Dielulula 2:15 - MUKANDA WA MYIDI MUKULU

¹⁵ Nanku anu Maweja-Nangila nkayende kubanyoka, kubabutula bonsu nkong.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Tshianza tshia Yehowa tshiakadi kudibo, bua kubashiha munkatshi mua tshitudilu, tô ne hakafuabo buonso buabo.

Dielulula 2:15 교차 참조

Misambu 106:26

Nenku, kuelaye tshianza mulu, kuditshipa, bua kubashipaye mu tshipela,

Misambu 32:4

Bualu dituku dijima, tshianza tshiebe wewe, Maweja-Nangila, tshivua tshinkengesha, tshindamina panshi. Bu mudi mutshi wa matuku a minanga, tshitshivua ne bukole.

Misambu 78:33

Nenku kubajimijaye diakamue, kubashipa bonsu musangu umue.

Yeshaya 66:14

Bushuwa, nenumone bionsu abi. Diba adi nenusanke. Bukole nebupingane mu mifuba yenu, mudi bisosa bipeta muoyi mu mvula mbedi.” Maweja-Nangila nealeje bantu bende mudiye ne bukole. Kadi nealeje baluishi bende tshiji tshidiye natshi.

Dibadika 14:28

Kadi ndayi, nubambile ne: “Meme Maweja-Nangila, ndi ne muoyi. Nennunyoke bilondeshile bijanu bienu abi.

1 Korente 10:5

Kadi nansha bobu benze nanku, bavule ba kudibu kabavua balengelela Mvidi Mukulu. Ke muvuabu bafuile mu tshipela.

Yuda 1:5

Nansha nuenu bamanye bimpe bualu abu, ndi musue kunuvuluija muvua Maweja-Nangila musangu umue mupikule bena Izrayele mu ditunga dia Ejipitu. Kadi kunyima kua matuku uvua mubutule bavua babenga kumuitaba.

Balombodi 2:15

Misangu yonsu ivua bena Izrayele baya mu mvita, Maweja-Nangila kubapangisha bukole, bu muvuaye mumane kuamba, kabidi muditshipe. Bena Izrayele, dikenga kubapita bunene.

1 Samuele 5:11

Pashishe, bobu kabidi kubikidisha bamfumu ba bena Peleshete, kubambila ne: — Pingajayi mushete wa Mvidi Mukulu wa bena Izrayele anu mu ditunga diawu, tshianana nebibutuke bonsu. Bantu kupapukabu bikole mu tshimenga atshi. Bualu Maweja-Nangila uvua mubaleje kabidi bukole buende.

1 Samuele 5:6

Maweja-Nangila kukengesha bena mu tshimenga tshia Asdode bikole bipite, bua kubaleja bukole buende. Bobu ne bena mutumba babu, kubakuatshishaye bowa, kubatua disama dia mulaka.

1 Samuele 5:9

Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.

1 Samuele 7:13

Bena Peleshete bavua ne bundu, buamushindu uvuabu babatshimuna awu. Maweja-Nangila kubaleja bukole buende matuku onsu avua Samuwele ne muoyi. Nanku bena Peleshete kabena babuela kabidi mu buloba bua bena Izrayele to.