Dielulula 13:5 - MUKANDA WA MYIDI MUKULU

⁵ Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nebashihe muprofete au anyi mulotshi au wa bilota, bualu bua yeye wakamba mei adi anutombuesha kudi Yehowa, Nzambi wenu, wakanu; hatula mu buloba bua Ejipitu, wakanuhikula mu nsubu wa lukanu; udi musue kunusesuisha mu nshila wakanuambila Yehowa, Nzambi wenubua nuenu kuendamu. Nunku nenumushe malu mabi â munkatshi muenu.

Dielulula 13:5 교차 참조

1 Bakalenga 13:19

Nanku, muambi uvua mufume ku ditunga dia bena Yuda, kupingana ku nzubu kuende bua kudia ne kunua.

1 Bakalenga 18:40

Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

2 Kulondolola 34:31

Uvua muimane pa muaba uvuabu bamulongoluele. Kutuaye tshiakabidi ndondu ne Maweja-Nangila. Muntu yonsu uvua ne bua kuitaba ne: ndi musue kuitaba Maweja-Nangila, kukumbaja ne muoyi wanyi mujima, ne bukole buanyi buonsu, meyi ende, mikenji yende ne mikandu yende. Ndi musue kukumbaja kabidi bionsu bidibu bafunde mu mukanda wa ndondu.

Yirmeya 14:15

Nanku, meme Maweja-Nangila ndi ngamba bua bambi aba ne: tshiena mubatume to. Kadi bu mudibu bambila bantu mu dina dianyi meme ne: kanuakuikala ne mvita, nansha ne tshiyole tshia nzala mu ditunga edi, nanku bantu aba nebalue ku tshiyole tshia nzala, ne ku mvita too ne ku muntu wa ndekelu.

Yirmeya 29:32

meme Maweja-Nangila ndi nshindika ne: nenshipe Shemaya ne ndelanganyi yende yonsu. Muntu nansha umue wa ku diku diende kena ushala ne muoyi munkatshi muenu bua kumona malu mimpe angenzela bantu banyi. Bualu Shemaya mmusake bantu banyi bua bantombokele. Meme Maweja-Nangila ndi njadika nanku.”

Yirmeya 50:6

Bantu banyi bavua bu tshisumbu tshia mikoku mipambuke. Balami bayi ke bavua bayipambuishe. Ke bavua bayilekelela, itambakana eku ne eku pa mikuna, kayiyi ivuluka kabidi lupangu luayi.

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Zekâya 13:3

Pikala muntu umanyisha bantu malu mu dina dia Mvidi Mukulu, tatuende ne mamuende menemene neba-muambile ne: “Ufue, bualu udi wamba malu a dishima, utela dina dia Mvidi Mukulu.” Baledi bende menemene nebamutape ne muele, patshidiye umanyisha bantu malu.

Bienzedi 13:8

Kadi Elimase (ke mudibu bandamuna dina diende mu tshiena ngreke nanku), muena dialu awu, uvua uluisha Barnabase ne Polu, ukeba bua mulombodi kafiki ku ditaba.

1 Korente 5:13

Mvidi Mukulu neabalumbuluishe. Kadi kanuena ne bua kulumbuluisha badi mu tshisumbu tshienu anyi? Nudi amu ne bua kulumbuluisha! Bualu Mukanda wa tshijila udi wamba ne: “Ipatayi muntu mubi munkatshi muenu.”

Dielulula 13:10

Muntu yonsu udi unuambila bua kutendelela mvidie, bamushipe. Muntu uvuaye wambila bua kutendelela mvidie, ke udi udianjila kumuasa dibue. Bantu bakuabu, kushisha kumuambuluisha bua kumushipa.

Dielulula 13:15

Diba adi, nuebejangane, nulondakajangane bimpe bua kujadika ne: bualu ebu mbulelela anyi? Nuenu bajadika menemene ne: mbenze nanku,

Dielulula 13:9

Kanuena mua kuitaba bionsu ebi, nansha kuteleja mene bidibu banuambila to. Muntu udi utendelela mvidie eyi, mmuena tshibawu. Kanuena mua kumufuila luse, kanuena mua kumuakuila.

Dielulula 17:5

muena tshibawu awu, nansha yeye mulume nansha yeye mukaji, nuye nende ku tshibuelelu tshia tshimenga. Numuase mabue, numushipe.

Dielulula 17:7

Bajadiki ba bualu abu ke badi badianjila kumuasa mabue. Pashishe bantu bakuabu nebabambuluishe bua kumushipa. Ke munudi ne bua kumusha bubi munkatshi muenu.

Dielulula 18:20

Kadi pikala muambi wakula ne dikamakama mu dina dianyi meme Maweja-Nangila, wamba malu andi tshiyi mumuambile, nansha pikalaye wamba malu mu dina dia mvidie mikuabu, muambi awu neafue.”

Dielulula 19:19

nebamunyoke amu mushindu uvuaye musue ne banyoke muanabu awu, bua kujikija buenzayi bua nanku munkatshi muenu.

Dielulula 22:21

bakulu ba mu tshimenga nebimanyike mukaji ewu mu mushiku wa mbelu wa nzubu wa tatuende. Bantu balume ba mu tshimenga nebamuase mabue, bamushipe. Bualu mmuenze bualu bua dikamakama, patshivuaye ku nzubu kua baledi bende. Ke munudi mua kujikija buenzayi bua mushindu ewu munkatshi mua bena Izrayele nanku.

Dielulula 22:24

nubimanyike bonsu babidi ku tshiibi tshia tshimenga, nubase mabue, nubashipe. Bualu mbenze bualu ebu mu tshimenga, kadi nsongakaji kena muele mbila, kena mubikile bantu. Nsongalume pende mmukuate nsongakaji, mumane kubangila awu, ku bukole, mumubuelele mu nzubu. Ke munudi mua kujikija buenzayi munkatshi muenu nanku.

Dielulula 24:7

Pikala muena Izrayele mukuate muanabu, mumulame bu mupika, nansha mumupane, mbimpe kushipa mukuatshianganyi awu. Ke munudi mua kujikija buenzayi munkatshi mua bena Izrayele nanku.

Dielulula 26:14

Pamvua mu madilu, tshiena mudie tshia dikumi atshi. Pamvua ne mikiya, tshiena mutshilenge, nansha mutshilambule bua muntu mufue. Maweja-Nangila Mvidi Mukulu wanyi, ndi muteleje mikenji yebe, muyikumbaje yonsu.

Dielulula 4:19

Kanutangidi mulu bua kutendelela diba, ngondu, mitotu, nansha bintu bionsu bidi mu tshibuashibuashi. Kanubienzedi mudimu, kanubikukuidi. Maweja-Nangila mmuitabe anu bua bisamba bikuabu bitendelele bintu abi.

Dielulula 6:13

Numunemeke, numutendelele amu yeye nkayende. Nutshipe amu mu dina diende.

Dielulula 7:4

Bualu bantu ba bisamba bikuabu aba, badi mua kutombola ndelanganyi yenu, bua nubenge Maweja-Nangila, nutendelele mvidie mikuabu. Diba adi, Maweja-Nangila neanufuile munda, anubutule musangu umue.

Yoshua 23:8

Nuitabe amu Maweja-Nangila Mvidi Mukulu wenu, bu munudi numuitaba too ne ku mpindiewu.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Balombodi 20:13

Nanku mpindiewu, nutupe bena tshibawu abu, bena buenzayi ba bena Ngibeya abu. Netubashipe bua kujikija bubi ebu munkatshi mua tshisamba tshia bena Izrayele. Kadi bena Binyamine kabavua basue kuteleja bana babu bena Izrayele to.

1 Samuele 12:14

Mpindiewu, nenuikale bena diakalenga anu panuikala banemeka Maweja-Nangila Mvidi Mukulu wenu, numuenzela mudimu, numutumikila kanuyi numutombokela, nukumbaja mikenji yende, nuenu ne mukalenga wenu, numulonda.