Dielulula 13:6 - MUKANDA WA MYIDI MUKULU

⁶ Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bikala muanʼenu mulume, muana mulume wa mamu webe mene, anyi muanʼebe mulume anyi muanʼebe mukashi, anyi mukashi webe ûdi unanga, anyi mulunda webe wa ha mutshima webe, mukusesuishe mu musokoko ne, Tuye bietu, tuenzele nzambi mikuabo mudimu, inudi kanuyi bamanye, nansha wewe nansha batatu benu;

Dielulula 13:6 교차 참조

Genese 16:5

Ke Sarayi kuambila Abrame ne: — Badi bampenda bipendu bionsu ebi bualu buebe. Meme kukupesha mupika wanyi bua ikale muena kuebe. Kadi katshia wimita difu, kena unnemeka kabidi to. Maweja-Nangila nkayende akose tshilumbu tshidi pankatshi petu nebe.

2 Samuele 1:26

Mwoyi wanyi udi unyingalala bualu buebe, Yonatane wanyi, muanetu mulunda wanyi wa pa muoyi. Dinanga diuvua munnange nadi, divua dinsankisha mudi dinanga dia bakaji kadiyi mua kunsankisha.

1 Bakalenga 18:40

Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

2 Bakalenga 11:18

Diba adi, bantu bonsu kuya mu nzubu wa Baale. Kupulabu nzubu awu, kunyangakaja bilambuilu ne mpingu ivuamu. Kushipabu Matane, mutuangaji wa Baale, kumpala kua bilambuilu. Pashishe, mutuangaji Yoyada kuteka bantu bua kulama bimpe nzubu wa Maweja-Nangila.

2 Kulondolola 15:13

Nanku, muntu yonsu, muana nansha muntu mukole, mukaji nansha mulume, uvua ubenga Maweja-Nangila Mvidi Mukulu wa Izrayele, bavua ne bua kumushipa.

2 Kulondolola 23:17

Nanku, kuyabu mu nzubu wa Baale. Kupulabu nzubu awu. Kunyangakajabu bilambuilu ne mpingu bivuamu. Kushipabu Matane, mutuangaji wa mvidie Baale, kumpala kua tshilambuilu.

Yobe 31:27

muoyi wanyi uvua mulenduke mu musokoku anyi? Mvua mubinemeke bu mvidie anyi?

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 32:27

Moshe kubambila ne: — Maweja-Nangila Mvidi Mukulu wa Izrayele mmutume diyi ne: “Muntu yonsu ambule muele wende wa mvita, endakane ku nzubu ya bantu, bua kushipa udiye usangana: ne mmuanabu wa balume, ne mmulunda wende nansha muena mutumba nende.”

Nsumuinu 18:24

Muntu udi ne balunda ba bungi, bobu mene badi mua kumukebela dikenga. Kadi mulunda muimpe mmupite ne muanenu.

Nsumuinu 5:20

Muananyi, mukaji wa bende udi ukusamina muoyi bua tshinyi? Bua tshinyi udi musue kubuelela mukaji wa bende mu nzubu.

Yirmeya 28:15

Pashishe, Yirmeya kuambila muambi Ananiya ne: — Ananiya, teleja bimpe. Maweja-Nangila kena mukutume to. Wewe udi usaka bantu aba bua bitabe malu a dishima.

Yirmeya 28:16

Nenku Maweja-Nangila udi ukuambila ne: kuena kabidi ne muaba pa buloba apa to. Neufue tshidimu etshi katshiyi tshianji kujika, bualu udi usaka bantu bua batombokele Maweja-Nangila.

Yirmeya 44:3

Bualu bantu badi basombamu bavua bangenzele bibi, bamfikishe munda. Bavua baye kulambula ne kutendelela mvidie ya bantu ba bisamba bikuabu. Kadi mvidie ayi, nansha nuenu, nansha bankambua benu, kanuvua bayimanye to.

Zekâya 13:3

Pikala muntu umanyisha bantu malu mu dina dia Mvidi Mukulu, tatuende ne mamuende menemene neba-muambile ne: “Ufue, bualu udi wamba malu a dishima, utela dina dia Mvidi Mukulu.” Baledi bende menemene nebamutape ne muele, patshidiye umanyisha bantu malu.

2 Korente 5:16

Nenku kutuadija ku lelu, katutshiena tulumbuluisha mudi bantu balumbuluisha muntu nabu. Ku kale tuvua balumbuluishe Kristu mushindu awu. Kadi mpindiewu katuena tuenza kabidi nanku to.

Ngalate 2:4

Bushuwa bena ditaba bakuabu, bena mpala ibidi, bavua babuelakane netu, bavua basue kumutekesha panshi. Bantu aba mbabuele mu Tshisumbu tshietu bua kututentekela, kumona mutudi tudienzela bitudi basue, bualu tudi tuitaba Yezu Kristu. Nanku bavua basue kutupingaja mu bupika.

Efeze 4:14

Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.

Dielulula 11:32

Diba adi, mwuluke bua kukumbaja meyi ne mikenji yende, bindi nnumanyisha lelu ebi.

Dielulula 13:2

Dituku dikuabu, pikala muambi nansha muntu udi Mvidi Mukulu uleja malu munumuenekela, nnumanyisha tshishima,

Dielulula 13:7

Dituku dikuabu pikala muntu wa kunudi, bamubikila mu musokoku kudi muanabu wa balume, kudi muanabu wa bakaji, kudi mukajende mene, nansha kudi mulunda wende udiye mupite kunanga, bua kutendelela mvidie mikuabu, inuvua kanuyi bamanye, nansha nuenu nansha bankambua benu, kanuena mua kumuitaba to.

Dielulula 17:12

Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.

Dielulula 18:20

Kadi pikala muambi wakula ne dikamakama mu dina dianyi meme Maweja-Nangila, wamba malu andi tshiyi mumuambile, nansha pikalaye wamba malu mu dina dia mvidie mikuabu, muambi awu neafue.”

Dielulula 19:19

nebamunyoke amu mushindu uvuaye musue ne banyoke muanabu awu, bua kujikija buenzayi bua nanku munkatshi muenu.

Dielulula 21:21

Diba adi, bantu bonsu ba mu tshimenga atshi, nebamuase mabue, bamushipa. Pumvua bena Izrayele binudi bamuenzela, nebatshine. Kabakuenza kabidi buenzayi ebu to. Ke munudi mua kujikija buenzayi munkatshi mua bena Izrayele nanku.

Dielulula 22:21

bakulu ba mu tshimenga nebimanyike mukaji ewu mu mushiku wa mbelu wa nzubu wa tatuende. Bantu balume ba mu tshimenga nebamuase mabue, bamushipe. Bualu mmuenze bualu bua dikamakama, patshivuaye ku nzubu kua baledi bende. Ke munudi mua kujikija buenzayi bua mushindu ewu munkatshi mua bena Izrayele nanku.

Dielulula 24:7

Pikala muena Izrayele mukuate muanabu, mumulame bu mupika, nansha mumupane, mbimpe kushipa mukuatshianganyi awu. Ke munudi mua kujikija buenzayi munkatshi mua bena Izrayele nanku.

Dielulula 28:54

Diba adi, muntu wa kunudi udi ne muoyi muimpe, wa kanemu, newoshe muanabu, nansha bana badiye mushale nabu, nansha mukajende, disu dia lonji.

Dielulula 29:18

Muntu yonsu wa kunudi udi ubenga bindi nnuambila ebi, wela meji ne: “Nansha meme muenze malu mabi, kakuena tshidi mua kungenze-kela,” wambila kabidi bantu bakuabu bua kutendelela mvidie,

Dielulula 8:14

kanuditambishi to. Nuvuluke Maweja-Nangila Mvidi Mukulu wenu, uvua munupatule ku bupika mu Ejipitu.

Kolose 2:4

Ndi nnuambila nanku, bua muntu nansha umue kanushimi ne miaku ya budimu.

Yoshua 7:13

Mpindiewu, ndaku, ambila bena Izrayele badilongolole bua tumonangane nabu. Kadi badikobolole, bumushe mikiya, bafike malaba tumonangane. Bualu meme Maweja-Nangila Mvidi Mukulu, ndi njadikila bena Izrayele ne: “Nudi bangate bintu bimvua munukandike ne: kanuangatshi. Kanuena mua kupita baluishi benu bukole panudi kanuyi bumushe bintu abi to.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

Didimanyisha 12:9

Kuipatabu nyoka wa tshidika munene awu mu diulu. Nyoka awu ke nyoka wa kale, udibu binyika ne: diabolu, nansha Satane, udi udinga buloba bujima. Kumuimanshabu pa buloba, pamue ne batumibue bende bonsu.

Didimanyisha 13:14

Uvua upambuisha bantu ba pa buloba ku malu a dikema avuaye ne bukenji bua kuenza mu dina dia nyama wa kumpala. Kuambilaye bantu ba pa buloba, bua benze tshimfuanyi, banemekele natshi nyama uvuabu batape muele wa mvita, kadi mutshikale amu ne muoyi.

Didimanyisha 20:3

Mutumibue kumuela mu kandondu, kukanga ne nsapi, kutua tshitampi, bua nyoka wa tshidika kamonyi mua kupambula kabidi bisamba bia bantu, too ne muakumbana bidimu tshinunu. Pakumbana bidimu ebi, nebanji kumulekela bua katupa kipi.

Balombodi 10:6

Bena Izrayele kuenza kabidi malu mabi adi Maweja-Nangila ubenga. Kutendelelabu mvidie mulume Baale, ne mvidie mukaji Astarte, kabidi ne mvidie ya bena Arame, ya bena Sidone, ya bena Mowabe, ya bena Amone ne ya bena Peleshete. Kulekelabu Maweja-Nangila, kabayi bamutendelela kabidi to.

Balombodi 2:13

Ke bena Izrayele kubenga Maweja-Nangila, bua kuya kutendelela mvidie Baale ne Astarte.

Balombodi 20:13

Nanku mpindiewu, nutupe bena tshibawu abu, bena buenzayi ba bena Ngibeya abu. Netubashipe bua kujikija bubi ebu munkatshi mua tshisamba tshia bena Izrayele. Kadi bena Binyamine kabavua basue kuteleja bana babu bena Izrayele to.

Balombodi 5:8

Bantu bavua basungula mvidie mipiamipia. Katupa kiipi, mvita kutuadija. Kadi bivua bikole bua kupeta ngabu wa mvita, nansha difuma, bua bena Izrayele binunu makumi anayi.

1 Samuele 18:1

Davide ujikija kuyukila ne Shawule, Yonatane, muana wa Shawule, kutuadija kunanga nsongalume awu bikole. Kumunangaye bu mudi muntu udinanga mene.

1 Samuele 18:3

Kadi bu muvua Yonatane munanga Davide bikole, kutuabu ndondu wa bulunda kashidi.

1 Samuele 20:17

Yonatane kuambila kabidi Davide bua aditshipe bua kujadika mudiye munange Yonatane. Bualu Yonatane uvua munange Davide ne muoyi mujima.