kabena bakuata buloba bua bena Mowabe, nansha bua bena Amone to.

Balombodi 11:17

Pavua bena Izrayele mu Kadeshe amu, kutumabu bantu kudi mukalenga wa bena Edome, bua kumulomba dianyisha dia kupitshila mu buloba buende. Kadi mukalenga awu kubenga. Bena Izrayele kulomba anu mushindu umue kudi mukalenga wa bena Mowabe. Awu kubenga kabidi. Nanku bena Izrayele kushala anu mu Kadeshe.

Balombodi 11:18

Pashishe kutuadijabu luendu mu tshipela. Kunyungulukabu buloba bua bena Edome, ne bua bena Mowabe. Kufikabu ku buloba budi luseke ludi diba dipatukila lua buloba bua Mowabe. Kuasabu mitanda yabu dishiya dia musulu wa Amone. Kabena babuela mu buloba bua bena Mowabe to, bualu musulu wa Amone ke udi mukalu. Nanku kabena bausabuka to.