Dielulula 18:10 - MUKANDA WA MYIDI MUKULU

¹⁰ Muntu nansha umue wa kunudi, kena mua kuosha muanende wa balume nansha wa bakaji bua kumulambula. Kabidi muntu kena mua kuenza majimbu, kutempa, nansha kulowa bantu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Muntu kikadi munkatshi muenu udi utambisha muanʼandi mulume anyi muanʼandi mukashi mu kahia, nansha mutempi wa mbuku, nansha muena dijimbu nansha muena bilengulengu, nansha muena buloshi,

Dielulula 18:10 교차 참조

Genese 44:5

Bua tshinyi nudi bibe dikopu dia mfumuanyi didiye unuina, ujanduila kabidi ne malu atshi wavua. Nudi benze bibi!”

2 Bakalenga 16:3

Uvua mulonde amu buenzayi bua bakalenga ba Izrayele. Akaze kufika ne ku dilambula muanende wa balume bu mulambu wa kuosha, bilondeshile bilele bibi bia bisamba bivua Maweja-Nangila muipate bua kushilabi bena Izrayele ditunga.

2 Bakalenga 17:15

Bavua babenga mikenji ya Mvidi Mukulu, babenga kabidi ne ndondu uvuaye mutue ne bankambua babu, ne mibelu iwaye mubamanyishe. Bavua balamate anu mvidie ya tshianana, batua eku ne eku, bidikija muvuabu benza kudi bisamba bivuabu nabi mutumba, bivua Maweja-Nangila mubakandike bua kababidikiji to.

2 Bakalenga 17:17

Bavua balambula bana babu ba balume ne ba bakaji bu mulambu wa kuosha. Bavua benza majimbu a mishindu yonsu. Nanku, bavua bafikisha Maweja-Nangila munda bualu bavua benza malu adiye mubenge.

2 Bakalenga 21:6

Kufikaye ne ku dilambula muanende wa balume bu mulambu wa kuosha. Kuenzaye majimbu a mishindu mishilangane, kubukaye lubuku lua muzangu. Nanku, Menashe uvua wenza anu malu adi Maweja-Nangila mubenge, umufikisha munda.

2 Bakalenga 23:24

Yoshiya kuipata bantu bonsu bavua bakonka bakishi malu ba mu Yerushalayime ne mu ditunga dia Yuda, bua kukumbaja malu, adibu bafunde mu mukanda wa mikenji, uvua Ilkiya, mutuangaji munene, muangule mu nzubu wa Mvidi Mukulu. Kunyangakajaye mpingu ne bintu bikuabu bionsu bivua bantu ba mu bisamba bikuabu batendelela.

1 Kulondolola 10:13

Shawule uvua mufue bualu uvua mutombokele Maweja-Nangila. Uvua mubenge diyi diende. Uvua muye kutempa, bua mikishi imuambile malu avuaye uyikonka,

2 Kulondolola 28:3

Uvua ulambula milambu ya manananshi mu tshibandabanda tshia Inome. Uvua mulambule bana bende ba balume bu mulambu, bilondeshile bilele bibi bia bisamba bivua Maweja-Nangila muipate bua kushila bena Izrayele ditunga.

2 Kulondolola 33:6

Uvua mulambule ne bana bende ba balume bu mulambu mu tshibandabanda tshia Inome. Uvua wenza majimbu a mishindu mishilangane, ubuka lubuku lua muzangu. Nanku, Menashe uvua wenza amu kuenza malu adi Maweja-Nangila mubenge, umufikisha munda.

Ekesode 22:17

“Mukaji muena mupongu, numushipe.

Ekesode 22:18

“Muntu yonsu udi ulala ne nyama, numushipe.

Yeshaya 47:13

Udi upungila patupu, kuyi upeta tshintu, ukonka badi bamanye malu a mitotu. Bantu aba badi bakosolola diulu mu bitupa, bajoja mabulunge, bamanyisha ku ngondu ku ngondu bidi mua kukukuata, bamueneke, badileje tumone, bavue kukusungidila!

Yirmeya 27:10

Badi banudinga. Nuenu babateleje, nebaye nenu muaba mule. Nennuipate mu buloba buenu, nennubutule.

Yirmeya 27:9

Nanku, nuenu kanuteleji bambi benu to. Kanuteleji batshidi banuambila malu adi kumpala, banudinga ne: ke atuvua bamone mu ndota, mu mbuku, ne mu majimbu. Bualu bonsu badi banuambila ne: Kanuitabi ku diyi dia mukalenga wa Babilone.

Yirmeya 32:35

Bavua bateka mu tshibanda tshia Inome miaba ya kutendelela mvidie Baale, bua kulambulamu mvidie Moleke bana ba balume ne ba bakaji. Meme tshivua mubalombe bua benza nanku to. Tshivua nansha muele meji ku bualu bua nanku to. Kadi pa kuenza malu mabi aa, bavua basaka bena Yuda bua benze pabu malu andi mubenge.

Yirmeya 7:31

Mu tshibandabanda tshia Inome, mbalongolole muaba wa kulambuila milambu, udibu binyika ne: Tofete, bua kuoshamu bana babu ba balume ne ba bakaji bu milambu. Meme Maweja-Nangila tshivua mubambile bua kuenza bualu ebu to. Tshivua nansha muele meji ku bualu bua nanku to.

Lewitiki 19:26

“Kanudidi munyinyi wa nyama pa muaba muine unuvua bamushipe, bamupatuile mashi to. Kanuenji majimbu, kanubuki to.

Lewitiki 19:31

“Kanubuelakanyi ne bantu badi babuka bua kumvua tshidi bakishi bamba. Nuenu benze nanku, nenupie mikiya. Bualu meme ndi Maweja-Nangila Mvidi Mukulu wenu.

Lewitiki 20:6

“Padi muntu ubukisha lubuku lua mishindu yonsu, bua kumvua mudi bakishi bamba, udi mufuanangane ne muntu udi utendelela mvidie. Nanku nemmunyoke, mmuipate munkatshi mua bena Izrayele.

Mika 5:12

Nengupule mvidie yenu panshi, ne bibumba bia mabue binudi bibake. Kanuakutendelela kabidi bintu binudi badienzela nkayenu.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Bienzedi 19:19

Bantu bavule bavua benza malu a majimbu, kufika ne mikanda yabu, kuyosha, bantu bonsu bamone. Bavua batshinka mushinga wa mikanda ayi, bapeta nkanu ya tshiamu tshitoke tshia mushinga mukole binunu makumi atanu.

Bienzedi 8:9

Mu tshimenga amu muvua muntu, dina diende Simone. Ukavua musombemu bidimu bivule. Uvua muena dialu, ukemesha bena Samariya. Uvua udiamba ne: ndi muntu muneme.

Ngalate 5:20

ku ditendelela dia mvidie, ne ku majimbu; ku lukinu, matandu, lubabu, tshiiji, difuilakana mianzu, diabulukangana, ditapulukangana;

Dielulula 12:31

Nanku panudi nutendelela Maweja-Nangila Mvidi Mukulu wenu, kanuenji muvua bena ditunga benza to. Bualu mu ditendelela diabu, bavua benza bivua Maweja-Nangila mubenge. Bavua balambula mvidie yabu too ne bana babu ba balume ne ba bakaji!

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.

1 Samuele 28:3

Samuwele mumane kufua, kumujikabu mu tshimenga tshiabu tshia Rama. Bena Izrayele bonsu kumuenzela madilu. Kadi Shawule mu bukalenga buende uvua mumane kukandika bilelu bia kubuka, ne bia kukonka bakishi malu.

1 Samuele 28:7

Ke Shawule kutumina balombodi ba bena mvita bende diyi ne: — Nunkebele mukaji udi mumanye mua kukonka bakishi malu, bua meme kuya kubuka kudiye. Kumuandamunabu ne: — Mukaji muena lubuku udi ku Endore.

1 Samuele 28:8

Shawule kuvualaye bilamba bia patupu bua kabamumanyi to. Kuyaye ku Endore ne bantu babidi. Kufikaye ku nzubu kua mukaji awu butuku, umuambila ne: — Ndi musue, ukonkeku mukishi bualu buanyi. Umbikidileku mukishi undi nkuambila.

1 Samuele 28:9

Mukaji muena lubuku kuandamuna ne: — Udi mumanye bimpe ne: bantu bonsu bavua babuka, bakonka bakishi malu, mukalenga Shawule mmumane kubabutula mu ditunga diende. Wewe udi mufike kundi ne budimu bua kunshipesha anyi?