Dielulula 17:12 - MUKANDA WA MYIDI MUKULU

¹² Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹² Muntu udi ne tshitshu, udi uhidia kunvua dî dia muakuidi udi muimane ku mesu kua Yehowa, Nzambi wenu, bua kumukuatshia mudimu, anyi dî dia mulumbuluishi, nebashihe muntu eu: nunku nenumushe malu mabi munkatshi mua Bena Isalele.

Dielulula 17:12 교차 참조

Ezela 10:8

Padi matuku asatu apita, muntu yonsu udi kayi mufike, nebamunyenge bintu biende, bamuipata munkatshi mua bena Izrayele. Ke muvuabu bambe kudi bamfumu ne kudi bakulu bavua babambuluisha.

Misambu 19:13

Bantu bonsu badi batupakana. Umfuile luse bua bilema bindi muenze mu mpukapuka.

Nsumuinu 21:11

Padibu banyoka muena ditambisha mupote udi upeta meji. Kadi muntu wa meji udi ulonga malu ku bionsu bidibu bamulongesha.

Osheya 4:4

Dimukayi! Kabena ne bua kufunda amu bantu bakuabu ku tshilumbu, nansha kubatandisha. Kadi, nangananga wewe mutuangaji munene, ndi nebe tshilumbu. Meme Maweja-Nangila, ndi ngamba nanku.

Zekâya 3:7

Maweja-Nangila wa bukole buonsu udi ukulaya ne: “Wewe muitabe mikenji yanyi, mukumbaje bimvua mukufundile, nenkomekele bujitu bua kulama nzubu wanyi wa tshijila ne mbanza yende. Nanku nenkuteleje amu mundi nteleja batumibue badi bankuatshila mudimu muaba ewu.”

Dibadika 15:30

“Kadi muena Izrayele nansha muenyi, udi wenza bualu bubi ku bukole, udi upenda Maweja-Nangila. Nebamumushe munkatshi mua bena Izrayele.

Dibadika 15:31

Neikale muena tshibawu, bualu mmubenge miaku yanyi, munyangakaje mikenji yanyi.”

Matayi 10:14

Mu nzubu yonsu, nansha mu tshimenga, muikalabu babenga kunuakidila, nansha kunuteleja, nupatukemu. Kadi nututule lupuishi lua ku makasa enu.

Luke 10:16

Ke Yezu kuambila kabidi balongi bende ne: — Muntu udi unuteleja, udi unteleja meme. Muntu udi unubenga, udi umbenga meme. Kadi muntu udi umbenga, udi ubenga ne Tatu uvua muntume.

Yowanane 12:48

Muntu udi umbenga, kayi wanyisha miaku yanyi, udi ne mumuluishi: muaku undi mulongeshe neumupishe dituku dia nshikidilu.

Yowanane 20:23

Bantu banudi nujimijila mibi yabu, mibi yabu neyijimine; banudi nubenga kujimijila mibi yabu, kayena ijimina.

1 Korente 5:13

Mvidi Mukulu neabalumbuluishe. Kadi kanuena ne bua kulumbuluisha badi mu tshisumbu tshienu anyi? Nudi amu ne bua kulumbuluisha! Bualu Mukanda wa tshijila udi wamba ne: “Ipatayi muntu mubi munkatshi muenu.”

Dielulula 1:43

Meme kunuambila bionsu abi. Kadi nuenu kubenga, ditambisha kunuenza. Nuenu kutombokela Maweja-Nangila, kuya anu ku mikuna ayi.

Dielulula 10:8

Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.

Dielulula 13:11

Muena tshibawu awu, bamushipe anu ne mabue. Bualu uvua musue kumusha muntu mukuabu kudi Maweja-Nangila Mvidi Mukulu wenu, uvua munupatula ku bupika mu Ejipitu.

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Dielulula 17:13

Nanku bena Izrayele kabakuditambisha kabidi nanku to. Nebatshine, padibu bumvue bionsu bidi bienzeka ebi.

Dielulula 17:7

Bajadiki ba bualu abu ke badi badianjila kumuasa mabue. Pashishe bantu bakuabu nebabambuluishe bua kumushipa. Ke munudi ne bua kumusha bubi munkatshi muenu.

Dielulula 18:20

Kadi pikala muambi wakula ne dikamakama mu dina dianyi meme Maweja-Nangila, wamba malu andi tshiyi mumuambile, nansha pikalaye wamba malu mu dina dia mvidie mikuabu, muambi awu neafue.”

Dielulula 18:5

Bualu Maweja-Nangila Mvidi Mukulu mmusungule bena Levi kashidi munkatshi mua bisamba bikuabu bionsu, bua bamuenzele mudimu wa butuangaji.

Dielulula 18:7

neenzele Maweja-Nangila Mvidi Mukulu wende mudimu muaba awu, anu bu mudibu benza kudi bena Levi bakuabu badi benza mudimu mu nzubu wa Mvidi Mukulu.

1 Tesalonike 4:2

Bualu nudi bamanye bituvua banulongeshe mu dina dia Mfumu Yezu.

1 Tesalonike 4:8

Muntu udi ubenga mikenji eyi, kena ubenga muntu, kadi udi ubenga Mvidi Mukulu, udi unupa Mueyelu wende wa Tshijila.

1 Timote 5:20

Badi benza malu mabi, ubakanyine ku mesu a bantu, bua bakuabu kabidi batshine.

Yoshua 1:18

Muntu yonsu udi ukutombokela, ubenga mua kutumikila biudi wamba, nebamushipe. Kadi wewe kolesha muoyi. Kutekeshi mu maboku to!

Balombodi 20:13

Nanku mpindiewu, nutupe bena tshibawu abu, bena buenzayi ba bena Ngibeya abu. Netubashipe bua kujikija bubi ebu munkatshi mua tshisamba tshia bena Izrayele. Kadi bena Binyamine kabavua basue kuteleja bana babu bena Izrayele to.

1 Samuele 3:13

Meme Maweja-Nangila mvua mumane kuambila Eli ne: Nennyoke bena nzubu webe kashidi. Bualu bana bebe ba balume bavua benza bibi, kabayi bannemeka. Kadi, Eli uvua mumanye buenzayi bua bana bende, kayi ubabela to.