Dielulula 2:36 - MUKANDA WA MYIDI MUKULU

³⁶ Maweja-Nangila Mvidi Mukulu wetu, uvua mutuambuluishe bua kukuata bimenga bionsu bivua pankatshi pa tshimenga tshia Aroyere, tshidi pabuipi ne musulu wa Amone, ne tshimenga tshikuabu tshidi mu tshibandabanda tshine atshi, too ne ku ditunga dia Ngilaade. Tshimenga nansha tshimue tshia mu bimenga ebi, katshivua ne bukole bua kutuluisha.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Ku Aloê udi ku muelelu wa tshibanda tshia Ânona ne ku musoko mukuabo udi mu tshibanda tô ne ku Gilada, katuakasangana musoko umue wakatuhita bukole bua kûnyenga; Yehowa, Nzambi wetu, wakafua misoko yonso mu tshianza tshietu;

Dielulula 2:36 교차 참조

2 Samuele 24:5

Basabuka Yardene, kutuadijabu ne tshimenga tshia Aroyere, ne tshimenga tshivua muinshi mu tshibandabanda. Kutungunukabu bapitshila mu bena Ngade bua kuya ku Yazere.

2 Bakalenga 10:33

Kunyengabu bena Izrayele buloba buonsu buvua luseke ludi diba dipatukila lua Yardene, ne buvua ku mutu kua tshimenga tshia Aroyere, ku muelelu wa musulu wa Amone. Ke ditunga dia Ngilaade ne dia Bashane, muaba uvuabu basombe kudi bena Rubene, bena Ngade ne bena Menashe.

Misambu 44:3

Uvua mumuangeshe bantu ba bisamba bikuabu, bua kupa bantu bebe muaba wa kuasa. Uvua mukengeshe bisamba abi, bua bantu bebe bavulangane, basombe bimpe.

Ekesode 23:31

Nanku, ditunga dienu nedikale dialabale, dituadijile ku Mayi manene makunze too ne ku mayi a bena Peleshete. Nedikale dituadijile kabidi ku tshipela tshia Sinayi too ne ku musulu wa Perate. Meme nennupeshe bukole bua kuipata bena matunga onsu aa.

Yeshaya 17:2

Bena bimenga bidi bena Damase batangila nebanyeme. Nyama neipite mu bimenga ebi, kakuyi udi uyitshinyisha, nansha uyipata.

Yirmeya 48:19

Nuenu badi basombe mu Aroyere, nuimane ku muelelu wa njila nutentekele. Nukonke bantu badi banyema, badi bapanduka mu mvita ne: mvita mmipite munyi?

Dibadika 32:34

Ndelanganyi ya Ngade kuasulula bimenga abi: Dibone, Atarote, Aroyere,

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Dielulula 3:12

Ke mutuvua bakuate ditunga didi ku mutu kua tshimenga tshia Aroyere, tshidi pabuipi ne musulu wa Amone. Meme Moshe, mvua mupeshe ndelanganyi ya Rubene ne ya Ngade tshitupa tshia ditunga dia mikuna dia Ngilaade, ne bimenga bionsu bivuamu.

Dielulula 4:48

Ke bena Izrayele kuya kuasa ku ditunga dijima adi, kutuadijila ku tshimenga tshia Aroyere, tshidi ku muelelu wa musulu wa Amone, too ne ku mukuna wa Ermone, udibu babikila kabidi ne: Siyone,

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Yoshua 12:2

Mukalenga wa kumpala uvua Sihone, muena Amore, uvua musombele mu tshimenga tshia Eshebone. Uvua ulombola bantu bavua basomba mu tshitupa tshia tshibandabanda tshia musulu wa Amone, biangatshile ku Aroyere, ulombola kabidi bavua basombe mu tshitupa tshia Ngilaade too ne ku musulu wa Yaboke, udi wenza mukalu wa ditunga dia bena Amone.

Yoshua 13:16

kuinshi mu ditunga kuvua tshimenga tshia Aroyere tshidi ku muelelu wa musulu wa Amone, ne tshimenga tshivua mu tshibandabanda tshia musulu awu. Mu buloba abu muvua mikuna ya pabuipi ne Medeba.

Yoshua 13:9

Mikalu ya maloba awu ivua nunku: kuinshi kua ditunga kuvua tshimenga tshia Aroyere tshivua ku musulu wa Amone, ne tshimenga tshidibu base munkatshi mua tshibandabanda tshia musulu awu. Muvua kabidi mikuna ya ku Medeba too ne ku Dibone,

Yoshua 21:44

Maweja-Nangila kubapesha ditalala ku mikalu yabu yonsu, bu muvuaye mumane kulaya bankambua babu. Bobu kutshimuna baluishi babu bonsu ku bukole bua Maweja-Nangila. Kakuvua muntu nansha umue uvua mua kupita bena Izrayele ku bukole to.

Balombodi 11:22

biangatshile ku tshibandabanda tshia musulu wa Amone too ne ku musulu wa Yaboke, biangatshile kabidi ku tshipela tshidi luseke ludi diba dipatukila lua ditunga too ne ku Yardene.

Balombodi 11:26

Bidimu nkama isatu, bena Izrayele bavua anu base mu bimenga bia Eshebone ne Aroyere, kabidi mu misoku ivua nabi mutumba, ne mu bimenga bionsu bivua ku muelelu wa musulu wa Amone. Bidimu bionsu ebi, kuvua mubanyenge buloba ebu bua tshinyi?