Dielulula 19:6 - MUKANDA WA MYIDI MUKULU

⁶ Musombuedi, bu mudiye ne tshiji, udi mua kulondakaja mushipianganyi. Padi njila mupite bule, musombuedi udi mua kupeta mushipianganyi, kumushipa. Kadi ki mbimpe kushipa mushipianganyi uvua mushipe muntu amu mu mpukapuka, kayi nende ne lukinu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Musombuedi kalondi mushihianganyi eu hadiye ne tshiji tshikole, kamuhetshi, bualu bua nshila udi utamba bule, kamushihi diambedi kabayi banze kumuhisha, bualu bua yeye kakadi nʼandi tshiji diambedi.

Dielulula 19:6 교차 참조

2 Samuele 14:7

Pashishe bena diku bonsu mbansangidile, bangamba ne: “Tupeshe mushipianganyi. Tumushipe bua kusombuela muanabu udiye mushipe. — Nanku nembutule kabidi mupianyi wa bintu udi mushale ne muoyi”. Bena diku mbasue kuenza nanku bua kushipa muana ewu wa ndekelu umvua mushala mutekemena. Kabidi mbasue bua dina dia bayanyi dijimine pa buloba.

Dibadika 35:12

Mushipianganyi neanyemene mu tshimenga atshi, bua kabamusombuedi, too ne pamulumbuluishabu kudi bena Izrayele.

Dielulula 19:5

Tuangate tshilejilu tshia bantu babidi badi baya muitu bua kupula mutshi. Padi mukuabu ukosa mutshi, tshisuyi tshidi mua kukuka, kushipa uvuabu nende. Nanku muntu uvua mushipangane mu mpukapuka awu, udi mua kunyemena mu tshimue tshia ku bimenga ebi bisatu bua kudipandisha.

Dielulula 19:7

Ke pandi nnuambila bua nusungule bimenga bisatu bia kunyemena.

Dielulula 21:22

Pikala muntu muenze bualu bubi, nuenu bamufundile tshibawu tshia lufu, bashipe muntu awu, balembeleje tshitalu tshiende ku mutshi,

Yoshua 20:5

Padi musombuedianganyi ulondakaja uvua mushipangane awu, too ne mu tshimenga tshia kunyemena, bena mu tshimenga kabena mua kufila muntu awu kudi musombuedi to. Bualu uvua mushipangane awu uvua mushipe muntu mu mpukapuka; kabivua bua lukinu to.