Dielulula 15:11 - MUKANDA WA MYIDI MUKULU

¹¹ Mu ditunga dienu nemuikale bapele misangu yonsu. Ke pandi nnuambila ne: nuikale ne muoyi muimpe. Nuvuluke bana benu bapele, ne bena dikenga badi munkatshi muenu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bua bahele nebikale mu buloba buenu matuku onso, nunku nakanuambila ne, Nubulule tshianza tshienu kudi muanʼenu, kudi mukengi ne kudi muhele mu buloba buenu.

Dielulula 15:11 교차 참조

Ekesode 23:11

Kadi, tshidimu tshia muanda mutekete, kanudimi to. Bidi bishale pa madimi nebabiangate kudi bapele banudi nabu, bikuabu nebabidie kudi nyama ya mu mpata. Nuenze nanku kabidi bua mitshi yenu inudi nukuna ya maluvu ne ya tumuma tua olive.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Nsumuinu 22:2

Muneme ne mupele, mbantu bamue. Maweja-Nangila ke udi mubafuke bonsu babidi.

Nsumuinu 31:20

Udi wambuluisha bena dikenga, upa bapele ne muoyi wa kalolu.

Yezekiyele 18:7

Kena ukengesha muntu, nansha wiba muntu awu. Udi upingaja tshieya tshivua muena dibanza mumueyeke. Udi upesha muntu udi ne nzala biakudia, upesha muntu uvua butaka tshilamba.

Matayi 26:11

Bualu nenuikale ne bapele matuku onsu. Kadi meme kanuakushala nanyi kashidi to.

Matayi 5:42

Padi muntu ukulomba tshintu, umupeshe. Padi muntu musue kukusomba tshintu, umusombeshe.

Marke 14:7

Bualu nenuikale ne bapele matuku onsu, nenku misangu yonsu inudi basue nudi mua kubenzela bimpe. Kadi meme kanuena nanyi matuku onsu to.

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

Yowanane 12:8

Nenuikale ne bapele matuku onsu pamue nenu, kadi meme kanuakuikala nanyi matuku onsu.

Bienzedi 2:45

Bavua bapana madimi ne bintu biabu, babanyangana bonsu mushinga wabi, bilondeshile dikenga divua muntu yonsu nadi.

Dielulula 15:7

Pikala muntu mupele munkatshi mua bana benu, mu tshimenga tshia ditunga dianupesha Maweja-Nangila Mvidi Mukulu wenu, unusomba tshintu, kanumuiminyi to.

Dielulula 15:8

Numusombeshe ne muoyi muimpe tshionsu tshidiye ukengela.