Dielulula 13:17 - MUKANDA WA MYIDI MUKULU

¹⁷ Nukungule bubanji buonsu bua mu tshimenga atshi muaba umue, muaba udi bantu bambilangane malu. Nubioshe musangu umue ne tshimenga atshi, bua bikale bu mulambu wa kuoshila Maweja-Nangila Mvidi Mukulu wenu. Tshimenga atshi nutshiupule bua kashidi, kabayi mua kutshiasulula kabidi to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Ka nudiangatshidi tshintu tshimue tshia mulau tshia musoko au mu tshianza tshienu; nunku Yehowa nealekele tshiji tshiandi tshikole, neanuleshe luse, neanusankishe, neanukumbashe bu muakalayeye batatu benu;

Dielulula 13:17 교차 참조

Yoshua 7:26

Pashishe kuimanyikabu mushiki wa mabue pambidi pa Akane. Mabue awu atshidipu too ne mpindiewu. Ke padibu babikila muaba awu ne lelu ne: tshibandabanda tshia Akore. Bionsu abi bimane kuenzeka, tshiji tshia Maweja-Nangila kutuya.

Dielulula 7:26

Kanuteki lupingu nansha lumue luleja mvidie wa mushindu ewu mu nzubu yenu. Nuenu benze nanku, nebanubutule musangu umue ne mpingu ayi. Mpingu ya mushindu ewu idi ne bua kubutuka yonsu. Nuyibenge, nuyimanshe.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Yoshua 6:18

Kadi nudimuke! Kanuangatshi tshintu nansha tshimue tshia mu tshimenga etshi. Bualu nudi mua kudikebela diakabi. Bena Izrayele bonsu badi mu mitanda badi mua kubutuka.

Dielulula 30:3

Maweja-Nangila Mvidi Mukulu wenu neandamune malu enu. Neamuenzele bimpe, neanumushe mu matunga onsu avuaye munutangalaje. Neanupingaje mu ditunga dienu.

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

1 Korente 16:22

Pikala muntu kayi unanga Mfumu, ikale mutshipa! Maranatha — Mfumu wetu vuakunu!

Yezekiyele 37:26

Nentue nenu ndondu bua kunupesha bupole bua kashidi. Nemvudije bantu benu. Nenteke nzubu wanyi munkatshi muenu kashidi.

Muadi 3:32

Nansha yeye ukengesha muntu, udi umufuila luse, bualu buimpe buende mbupite bunene.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Yoshua 22:20

Pavua Akane, wa ku ndelanganyi ya Zera, muenze tshilema tshinene, muangate bintu bikandika, Maweja-Nangila uvua mufikile bena Izrayele bonsu munda, mubakengeshe. Nuenu nudi bamanye bualu ebu! Kabidi, Akane kena mufue nkayende bua bubi buende to.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Yoshua 6:26

Tshikondu atshi, Yoshuwa kuyukila ne bena Izrayele, ubadimuja bua tshimenga tshia Yeriko, wamba ne: “Muntu wibaka kabidi tshimenga tshia Yeriko, bamutshipe kudi Maweja-Nangila. Padiye umbula mikidi ya tshimenga etshi, muanende muanabute asangane kufua anyee? Afue! Padiye wela biibi ku tshimenga etshi, muanende muana mukala asangane kufua anyee? Afue!”

Dielulula 7:13

Nanku panuafika mu ditunga didi Maweja-Nangila munupe, divuaye mulaye bankambua benu, bu mudiye mununange, Yeye neanusankishe. Nenulele bana ba bungi. Nenuikale ne bintu bipite bungi: ntete ya kuenza bukula, mvinyo, mafuta, ngombe, mikoku ne mbuji.

Dibadika 25:4

Kuambilaye Moshe ne: — Owe kumpala kuanyi bamfumu ba bena Izrayele bonsu, batangile diba, bua kujikija tshiiji tshianyi. Bualu mvua munufikile munda.

Ekesode 20:6

Kadi bantu badi bannange, batumikile mikenji yanyi, nembanange, mbenzele bimpe too ne ku ndelanganyi tshinunu.

Ekesode 32:12

bena Ejipitu mbafuane kuamba ne: Uvua mupatule bena Izrayele mu Ejipitu ne lonji, bua kubashipa, kubabutula pa mikuna. Nanku, ndi nkusengelela bua utuyishe tshiji tshiebe, kubabutudi to.

Dielulula 13:18

Kanuena mua kuangata tshintu nansha tshimue tshia bidibu ne bua kuosha, bua Maweja-Nangila Mvidi Mukulu wenu amone mua kutuyisha tshiji tshiende. Diba adi, neanufuile luse. Nenuvulangane, bu muvuaye mulaye bankambua benu.

Dielulula 30:5

bua kunupingaja mu ditunga dia bankambua benu. Nenusombemu. Maweja-Nangila neanuenzele bimpe bipite bivuaye muenzele bankambua benu. Nenubapite ku bungi.

Misambu 85:3

Udi mukupule tshilema tshia bantu bebe, mubabuikidile malu mabi abu.

Osheya 11:9

Tshiena nnunyoka, bilondeshile tshiji tshianyi to. Tshiena mbutula bena Efrayime musangu muibidi to, bualu meme tshiena muntu, ndi Mvidi Mukulu. Nuenu bena Efrayime, numanye ne: meme Mvidi Mukulu wa tshijila ndi nenu. Tshiena musue kufika kunudi mufike munda.”

Yoshua 6:24

Pashishe bena Izrayele kuosha tshimenga tshia Yeriko ne bionsu bivuamu. Kabawa bosha biamu bitoke bia mushinga mukole, biamu bia mpawungi, biamu bikunze, nansha bikuabu. Bavua babiteka muaba wa tshijila wa Maweja-Nangila, bua bishale biende.

Yoshua 8:28

Yoshuwa kuosha tshimenga atshi. Kushalatshi kashidi amu mushiki wa mabue, tshipela, too ne lelu.