Dielulula 2:5 - MUKANDA WA MYIDI MUKULU

⁵ Kanubabundi to. Tshiakunupesha kantu ka mu ditunga diabu to, nansha katupa ka buloba kakese. Bualu ndi mumane kupesha ndelanganyi ya Esawu mikuna ya Seyire.

Mukanda wa Nzambi Dihungila Dikulukulu ne Dihungila Dihia-dihia 2003

⁵ kanutandanganyi nʼabo, bualu bua tshiena munuhe buloba buabo, nansha kaba ka bunene bua dikasa dia muntu; bualu bua nakamana kuha Esau mukuna wa Sei bu buhianyi buandi.

Dielulula 2:5 교차 참조

Genese 36:8

Ke muvua Esawu, udibu babikila kabidi ne: Edome, muye kuasa ku mukuna wa Seyire.

Genese 36:9

Ke mena a ndelanganyi ya Esawu, nkambua wa bena Edome, bavua base ku mukuna wa Seyire:

Yirmeya 27:5

Mvua muleje bukole buanyi ne meji anyi, pamvua mufuke buloba, bantu ne nyama bidi bisombamu. Tshindi mufuke, ndi ntshifila kudi muntu undi musue.

Yezekiyele 35:2

— Muntu, tangila ku buloba bua Edome budi ne mikuna, utandishe bantu badi basombamu.

Danyele 4:25

Malu onsu, avuabu bamane kuambila mukalenga Nebukadnesare, kukumbanawu.

Danyele 4:32

Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Bienzedi 7:5

Mu ditunga edi Mvidi Mukulu kavua mupeshe Abrahame buloba nansha bukese, nansha muaba bunene bua dikasa to. Kadi Mvidi Mukulu kumulaya amu bua kumupa ditunga. Ndelanganyi yende ivua mua kudipiana, yeye mumane kufila. Kadi tshikondu atshi Abrahame kavua muanji kulela.

Dielulula 2:22

Ke muvua Maweja-Nangila muenzele kabidi ndelanganyi ya Esawu, ivua misombe mu Seyire nanku. Uvua mubutule bena Ori bonsu kumpala kuabu. Nanku ndelanganyi ya Esawu kukuata ditunga adi, kuasamu. Batshidimu too ne ku lelu.

Dielulula 2:6

Nanku biakudia bionsu, too ne mayi a kunua, nuikale anu misumba.”

Dielulula 32:8

Mvidi Mukulu wa bukole buonsu, mmuabanyine bantu matunga. Udi mushindike mikalu ya bisamba, muteke tshisamba tshionsu ku bumfumu bua muena mu diulu.

Yoshua 24:4

Izake pende, meme kumupa Yakobe ne Esawu. Meme kupesha Esawu mikuna ya Seyire, bua asombeku. Kadi Yakobe ne bana bende, kuyabu mu Ejipitu.