Dielulula 16:12 - MUKANDA WA MYIDI MUKULU

¹² Nuvuluke ne: nuvua bapika mu ditunga dia Ejipitu. Nanku nukumbaje mikenji eyi yonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Numuke ne nuenu nuakadi bahika mu Ejipitu: nutumikile mikenji ei yonso.

Dielulula 16:12 교차 참조

Efeze 2:11

Kabavua banulele bena Yuda. Bena Yuda bavua banuamba ne: “ki mbabateke panshi.” Kadi bobu mene bavua babateka panshi amu mushindu udi bantu batekangana panshi. Nenku, vulukayi munuvua kale.

Dielulula 15:15

Nuvuluke ne: nuvua bapika mu ditunga dia Ejipitu. Maweja-Nangila Mvidi Mukulu wenu kunupatula. Ke pandi nnupesha mukenji ewu mpindiewu.

Dielulula 16:13

Nuenu bamane kushipula ntete ya kuenza bukula, bamane kukama kabidi tumuma tua mvinyo, bajikije, nuenze tshibilu tshia tuzubu tua Bisasa matuku muanda mutekete malondangane.

Dielulula 16:15

Nuenze tshibilu etshi matuku muanda mutekete, bua kutendelela Maweja-Nangila Mvidi Mukulu wenu. Nutshienzele anu muaba wikalaye musungule. Nusanke bikole, bualu Maweja-Nangila neanuvudijile biakudia bia bungi mu madimi enu. Neanusankishe kabidi mu bionsu binudi nuenza.

Dielulula 5:15

Nuenu bena Izrayele mwuluke ne: nuvua ku bupika mu ditunga dia Ejipitu. Meme Maweja-Nangila Mvidi Mukulu wenu kunupatula ku bukole buanyi. Ke pandi nnukandika, bua kanuenji midimu dituku dia Dikisha.