Dielulula 17:2 - MUKANDA WA MYIDI MUKULU

² Misangu mikuabu, mu tshimue tshia ku bimenga tshidi Maweja-Nangila Mvidi Mukulu wenu mua kunupa bua nuenu kusomba, muntu mulume nansha mukaji udi mua kuenza bibi, kunyangakaja ndondu.

Mukanda wa Nzambi Dihungila Dikulukulu ne Dihungila Dihia-dihia 2003

² Binuasangana muntu mu misoko idi Yehowa, Nzambi wenu, unuha, nansha mulume nansha mukashi udi wenza bualu bubi ku mesu kua Yehowa, Nzambi wenu, udi ushiha tshihungidi tshia Yehowa,

Dielulula 17:2 교차 참조

2 Bakalenga 18:12

Bionsu ebi, biakuenzeka bualu bena Izrayele kabavua batumikila diyi dia Maweja-Nangila Mvidi Mukulu wabu to. Kabidi bavua bashipe ndondu wende. Bavua babenga kuteleja mikenji yende, ne kukumbaja bionsu bivua Moshe, muntu wa Maweja-Nangila, mubambile.

2 Bakalenga 21:3

Kulongololaye ne miaba ya kutendelela mvidie ivuabu banyangakaje kudi tatuende Izkiya. Kuibakaye mvidie Baale bilambuilu. Kuenzaye dikunji dia kutendelela, bu muvuabu benza kale kudi Akabe, mukalenga wa bena Izrayele. Kabidi kutendelelaye bintu bia mu tshibuashibuashi.

Yobe 31:28

Bu meme muenze nanku, bandumbulula bavua mua kunnyoka, bualu diba adi mvua muyile Mvidi Mukulu wa bukole buonsu.

Ekesode 22:19

“Muntu yonsu udi utendelela mvidie ya bisamba bikuabu, uyilambula milambu, kayi ulambula amu Maweja-Nangila, numushipe.

Ekesode 22:20

“Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Yirmeya 31:32

Kayakuikala bu ndondu imvua mutue ne bankambua babu, pa-mvua mubakuate ku tshianza bua kubapatula mu Ejipitu. Bualu ndondu ayi bavua bayinyanga! Eku meme mvua mfumu wabu.

Yirmeya 34:18

“Bamfumu ba bena Yuda ne ba mu Yerushalayime, balombodi ba bantu, batuangaji, ne bantu bonsu bavua kabayi bapika, bavua bumvuangana nanyi. Bavua bateke mu bitupa bibidi munyinyi wa muana wa nyama wa ngombe uvuabu basaye. Kupitshilabu munkatshi mua nseke yonsu ibidi ya nyama. Kadi bantu aba mbanyange ndondu. Kabena bakumbaje bivuabu balaye.

Yezekiyele 16:38

Nenkunyoke mudibu banyoka bakaji bena buendenda ne bashipianganyi. Nenkufundile tshibawu tshia lufu, bualu udi mujule tshiji tshianyi ne mukawu wanyi.

Osheya 6:7

Kadi, nuenu bena Izrayele, panuvua mu tshimenga tshia Adame, nuvua bambenge, banyangakaje ndondu utuvua batue nenu.

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Lewitiki 20:2

umanyishe bena Izrayele mikenji idi ilonda eyi ne: “Padi muena Izrayele, nansha muenyi udi munkatshi mua bena Izrayele, ulambula mvidie wa Moleke muanende, bena ditunga bamuase mabue, bamushipe.

Lewitiki 26:15

panudi nubenga kunemeka ndondu wanyi, nubenga mikenji yanyi ne meyi andi munutumine,

Lewitiki 26:25

Nennutumine bena mvita bua baluishe ditunga dienu. Nennunyoke bua ndondu wanyi unudi nunyanga. Nansha nuenu baye kusokoma mu bimenga, nennutumine disama dia kishi. Baluishi benu nebanutshimbakaje.

Dielulula 17:5

muena tshibawu awu, nansha yeye mulume nansha yeye mukaji, nuye nende ku tshibuelelu tshia tshimenga. Numuase mabue, numushipe.

Dielulula 29:18

Muntu yonsu wa kunudi udi ubenga bindi nnuambila ebi, wela meji ne: “Nansha meme muenze malu mabi, kakuena tshidi mua kungenze-kela,” wambila kabidi bantu bakuabu bua kutendelela mvidie,

Dielulula 29:25

Bena ditunga bavua batendelela mvidie ya bisamba bikuabu bivuabu kabayi bamanye, ivua Maweja-Nangila mubakandike, bua kabayenzedi mudimu.

Dielulula 31:20

Nanku meme nemfikishe bena Izrayele mu ditunga didi ne biakudia bia bungi, dimvua mulaye bankambua babu, bua badie batshionkomoka. Nebikalemu ne disanka. Kadi nebampeje, nebatendelele mvidie ya bantu benyi. Nebanyangakaje ndondu umvua mutue nabu.

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Ebrewu 10:28

Muntu yonsu udi ubenga kuitaba mikenji ya Moshe, pamanyabu ne: mmuenze bibi, badi bamushipa, kabayi bamufuila luse, bantu babidi nansha basatu bajadike bualu.

Yoshua 23:16

Nuenu banyange ndondu uvua Maweja-Nangila mutume diyi bua kunemeka, nuenu biname kumpala kua mvidie ya bantu benyi bua kuyitendelela, Maweja-Nangila neanufuile munda, anujimije lukasa mu ditunga edi dimpe, didiye mumane kunupa.

Yoshua 7:11

Bena Izrayele bavua benza bibi. Kabena bakumbaje bimvua mubambile. Mbangate bintu bimvua mubakandike bua kabangatshi. Mbibe bintu abi, babisokoke mu bintu biabu.

Yoshua 7:15

Nenku nendeje munkatshi mua bantu abu muntu udi muangate bintu bimvua mukandike bua kuangata. Neboshe muntu awu mu kapia, ne bionsu bidiye nabi. Bualu kuvua mukumbaje bimvua munuambile. Mmuenze bualu bubi munkatshi mua bena Izrayele budibu kabayi mua kuenza to.”

Balombodi 2:20

Maweja-Nangila kufikila bena Izrayele munda, kuamba ne: — Bantu ba mu tshisamba etshi, mbanyangakaje ndondu umvua muambile bankambua babu bua kumunemeka. Kabena bantumikila to.

Balombodi 6:31

Yowashe kukonka bantu bonsu bavua bakungila ne: — Tshienu ntshia kusungidila Baale anyi, ntshia kumuluila mvita anyi? Muntu yonsu udi musue kusungidila Baale, nebamushipe malaba dinda. Pikala Baale Mvidi Mukulu, neudisungidile nkayende, bualu tshilambuilu tshivuabu bupule ntshiende!