Dielulula 16:18 - MUKANDA WA MYIDI MUKULU

¹⁸ Mu bimenga bionsu bikale Maweja-Nangila Mvidi Mukulu wenu munupe bua kusomba, nusungule balumbuluishi ne bulombodi, badi mua kulumbuluisha bantu bonsu ba mu bisamba bienu, kakuyi kansungansunga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nenudisunguluile balumbuluishi ne bafundi mu misoko yonso, idi Yehowa, Nzambi wenu, munuhe, ku tshisamba ne ku tshisamba; bobo nebalumbuluishe bantu bilumbu biabo ne dilumbuluisha didi diakane.

Dielulula 16:18 교차 참조

1 Kulondolola 23:4

Davide kusungula munkatshi muabu, bantu binunu makumi abidi ne binayi, bua bikale baludika midimu idibu benza ku nzubu wa Maweja-Nangila. Kusungulaye kabidi bantu binunu bisambombu bua bikale balongolola malu muaba awu, bakosa nsambu.

1 Kulondolola 26:29

Kenaniya ne bana bende, ba mu diku dia Ishare, bavua balombodi ba malu a mu ditunga dia bena Izrayele, bikale kabidi bandumbulula.

Ezela 7:25

“Kadi wewe Ezra, bilondeshile mikenji mimpe ya Mvidi Mukulu iudi nayi mu mukanda, usungule balumbuluishi ne balombodi, bua bikale bakosa nsambu ya bantu badi mu buloba ebu, kabidi badi bamanye mikenji ya Mvidi Mukulu webe. Badi kabayi bayimanye, neubalongesheyi.

Ekesode 18:21

Pashishe, usungule bantu ba nsongu badi batshina Mvidi Mukulu munkatshi mua bena Izrayele. Bantu badi bamba malu malelela, babenga mabuejila ubateke bakulu badi ku mutu kua bantu tshinunu, lukama, makumi atanu too ne kua bantu dikumi.

Ekesode 21:22

“Pikala bantu balume batandangane, mukuabu kusakila mukaji muikale ne difu, mukaji kutula difu adi, kayi mushale usama, uvua mumusakile neafute tshibawu tshionsu tshikala bayende wa mukaji mulombe kudi balumbuluishi.

Ekesode 21:6

nanku mfumuende nealombe Mvidi Mukulu bua ajadike bualu ebu. Nebimanyike muntu awu ku tshiibi nansha ku tshipanda tshia ku nzubu kuende. Nebamutubule ditshi muaba awu, bua ashale mupika too ne ku lulu luende.

Nsumuinu 31:23

Bayende udi mumanyike bikole mu tshimenga. Udi usomba mu bisangilu munkatshi mua bakulu ba mu tshimenga.

Matayi 5:21

— Nudi bamanye muvuabu bakandike bankambua betu ne: “Kanushipi muntu. Muntu yonsu udi ushipa mukuabu, nebaye nende kudi ndumbulula.”

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Dielulula 16:17

Muntu yonsu neafike ne mulambu, bilondeshile mudimu udiye wenza, ne mushindu wikala Maweja-Nangila Mvidi Mukulu wenu mumuambuluishe.

Dielulula 16:19

Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.

Dielulula 17:12

Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.

Dielulula 17:9

Nuebeje batuangaji ba bena Levi ne balumbuluishi, badi balumbuluisha dituku adi. Nebanuambile munudi mua kukosa tshilumbu atshi.

Dielulula 21:2

bakulu ne balumbuluishi nebapime mutantshi uvua muntu mufuile, ne ku bimenga bidi pabuipi,

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

1 Samuele 8:1

Samuwele mumane kukulakaja, kutekaye bana bende ba balume mu bumfumu, bua kulombolabu bena Izrayele.