Dielulula 2:4 - MUKANDA WA MYIDI MUKULU

⁴ Maweja-Nangila kuntuma bua kunumanyisha ne: “Nupitshile ku mikuna ya Seyire, muaba udibu basombe kudi bana benu, ndelanganyi ya Esawu. Nebanutshine. Kadi nuikale badimuke.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wambile bantu aba ne, Nenuhite mu buloba bua bana benu, bana ba Esau, badi bashikama mu Sei; bobo nebanutshine, nudimuke bienu;

Dielulula 2:4 교차 참조

Genese 25:23

Maweja-Nangila kumuandamuna ne: Bisamba bia bantu bibidi bidi munda muebe, neulele bisamba bibidi bishilangane. Kadi tshisamba tshimue netshipite tshikuabu ku bukole. Muanabute neikale mupika wa muakunyende.

Genese 36:8

Ke muvua Esawu, udibu babikila kabidi ne: Edome, muye kuasa ku mukuna wa Seyire.

Ekesode 15:15

Bamfumu ba bena Edome kutshina! Bilobu bia bena Mowabe kuzakala! Bena Kenaane kupanga tshia kuenza.

Ekesode 15:16

Bowa ne dipampakana kubakuata bonsu. Baluishi kumona bukole buebe. Kuimanabu bu mabue, kabayi banyunga. Bantu baudi musungule, mubenze bebe, kupita talalaa, kamuyi bualu.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Efeze 5:15

Kanuenji malu bu bantu batatakane. Nuikale bantu ba meji.

Dielulula 2:3

“Pitshilayi luseke lua ku mutu wa ditunga, bualu nudi bashale mu mikuna eyi matuku mapite bungi.”

Dielulula 23:7

Nanku kanuena mua kumvuangana ne bena Amone ne bena Mowabe kashidi tshiendelele. Kanuena mua kubakebela diakalenga too ne kashidi.

Filipe 2:15

Ke munudi mua kuikala bantu bimpe, ba munda mutoke. Nenusombe panu munkatshi mua bantu babi, bapambuke, bu bana ba Mvidi Mukulu, badibu kabayi mua kudiwula. Nudi ne bua kukenka munkatshi muabu bu mitotu ya mu diulu,

Kolose 4:5

Badi kabayi bena ditaba, sombayi nabu bimpe. Kanujimiji diba patupu.