Dielulula 16:7 - MUKANDA WA MYIDI MUKULU

⁷ Nulambe munyinyi awu, nuudile muaba wikala Maweja-Nangila musungule. Mu dinda, nupingane ku nzubu yenu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nenuanyike milambu ha kahia, nenuyidie mu muaba udi Yehowa, Nzambi wenu, Usungula; nenualukile dinda, nuhingane mu ntenta yenu.

Dielulula 16:7 교차 참조

2 Bakalenga 23:23

Nanku, kuenzelebu Maweja-Nangila tshibilu atshi mu Yerushalayime diba adi, Yoshiya mumane kulala mu bukalenga bidimu dikumi ne muanda mukulu.

2 Kulondolola 35:13

Kuoshabu mukapia munyinyi wa muana wa mukoku wa tshibilu tshia Dipita dia Maweja-Nangila, bu mvua tshibidilu tshiabu. Kadi minyinyi mikuabu ya tshijila bavua bayilambila mu ngesu, mu bipanza ne mu bintu bikuabu bia kulambila. Pashishe, bavua bakadila bena Izrayele bonsu munyinyi awu lukasa.

Yowanane 11:55

Tshibilu tshia bena Yuda tshia Dipita dia Maweja-Nangila tshivua pabuipi. Bantu ba bungi ba mu ditunga bavua baya mu Yerushalayime, tshibilu etshi katshiyi tshianji kuenzeka, bua bumushe mikiya yabu.

Yowanane 2:13

Tshibilu tshia bena Yuda tshia Dipita dia Maweja-Nangila tshikasua pabuipi. Ke Yezu kuya ku Yerushalayime.

Yowanane 2:23

Patshivua Yezu ku Yerushalayime, mu tshibilu tshia Dipita dia Maweja-Nangila, bantu ba bungi basua bamuitabe, pasuabu bamone malu a dikema asuaye wenza.

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Dielulula 16:2

Nanku nyama ya mu bikumbi inudi mua kulambula mu tshibilu etshi nyoyi eyi: ngombe, mikoku ne mbuji. Kadi nuyilambule anu muaba wikalaye musungule bua nuenu kumonangana nende.

Dielulula 16:6

Kadi nudi mua kulambula milambu eyi, anu mu tshimenga tshikala Maweja-Nangila musungule bua nuenu kumonangana nende. Nuyilambule dilolu diba dimane kubuela, bualu ke diba dinuvua bapatuke mu Ejipitu.