Dielulula 15:10 - MUKANDA WA MYIDI MUKULU

¹⁰ Nanku nuikale ne muoyi muimpe, nusombeshe mupele tshintu tshidiye ulomba. Nuenu benze nanku, Maweja-Nangila Mvidi Mukulu neanusankishe mu bionsu binudi nuenza.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Numuke bintu bulelela; mitshima yenu kayinyingaladi, hanuamuhabi; bua bualu ebu Yehowa, Nzambi wenu, neanuvudishile disanka mu mudimu wonso unudi nuenza ne bianza bienu.

Dielulula 15:10 교차 참조

Nsumuinu 22:9

Muntu udi wenzelangana bimpe, Mvidi Mukulu neamuele lupemba, bualu tshiende tshiakudia udi wabanyangana ne bapele.

Muambi 11:1

Ela biudi nabi mu mayi manene. Bumue dituku dikuabu neubipete tshiakabidi.

Yeshaya 32:8

Kadi muntu wa kalolu, udi wela meji amu a kalolu, udi ukumbaja kabidi malu a kalolu.

Yeshaya 58:10

panudi nuabanyangana tshiakudia tshienu ne muntu udi ne nzala, panudi nudisha muntu udi ne dikenga, nenku butoke nebuipate miidima muaba unudi nusombela. Pa mutu pa kuikala mu miidima, nenusombe mu butoke bu munda munya.

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Bienzedi 20:35

Mvua munuleje misangu yonsu ne: ke munudi ne bua kukuata mudimu bikole bua kuambuluisha bakengi. Nuvuluke miaku ivua Mfumu Yezu muambe ne: “Disanka dia kupa ndipite dia kupeta.”

Rome 12:8

Udi ne dipa dia kukolesha bakuabu ku muoyi, abakoleshe. Udi ne dipa dia kupa bakuabu bilenga bidiye nabi, abipeshangane ne kalolu konsu. Udi ulombola, alombole ne muoyi muimpe. Udi wambuluisha bakengi, abambuluishe ne musangelu.

Dielulula 14:19

Bishi bionsu bidi ne masala, kanuena mua kubidia to, bualu bidi ne mikiya.

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.

Dielulula 15:18

Kanuikadi ne kanyinganyinga bua kupesha mupika budikadidi to. Bualu bidimu bisambombu bidiye munuenzele mudimu, mmunupeteshe bintu bia bungi, bipite misangu ibidi binuvua mua kupeta kudi muena mudimu unudi nufuta. Nanku mupika apete anu budikadidi, bua Maweja-Nangila Mvidi Mukulu wenu anusankishe mu bionsu binudi nuenza.

Dielulula 15:4

Kadi Maweja-Nangila Mvidi Mukulu wenu, neanuambuluishe, bua nupete bintu bia bungi mu ditunga didiye munupe. Nanku munkatshi muenu kamuakuikala bapele to,

Dielulula 23:20

Nuenu basombeshe muanenu makuta, biakudia nansha tshintu tshikuabu, kanuena mua kumulomba tshia kasombela to.

Dielulula 24:19

Panudi nunowa biakudia, kanuena mua kuangulula binuvua bapue muoyi to. Bishale bua bakaji bakamba, bana ba nshiya, ne benyi badi munkatshi muenu. Nanku Maweja-Nangila Mvidi Mukulu wenu, neanuele lupemba mu midimu yenu yonsu.

Dielulula 28:8

Maweja-Nangila Mvidi Mukulu wenu nealame biakudia bionsu binudi bateke mu mayeba enu. Neanuendeshe diakalenga ku midimu yenu yonsu. Nanku neanusankishe bulelela, mu ditunga didiye munupe.

Ebrewu 13:16

Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.