Dielulula 16:16 - MUKANDA WA MYIDI MUKULU

¹⁶ Ku tshidimu tshionsu, bantu balume bonsu badi munkatshi muenu, nebadileje kudi Maweja-Nangila misangu isatu, muaba wikalaye musungule, bua tshibilu tshia mampa adi kaayi mela buanga, bua tshibilu tshia Dinowa biakudia, ne bua tshibilu tshia tuzubu tua Bisasa. Kadi muntu kafiki mu nzubu wa Mvidi Mukulu wenu kayi ne tshintu tshia kumulambula to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Balume bonso nebamueneke ku mesu kua Yehowa, Nzambi wenu, misangu isatu ku tshidimu ku tshidimu mu muaba udiye Usungula: ku disanka dia mampa adi kâyi ne luevene, ne ku disanka dia mbingu ai muanda mutekete, ne ku disanka dia bitandatanda; kabamueneki ku mesu kua Yehowa ne bianza bituhu:

Dielulula 16:16 교차 참조

1 Bakalenga 9:25

Mukalenga Shelomu, mua ulambula milambu ya kuosha ne ya bobumue misangu isatu ku tshidimu tshionsu. Uvua osha milambu ayi mu dina dia Maweja-Nangila patshilambuilu tshivuaye muashile Maweja-Nangila. Nanku, mu nzubu wa Mvidi Mukulu bavua benzelamu mudimu uvuabu bamuibakila.

2 Kulondolola 8:13

Bilondeshile mikenji ivua Moshe mumane kujadika bua dituku dionsu dia bualu, Shelomu uvua ulambula milambu dituku dia Dikisha, dituku dia kumpala dia ngondu, ne mu bibilu bisatu binene bia ku tshidimu: Dituku dia Mampa kaayi mela buanga, dia Dinowa biakudia, ne dia tuzubu tua Bisasa.

Ezela 3:1

Bena Izrayele bonsu bamane kusomba mu bimenga biabu, kumvuanganabu diyi dimue dia kusangila bonsu mu Yerushalayime, ngondu wa muanda mutekete wa tshidimu.

Nehemya 8:15

Bavua bamanyisha bualu bua tshibilu etshi mu bimenga bionsu too ne mu Yerushalayime. Bavua balomba bua bantu bonsu baye ku mikuna, bambule kabidi matamba a mitshi ya olive ya ku nzubu yabu, nansha ya mu tshisuku, nansha malala a mabue. Bambule kabidi matamba a mitshi mikuabu ya mabeji a bungi, bua bamone mua kuasa tuzubu tua bisasa.

Misambu 122:4

Muebe ke mudi meku a Izrayele, meku a Maweja-Nangila afika bua kutumbisha Maweja-Nangila, bu mudi mukenji wa bena Izrayele wamba.

Misambu 84:7

Padibu bapitshila mu tshibandabanda tshiume, Mvidi Mukulu udi utshikudimuna, utshienza muaba mutalale wa mayi, nansha mvula mbedi udi utshibuikila ne majiba.

Misambu 84:8

Badi bapeta bukole padibu baya, bua umueneka kumpala kua Mvidi Mukulu mu Siyone.

Misambu 96:8

Luayi numanyishe butumbi buende, buelayi mu lubanza lua nzubu wende, numutuadile milambu.

Ekesode 34:20

Nupikule muanabute mulume wa mpunde ku mukoku. Panuabenga kupikula muanabute awu, numutshibule nshingu. Kadi, nupikule bamuanabute benu balume. “Kanufiki mu nzubu wanyi bianza bitupu to.

Ekesode 34:24

Pangipata bisamba bikuabu bionsu binudi nabi pabuipi, nendiundishe mikalu ya ditunga dienu, bua panudi numuka bua kumonanganna nanyi misangu eyi isatu, bantu bakuabu kabena mua kuikala ne lukuka lua ditunga dienu to.

Yeshaya 23:18

Kadi bintu bidibu bapeta mu mushinga, nebabijidile mu dina dia Maweja-Nangila. Kabena babumba bintu ebi to. Kabena nansha babilama. Kadi bidi amu bua kudisha, kukutshisha ne kuvuadika bimpe bantu badi batendelela Maweja-Nangila.

Yeshaya 33:20

Neutangile Yerushalayime, neutangile Siyone, muaba udibu benzela bibilu bietu, nanku neumone ne: Yerushalayime ukadi muaba wa dikisha ne wa bupole, bu ntenta udibu kabayi batentemuna kabidi, kabayi batula milonda, kabayi basulula mionji yende.

Yezekiyele 36:38

Mu matuku a bibilu, mu Yerushalayime muvua nyama ya bungi ivuabu balambule. Bavua bafike nayi bisumbu ne bisumbu. Nanku bantu badi ne bua kuasa tshiakabidi mu bimenga bienu bidi bishala makolu mpindiewu, nebikale bungi bua nyama ayi. Nanku, bantu bonsu nebamanye ne: ndi Maweja-Nangila.”

Lewitiki 23:34

bua amanyishe bena Izrayele mikenji idi ilonda eyi ne: “Biangatshile ku matuku dikumi ne atanu a ngondu wa muanda mutekete, nenungenzele tshibilu tshia tuzubu tua Bisasa lumingu lujima, bua kunnemeka.

Agayi 1:9

Nuvua batekemene biakudia bia bungi, nuenu kunowa bikese. Binuvua baye nabi mu nzubu yenu, meme kubiela mupuya, kutangalakabu Meme Maweja-Nangila wa bukole buonsu, ndi nnukonka ne: Ndi muenze nanku bua tshinyi? Ndi nnuamba ne: Ndi muenze nanku, bualu nudi balekele nzubu wanyi ashale munyanguke, nukuate mudimu bikole amu bua kulengeja yenu nuenu.

Matayi 2:11

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

Marke 12:3

Bafutshidi kukuata muena mudimu, kumutuuta, kumuipata bianza bitupu.

Yowanane 7:2

Tshibilu tshia bena Yuda tshia tuzubu tua Bisasa tshikavua pabuipi.

Dielulula 16:15

Nuenze tshibilu etshi matuku muanda mutekete, bua kutendelela Maweja-Nangila Mvidi Mukulu wenu. Nutshienzele anu muaba wikalaye musungule. Nusanke bikole, bualu Maweja-Nangila neanuvudijile biakudia bia bungi mu madimi enu. Neanusankishe kabidi mu bionsu binudi nuenza.

Dielulula 16:17

Muntu yonsu neafike ne mulambu, bilondeshile mudimu udiye wenza, ne mushindu wikala Maweja-Nangila Mvidi Mukulu wenu mumuambuluishe.

Dielulula 31:11

Nusangishe bena Izrayele bonsu muaba umue, balume, bakaji, bana, ne bantu benyi badi munkatshi muenu. Nubabadile mikenji eyi kumpala kua Mvidi Mukulu Maweja-Nangila, muaba wikalaye musungule.

1 Samuele 1:3

Tshidimu tshionsu, Elkana uvua umuka mu tshimenga tshia Rama, uya mu nzubu wa Mvidi Mukulu wa ku Silo bua kutendelela Maweja-Nangila Mvidi Mukulu wa Izrayele, ne kumulambula milambu. Ofni ne Pinhase, bana ba balume babidi ba mutuangaji Eli, ke bavua batuangaji ba Maweja-Nangila mu Silo.

1 Samuele 6:3

Batuangaji ne bena Mbuku kuandamuna ne: — Panuikala basue kupingaja mushete wa Mvidi Mukulu wa bena Izrayele, kanuena mua kuupingaja tshianana to. Mbimpe nulambuleku Mvidi Mukulu wa bena Izrayele mulambu wa didia tshibalu. Nanku masama enu neajike. Kabidi nenujadike tshivua Maweja-Nangila ewu unukengeshila anu kunukengesha, kayi ulekela kunuleja bukole buende.