Dielulula 2:23 - MUKANDA WA MYIDI MUKULU

²³ Kadi bena Avi, bavua basombe mu misoku ya mu ditunga dia Ngaza, bavua bababutula kudi baluishi bafumine ku Kaftore. Baluishi aba kuasa mu ditunga adi.)

Mukanda wa Nzambi Dihungila Dikulukulu ne Dihungila Dihia-dihia 2003

²³ Bena Awa bakadi bashikama mu misoko tô ne ku Gaza ne Bena Kafetô bakafuma ku Kafetô, bakabashiha, bakashikama mu muaba wabo.)

Dielulula 2:23 교차 참조

Genese 10:14

bena Patrose, bena Kaslu ne bena Kaftore. Bobu ke bankambua ba bena Peleshete.

Genese 10:19

Mukalu wa bena Kenaane uvua mutuadije ku Sidone too ne ku Ngerare pa buipi ne Ngaza. Mmutuadije kabidi ku Sodome ne Ngomore, too ne ku Adma ne Seboyime pabuipi ne Lesha.

2 Bakalenga 18:8

Kabidi Izkiya kutshimuna bena Peleshete. Kubalondakajilaye too ne mu buloba bua Ngaza. Kukuataye bimenga bivua bibaka ne bimana bikole, kukuata kabidi ne misoku mikese ivua ne batentekedi.

1 Kulondolola 1:12

bena Patrose, bena Kaslu kabidi ne bena Kaftore, ke kudi bisamba bia bena Peleshete bifumine.

Yirmeya 25:20

ne bantu ba mu bisamba bishilangane badi basombe mu Ejipitu; — ke bakalenga ba ditunga dia Uze; — ke bakalenga ba bena Peleshete: bakalenga ba mu Askalone, ba mu Ngaza, ba mu Ekrone ne bena Ashidode bavua bashale ne muoyi;

Yirmeya 47:4

Ke dituku didibu ne bua kubutula bena Peleshete bonsu, nanku muntu nansha umue kakushala bua kuambuluisha bena Tire ne bena Sidone. Maweja-Nangila udi ubutula ditunga dijima dia bena Peleshete, ndelanganyi ya bantu aba bavua bafume ku tshidila tshia Kaftore.

Amosa 9:7

Maweja-Nangila udi wamba ne: “Bena Izrayele, nudi nuela meji ne: mushinga wenu ku mesu anyi, udi upita wa bena Kushe anyi? Nudi nuamba bimpe ne: ndi munupatule mu Ejipitu! Kadi bena Peleshete tshiena mubapatule mu Kaftore, ne bena Arame mu Kire anyi?”

Sefanya 2:4

Ngaza neashale dikolu. Askalone neabutuke. Badi basomba mu Asdode, nebabipate munda munya. Nebumushe bena Ekrone mu tshimenga tshiabu.

Zekâya 9:5

Pamona tshimenga tshia Askalone bidi bienzeka ebi, netshikuatshike bowa; tshimenga tshia Ngaza netshizakale; tshimenga tshia Ekrone netshipampakane, bualu katshiena mua kutekemena kabidi badi mua kutshiambuluisha. Mu tshimenga tshia Ngaza, kamuakuikala mukalenga kabidi. Bena mu tshimenga tshia Askalone nebaye nabu mu bupika.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Yoshua 10:41

Yoshuwa kukuata ditunga biangatshile ku Kadeshe-Barneya ne ku Ngaza kuinshi mu ditunga, too ne ku ditunga dia Ngoshene ne tshimenga tshia Ngibone ku mutu.

Yoshua 11:22

Mu ditunga dia bena Izrayele, kamuvua mushale muena Anake nansha umue to. Bavua bashadile anu mu tshimenga tshia Ngaza, tshia Ngate ne tshia Asdode.

Yoshua 13:3

mmumue ne: ditunga didibu batangila bu dia bena Kenaane, biangatshile ku musulu wa Shikore, ku mikalu ne Ejipitu, too ne ku ditunga dia Ekrone ku mutu wa ditunga. Ke mudi bakalenga batanu ba bena Peleshete. Bimenga biabu binene bia bukalenga: ke Ngaza, Asdode, Askalone, Ngate ne Ekrone. Mudi kabidi ditunga dia bena Avi,

Yoshua 15:47

Kuvua kabidi tshimenga tshia Asdode ne tshia Ngaza, ne miaba ne misoku ivua pabuipi ne bimenga abi, bifika too ne ku musulu wa Ejipitu, ne ku muelelu wa Mayi manene a pankatshi pa matunga.

Balombodi 1:18

Bena Yuda kukuata kabidi bimenga ebi: Ngaza, Askalone, Ebrone, ne misoku ivua nabi pabuipi.